Adel Ansary إلى إدارة السكرى .. ما قل و دل
******************************
#احمى_قلبك
#احمى_قلب_طفلك
الحلقة 24 .. (اهمية وجود جهاز الضغط في البيت)
عندك جهاز ضغط منزلي او كان عندك ؟! يا ترى عارف اهمية وجود جهاز الضغط في البيت ليك ولاسرتك؟
طيب عل تعلم
إن ارتفاع الضغط الشديد والمفاجئ ؛ ممكن يسبب جلطات في المخ ؟! او حتى نزيف ؟!
إن الهبوط الحاد والمفاجئ في ضغط الدم ممكن يؤدي للوفاة لا قدر الله ؟؟؟
في اوقات معينة ؛ بيبقى صعب نلاقي حد يقيس لنا الضغط ، و ممكن ندور بالساعات على صيدلية فاتحة او عيادة شغالة نقيس فيها الضغط .. وبيكون وجود الجهاز في البيت حل سحري
لو الوالد والوالدة كبار في السن وكان احدهما او كليها عرضة لارتفاع او انخفاض الضغط ؛ يبقى ما ينفعش البيت ما يكونش فيه جهاز ضغط سهل الاستخدام وارقامه واضحة كمان !!
اهمية وجود الجهاز في البيت بتزيد اوي ؛ لما الدكتور يغير العلاج او اثناء تظبيط الاكل وجرعات الدوا لحد ما تنتظم الامور
خللي عندك الجهاز لو كنت قادر تشتريه ، وعرف جيرانك
انك عندك الجهاز دة بنية اغاثة الملهوف
و سلفه لاي حد محتاج له (بشرط انه يرجعه تاني بسرعة )
لو عندك جار او جارة كبار في السن .. زورهم كل اسبوع مرة او مرتين ومعاك الجهاز ؛ تقيس لهم بيه الضغط ، و تطمئن عليهم بنية زيارة مريض واكرام للجار
#جهاز_الضغط_المنزلي_يساوي_حياة
البوست القادم هنتكلم عن كيفية القياس بالجهاز الإلكتروني بصورة سليمة ؛ عشان القياس يكون سليم
بعد كدة هنتكلم عن اهم المواصفات المطلوبة في جهاز الضغط المنزلي قبل ما تشتري