https://www.facebook.com/drmohamed.hafezii/videos/363722677803859/?t=30
Mohammed Haffz.
***********
■ الاخوانجي صابر مشهور عامل فيديو بيقول فيه : ان الايمان بعودة مرسي هو ركن من أركان الدين وجزء من عقيدة المسلم ، ومن يشكك فيها عليه أن يراجع ايمانه !!
◆ ونفس الخروف الضاني ليه فيديو تاني بيقول فيه ..حلايب وشلاتين مش مصرية ولا سودانية.. دي اسلامية.. حلايب وشلاتين ليست ملكا للمصريين وليست ملكا للسودانيين ، واحنا ( أي جماعة الاخوان) لا نعترف بالوطنية بتاعتكم دي..الوطنية ع الجزمة القديمة ، وكل اللي بينادوا بالوطنية شوية خونة .. فالأصل ان الأرض أرض الله
◆ ومن كام يوم الإخوان المجرمين فرع سوريا أصدروا بيان رسمي ونشروه على موقعهم كانوا بيستعطفوا فيه الخليفة أبو ليفة ويتوسلوا إليه انه يحتل شمال سوريا .. واخدين بالكو.. إخوان سوريا بيطالبوا واحد أجنبي انه يحتل سوريا .
.
■ من زمان وأنا بقول ومش هبطل أقول:
◆ تنظيم الإخوان تنظيم وثني صهيوني أنشأته المخابرات البريطانية في نفس توقيت نشأة اسرائيل (ومش بالصدفة) .. مهم جدا للدول العربية لما نخلق وسطهم دولة صهيونية إننا في نفس الوقت نزرع كيان صهيوني جواهم و نلاعبهم بنفس نقطة ضعفهم (الدين)
◆ طاب ليه نعمل كده ؟ عشان مش عايزينهم يبقوا متحدين .. لا على أديان معينة ولا على مفهوم الوطن والمواطنة ..
◆ زمان سنة 1920 .. كان فيه وزير للمستعمرات البريطانية اسمه اللورد ميللنر .. الراجل ده الانجليز بعتوه في مهمة رسمية لمصر بعد ثورة 1919 عشان يبحث ويعرف إيه أسباب ثورة المصريين على الاحتلال الانجليزي .. وبعدما الراجل جه مصر وقعد فيها كام شهر يدرس ويبحث ويدور ، رجع تاني لندن وقدم تقرير لمجلس العموم البريطاني ، وبعدها عملوا معاه جلسة استماع في مجلس العموم وسألوه .. ليه المصريين ثاروا علينا ؟ فأجابهم .. الأرض.. المصريين عندهم انتماء للأرض اللي اتولدوا وعاشوا وبيتدفنوا فيها .. فسألوه مرة تانية .. طاب و الحل إيه من وجهة نظرك.. فنظر لأعلى وقال ..السماء .. فلما استفسروا منه قالهم ...الله .. يجب أن ينزل الله من السماء ليفرقهم على الأرض ... ومفيش حد يقدر على كده أكتر من تنظيم الإخوان اللي هو شعاراته: الوطن حفنة من تراب عفن ( يعني ملهوش لازمة) والدين عند الله يبقى دين حسن البنا ( اللهم أمتني على دين الإخوان ...دعوة قيادي اخوانجي مشهور).
.
◆ ويمكن ده السبب اللي بيخليني دايما بقول إن أعظم ثورة في تاريخ العالم الحديث هي ثورة 30 يونيو ...والفكرة هنا مش إزاحة مرسي برغبة شعب ومباركة جيش .. الفكرة هي القضاء على الصهيونية اللي جوه أوطاننا .. عشان هي ألعن ألف مرة من الكيان الصهيوني نفسه .
.
■ لشباب الإخوان اللي لسه في مرحلة التدريب والإعداد ، واللي لسه فيهم بواقي عقل ، واللي أكيد فيه منهم كتير في الفولورز.. عايز أقول لهم كلمتين لوجه الله :
.
● ألعن التجارات على الإطلاق مش تجارة المخدرات ولا السلاح ولا حتى الدعارة ... ألعن التجارات على الإطلاق هي التجارة بالأديان وبالدم .. انك تحول دين و عقيدة لمجرد وسيلة ومطية لوصول جماعتك للحكم والسلطة .. جبريل نزل عليكو في رابعة .. الرسول صلى الله عليه وسلم قدّم مرسي عليه وجعله إماما له في الصلاة .. الوقوف بأرض رابعة أعظم اجرا من الوقوف بعرفات ... أردوغان دخلوا عليه الانقلابيين جوه الطيارة وماشافوهوش ( زي محمد بن عبد الله و أبو بكر) ، وأخيرا اللي بيشكك في عودة مرسي محتاج يراجع عقيدته !!
.
◆ انت كبني أدم اتولدت لقيت نفسك عايش في بيت اخوانجي ، هتفضل معذور لحد ما تبلغ سن معين اللي هو سن النضج و التفكير و العقل..ساعتها ربنا هيحاسبك من وقت السن ده .
.
◆ كلمتين هقولهم و باختصار ..
● عمرك هتعيشه مرة واحدة ، وانت مُخيّر مش مُسير .. عمرك ده هتعيشه في كدب و تأليف و تزييف وتكفير وقتل وتجارة بالدين كل يوم ؟ انت حر .. في النهاية هتقف قدام ربنا في الأخرة ، ومش هينفع تقول لربنا أصل وصايا حسن البنا بتقول ... أصل انا كنت بكدب وأزيف وأحرق وأتاجر بدينك يارب عشان غرض نبيل .. أصل ده فقه التقية وفقه الأسر .. تأكد تماما يابني انك مش هتخدع ربنا ولا هتخدع الملايكة .. الإسلام دين المسلمين مش دين الإخوان .. الإسلام عمره 15 قرن مش 90 سنة... الإسلام نزل على محمد بن عبد الله ، مش على حسن البنا ، ولا محمد بن عبد الوهاب.
.
اللهم قد بلغت .. اللهم فاشهد.
.
------------------------------
By: Mohamed Hussein