محمد بوجى يكتب-البيت المسكوووون

انا احمد ابراهيم عبدالفتاح.22سنة .من الجيزة.شغال فى
شركة اوبين ستارز الانجليزية قصتى بدأت وانا عندى 18 سنة لما سافرت
انا وعيلتى اسكندرية وعيلتى مكونة من بابا الاستاذ ابراهيم عبد الفتاح مدرس ثانوى
وامى الاستاذة سعاد ربة منزل واختى هيام الكبيرة 3 كلية علوم
واختى الصغيرة عبير 4 ابتدائى.
وبعد ما قدينا اسبوع فى اسكندرية واحنا راجعيين اتصلوا بيا جماعة صحابى
وقالولى خليك زى مانت احنا جايين ونقضى مع بعض كام يوم قولتلهم اشطة مستنيكم
وفعلا سيبت عيلتى مشيت وبعدها بساعة جالى تليفون واحد بيقولى اببوك تعبان اوى
واتنقل المستشفى. وجريت على المستشفى وكانت المفاجأة...اقلولى ان اهلى كلهم اتعملوا فى حادثة وماتوا.....ا
فقدت الوعى فى المستشفى وفوقت بعدها بساعتين ودخلونى المشرحة عشان اتعرف عليهم
مقدرتش استحمل المنظر طلعت اجرى برة .. وبعد مادفناهم ورجعت البيت
شايفهم وحاسس بيهم ايوة ببحس ان ماما بتنادى عليا بروحلها ومش بلاقيها وحشتنى اوى
وكل اللى بيحصل ده وقولت كل دى تهيئات وحاجة طبيعية عشان واحشنى لغاية ما فى يوم
ا..رجعت من برة ولقيت الاودة بتاعة هيام وعبير منورة قولت اكيد حرامى جريت ودخلت الاودة
لقيت دولاب عبير مفتوح وكل الهدوم على الارض وفجأة!!!....ا
الابجورة بتاعة مكتبها نوررت ايوة نورت دى حقيقة انا مش بحلم وفى ورقة على المكتب
خدت الورقة ولقيت مكتوب فيها وحشتنى اوى ياحمد ..! ا اختك عبير
رميت الورقة من ايدى ورجعت لورى لزقت فى الحيطة وقعدت على الارض
وفجأة النور قطع..قعدت اترعش وخوفى عمال يزيد لسانى مشلول عن الكلام
وفجأة لقيت صوت ماما....بتنادى عليا
ياحمد انا زعلانة منك يعنى تيجى من اسكندرية ومتعديش عليا مش عاوز تشوفنى ياحمد
انا قولت اجى انا اشوفك ...مقدرتش اتحمل وفقدت الوعى... لوما فوقت
لقيت نفسى على سريرى فى الاودة بتاعتى قومت بسرعة دخلت اودة هيام وعبير
لقيت الاودة مفيهاش حاجة خالص والدولاب مقفول قولت انا اكيد بيتهيئلى معتقدتش ان كل ده حصل
انا لازم اسافر لازم اغير من حالتى وبالصدفة لقيت على النت اعلان لشركة اوبين ستارز وفعلا قدمت
واتوظفت فيها وسافرت على انجلترا قعدت 3 سنين ورجعت اجازة ..رجعت فى نص اليل
وكان شارعنا فاضى ووقفت قدام البيت شكله متغيرش وحاسس انو واحشنى وقفت بصيت على البيت ولقيت هيام اختى
واقفة فى البلكونة وبتقول احمد جه ياماما احمد جه اطلع ياحمد وشبابيك البيت كلها اتفتحت
خدت شنطتى وجريت على اقرب فندق وقعدت افكر فى كل حاجة لدرجة انى قولت ان موضوع
موتهم ده كان فوتوشوب!! وتانى يوم جمدت قلبى ونزلت على البيت على العصرية كدا
دخلت شارعنا وانا خايف ابص على البيت لقيت الناس بتسلم عليا وفرحانين برجوعى
بس نظراتهم فيها حاجة غريبة ولقيت واحد بيقول هو رجع بسلامته صاحب البيت المسكون
وراح الشيخ عبدالله مزعقله الشيخ عبدالله امام المسجد اللى فى المنطقة وكبير المنطقة
وسلم عليا وقالى لازم تشرب معايا الشاى عاوز اكلمك فى كذا حاجة وحسيت بالقلق من كلامه
وفعلا روحت بيته وقعدت معاه ..وقالى بص ياحمد يابنى انت من ساعة مامشيت وبيحصل
حاجات غريبة فى البيت ...حاجات غريبة!!! حاجات غريبة ازاى ياشيخ عبدالله
يابنى الناس بقت خايفة تقعد فى المنطقة لدرجة انو بقى اسمو البيت المسكون...ا
غير ان خالتك ام عماد هجت وسابت الشارع بسبب اختك هيام!!نعم!!!انت بتقول ايه هو ده اللى حصل بص ياسيدى
خالتك ام عماد سمعت بنتها بنتها اسماء بتتكلم دخلت عليها الاودة لقتها بتكلم نفسها
قالتلها...انتى اتجننتى يابت انتى تكلمى نفسك قالتلها ....لا ياماما انا ببكلم هيام
هيام مين يابت ..هيام جارتنا ياماما يابت هيام ماتت انتى اتجننتى وسابت وهى خراجة من الاودة
عنيها جت على المراية وكانت المفاجأة..شافت اسماء قاعدة مع هيام اختك
صوتت وبصت على بنتها وملقتش حد ...ولما اتكلمت معاها قالتلى بص ياعم الشيخ
انا مش هستنى لما بنتى تضيع منى انا همشى انا انا بقولك شوفتها قاعدة مع بنتى سلام
ياعم الشيخ ومشيت وسابت الحتة...ده بقى وغير عمك فريد....عمى فريد ههههههه
هما علموا على المنطقة كلها..ضحك الشخ عبدالله وقالى... بص ياحمد لقينا فى مرة البيت مولع كالعادة!ا
هو البيت كان بيولع كتير!! ياااااااه اوى ونتصل بالمطافى ويجو ويطفى لوحدو لغاية ما جه يوم
البيت ولع وكنا بنسيبه يطفى لوحده لغاية ما سمعنا صوت حد بيسرخ جااامد اوى بس تحس انه
مش صوت انسان بس جامد فاعمك فريد عمل فيها الشهم وكسر باب البيت وطلع يجرى
وكسر باب الشقة وبقى الشقة كلها مولعة والصوة جاى من اودة اللى فى وش باب الشقة
دى اودة اوبيا وامى اه محنا عرفنا عمك فريد فتح بابا الاودة وكانت المفاجأة....ا
شافوا ايوة شافوا شاف مين ياشيخ عبدالله شوف ابوك ابويا ايوة شافوا وشه بيطلع نار وماسك زى
جنزير كبير مطلع نار وبيضرب بيه امك وامك بتصرخ وشاف عمك فريد وقالوا انت ايه اللى جابك
هنا اطلع برة برة هاهاهاها عمك فريد خد الكلمتين واتكلبش فى نفسه وجرى على تحت
نزل الشارع متجنن ومن ساعتها عمك فريد شعره ابيض ومبيسبش المسجد ومن ساعتها بردو وانا
قافل باب بيتكم بقفل وادى مفتاحه يابنى وسيبنا باب الشقة مكسور زى ما عمك فريد كسره
لان الكل خاف يطلع فوق .. مممم طيب ممكن ياشيخ عبدالله تيجى معايا البيت
سكت الشيخ عبدالله وقالى ماشى (قل ما يصيبنا الا ما كتبه الله لنا)
ونزلنا ووصلنا للبيت وانا خايف ابص على البيت بس سرحان لغاية ما لقيت عم عبدالله بيقول ايه ده
قولت هى ناقصة فى ايه تانى قالى القفل فين مفيش قفل والباب سليم فتحت الباب بالمفتاح بتاعى
وطلعنا وزى ما توقعت باب الشقة سليم الشيخ عبدالله عمال يقرى قرأن ومش شايفنى حتى
انا جبته معايا ليه ده هو اللى راعبنى وفتحت باب الشقة لكن الدنيا ضلمة وفى ريحة تراب تخنق
بس فى ضوء خفيف ولقت عنين منورة وعم عبدالله شافهم وقال اعوذ بالله
من الشيطان الرجيم وجرى لقتهم بيقولوا تعالى ياحمد تعالى ياحمد هاهاهاهاها قفلت باب الشقة ونزلت جرى
ولما نزلت الشارع لقيت الشيخ عبدالله قاعد على الارض وحواليه ناس كتير وبيشرب مية ولما شافنى
قالى لازم يابنى نجيب شيخ يمشى كل الحاجات اللى فى البيت ...وفعلا جبنا الشيخ وطلعنا عند
الشيخ عبدالله وابتديت احكى للشيخ وقالى ..يلا نطلع الشقة بتاعتك وربنا معانا...وفعلا روحنا البيت
الشيخ عبدالله قالنا لا انا مش طالع معاكوا ومشى واحنا طلعنا ....ا
ولما دخلنا الشقة لقانى بترعش قالى امسك المصحف ده يابنى ومفيش حاجة هتقدر تمسك
فتحت نور الشقة ومفيش اى حاجة وابتدى الشيخ يقرى قرأن فى كل مكان فى الشقة وجاب مية كدا
ورماها فى الشقة كلها وقالى كدا خلاص يابنى مفيش حاجة هتجيلك تانى وممكن تبات فى الشقة عادى
نزلت وصلته لغاية الباب تحت وبصراحة خفت اطلع ومشيت قعدت شهر برة وجمدت قلبى وقولت ارجع البيت تانى
اه ارجع اصل دول اهلى حتى لو جم تانى ههه اكيد مش هخاف عادى عيلتى وجاية تسلم عليا كنت بجمد قلبى مش اكتر
وفعلا روحت البيت وقديت اليوم عادى خالص وبليل دخلت اودتى عشان انام وسيبت كل انوار الشقة ايدة وفى عز
نومى سمعت صوت دبة جامدة اوى صحيت مفزوع بصيت حوليا ملقتش حاجة قولت اكيد كنت بحلم....ا
بس ده مكنش حلم نور الاودة اطفى عليا نور اودتى بس ونور الصالة برة ايد ايوة شايفه ايد من تحت الباب
بس ااااا بس ووووانا ببص بهدوء على نور الصالة سمعتها!!! ايوة سمعت ماما بتقولى.....ا
كدة ياحمد عاوز تطردنا من بيتنا ياحمد عاوزنا نمشى ونسيبك دى اخرتها بس احنا مش هنتقل عليك
وهنمشى وهنسيبك بس بشرط قولتلها ... شرط ايه قولى خلصينى انا تععععبت قالتلى
احكى قصتك لكل اللى تقابله وهنسيبك وهنريحك مننا خالص وهنروحلهم شوية هاهاهاها
وكانت بتضحك بأسلوب غريب اسلوب شيطانى وبتقرب عليا بس منقذنيش منها غير اذان الفجر
وبعد ماكانت بتضحك طلعت صوت فظيع اوى ووشها ابتدى يطلع نار وقعدت تقول لو محكتلهمش هفضل
اجيلك ياحمد هفضل اجيلك ومش هسيبك....وبصراحة كدا انا تعبت وشوفت كتير عشان كدا قولت
احكيلكوا عشان تشوفه من اللى انا شوفته شوية على فكرة دى مكنتش قصة دى كانت تعويذة تحضيرها عندكم
ولو عاوزين تمشوها تبقوا احكوا بردو ... ليلة صعبة عليكوا سلام

موضوع: البيت المسكون السبت مايو 25, 2013 2:51 pm

» محمد بوجى يكتب-الحب الشيطانى- الجزء التانى من البيت المسكون
» محمد بوجى يكتب : كيف تصبح إنساناً
» محمد بوجى يكتب:حكايتى مع اميرتى
» محمد بوجى يكتب:الوجــــه الأخــــــــــر
» محمد بوجى يكتب: الملك الحكيـــم