Adel Ansary إلى إدارة السكرى .. ما قل و دل
***************************
#كل_سؤال_له_إجابة
❤ سؤال
أعانى من وجع في العظم ، و نشر فى الجسم كله ، وألام اسفل الظهر ، وتيبس مفاصل من اكثر الاسباب للاعراض دى هو نقص فيتامين د بالجسم لفيت على طوب الأرض واخدت علاج بالهبل ومفيش فايده ؛ يبقى اعمل ايه؟! طلع فيه نقص نعمل ايه ؟؟؟
❤ جواب:
اعمل تحليل فيتامين د 25-Hydroxy-Vitamn -D
تعالى الاول نعرف كم معلومه 
ڤيتامين د آمن والجرعة القصوى للاستعمال اليومى ١٠،٠٠٠ وحدة دوليه ، وعشان يترسب على الكلى ويعمل حصوات لازم تاخد ٤٠،٠٠٠ وحدة يوميا لمدة شهرين عالأقل وده شبه مستحيل ...!!
آخر أبحاث بتقول ان في علاقة وثيقة بين تساقط الشعر ونقص ڤيتامين د !!!
وكمان في احصائيات تانيه بتقول ان فيتامين دال بيحسن الميتابوليزم و بالتالي بيخسس
واحصائيات كمان بتقول ان ليه دور مهم في تحسين المناعه و منع بعض السرطانات و كمان منع بعض الامراض القلبيه
طيب لو انت متابعنى على قناة التليجرام اكيد انك قرأت المعلومه دى
(نتائج مراجعة منظمة وتحليل شامل لعدة دراسات علمية أن الإكثار من فيتامين د ( vitamin D ) في سن مبكرة قد يفيد في الوقاية من الإصابة بمرض السكري النوع الأول type 1 diabetes، وقد نُشرت هذه ا لدراسات في المجلة الإلكترونية وتحديداً من خلال أرشيف أمراض الطفولة Archives of Disease in Childhood .
وقد قام الباحثون بالبحث عن تأثير تناول الفيتامين (د) على تطور خطر الإصابة بالسكري النوع الأول type 1 diabetes في قواعد البيانات الالكترونية مثل ميدلاين MEDLINE، وإيمباز EMBASE ، سينال CINAHL ، و كانت هناك خمسة دراسات مُشاهدة حققت المعيار المقصود، إلا أنهم لم يعينوا تجارب مراقبة عشوائية .
وبناء على التحليل الشامل لبيانات أربع دراسات لوحظ تراجع في خطر الإصابة بالسكري النوع الأول type 1 diabetes بشكل ملحوظ عند الأطفال الذين تناولوا فيتامين (د) مُقارنة مع الذين لم يتناولوه. أما نتائج الدراسة الخامسة فقد أكدت ما ورد في التحليل الشامل.
ويظهر من ذلك أن الأطفال الذين تناولوا مقداراً أعلى من الفيتامين (د) كانوا أقل عرضة لخطر تطور السكري النوع الأول لديهم، مما دعا إلى التفكير بوجود علاقة بين مقدار الجرعة و تأثير الاستجابة المطلوبة. كما يلعب توقيت تزويد الأطفال بالفيتامين (د) على ما يبدو دوراً ما في التطور اللاحق للمرض)
وعشان ماطولش عليكم ندخل فى العلاج على طول هاتكلم عن البالغين
نقط الفيدروب ملىء 2قطارة يعنى 6000 وحده دولية يوميا لمدة 6شهور وبعد كده 6نقط يعنى 600وحده دولية مدى الحياه
وفيه اقراص بدل الفيدروب قرص ٥ الاف وحدة كل يوم
و في اقراص ٥٠ الف وحدة بتتاخد قرص كل اسبوع
و فيه كمان ابر اسمها ديفارول ٢٠٠ الف وحدة دوليه بتتاخد ابرة عضل كل ٣ اسابيع
وبعد الست شهور العلاج نعمل ايه؟
نبداء ناخد الجرعه الوقائيه للبالغين 6 نقط يوميا مدى الحياه
أو قطارة كامله كل يومين
او قرص ٥ الاف وحدة كل اسبوع
او قرص ال ٥٠ الف كل شهر
ودى خلاصة خبرة فى مجال علاج نقص فيتامين د المنتشر بين كتير من الناس
عافاكم الله جميعا ومتعكم بالصحه
د.أحمد حجازى .أخصائى طب الأسرة 
موضوع: أعانى من وجع في العظم ، و نشر فى الجسم كله ، وألام اسفل الظهر ، وتيبس مفاصل ماهى الاسباب 
الجمعة فبراير 08, 2019 4:35 pm
