Mohammed Haffz
40 دقيقة ·
صديقي الكولجي عدو 30 يونيو...
أنا مش عايزك تقلق من إندلاع الحرب العالمية الثالثة مطلقا.. لأنها بدأت فعلا و حضرتك نايم علي روحك.. حرب فريدة من نوعها بين المعسكر الشرقي متمثل في روسيا و الصين و كوريا و مصر و سوريا و غيرهم من جهة و أمريكا و اوروبا و إسرائيل و تركيا و قطر و غيرهم من جهة..
حرب مزجت لأول مرة في تاريخ البشرية بين نوعي الحروب المعروفة: الحرب الباردة و دي مسرحها غير محدود.. و إن كان مرتكز في الشرق الأوسط...
و الحرب الساخنة و المواجهات المباشرة و مسرحيها سوريا و العراق بالتحديد...
راجع معايا من الأول و حاول تربط توقيت الأحداث...
في غفلة من الزمن فيما بعد 25 يناير، انقسمت السودان.. طبعا دا مكانش علشان "حقوق الاقليات الغير مسلمة هناك تحت حكم البشير الشرير" زي ما فهموك.. البشير مش اقوى من صدام حسين اللي أمريكا دخلت جابته من قلب العراق...
طبعا دا أفقد الصين نفوذها اللي كان بدأ يتعاظم هناك.. و كانت بتبدأ تزحف زحف بطيء اقتصادي عن طريق شركات التعدين.. لما نجحت الخطة و انقسم السودان.. بدأ المعسكر الغربي ينطلق علشان يكمل الخطة.. فقرر انها لازم تنقسم كذلك إلى "شمال و جنوب" و "دارفور".. و دا يديله سيطرة علي البحر الأحمر من ناحية الجنوب...
طبعا ثورة السودان بدأ قمعها فوراً و نافذتك الإعلامية المفضلة؛ الجزيرة "الثورية المحايدة المهنية اللطيفة" منقلتش عنها خبر واحد..
الأنظار متجهة مبدئياً إلي قاعدة روسيا في طرطوس - سوريا.. كعقبة مهمة...
فلاديمير بوتين ظهر وقتها بقوة كنجم إعلامي.. أكيد هو مش عايز يتشهر مثلا.. كانت رسالة محددة بتقول "أنا في الساحة.. و موجود.. و احنا علي الأرض"...
طبعا مينفعش تشيل قاعدة تابعة لدولة نووية بصدام مباشر.. بس تقدر تطلق خنازيرك المستترين زي "القاعدة" يخربوا البلد و تحت مسمى الثورة يطلع رئيس ثوري لاحقا يطرد السوفيت، أو يجيبلهم قاعدة أمريكية جنبهم...
لكن نظام الأسد صمد.. صمد بشكل فاق حتي توقعات الأمريكيين أنفسهم...
عرفت روسيا ان الأوان لم يفت بعد، فانطلقت تدعم النظام السوري بالسلاح.. و قررت هي كمان تدافع عن كيانها باي ثمن.. إسرائيل باتفاق أمريكي ضربت دمشق بالطيران وقتها
و لأن موسكو عارفة كويس إن الإدارة الأمريكية و أوروبا بكل ثقلها في سوريا.. و إن إسرائيل ممكن تقرفها في سوريا.. أطلقت الرئيس الكوري الشاب اللي حالق كابوريا بتصريحات أقل ما يقال عنها انها إعلان حرب.. الراجل هدد بضرب جارته و بضرب الولايات المتحدة نفسها في العمق...
تصريحات كوريا شغلت أجهزة مخابرات العالم الغربي كله.. دا كان فرصة ذهبية لبشار يلتقط أنفاسه.. بدأ فعلا يتقدم و يحقق انتصارات علي الأرض...
وقتها كانت الولايات قررت ان رئيس كوريا مجرد ولد عبيط.. فبدأت تستعد لجولة جديدة في سوريا.. و تدفق إلى سوريا العملاء من كل بقاع الأرض في حرب ضد النظام السوري.. لازم النظام السوري يسقط بأي ثمن...
تساءلت حضرتك وقتها "لو مرسي خاين ليه الدولة سابته في الحكم سنة".. متساءلتش "لما شالته بعد سنة.. أنا عملت إيه"...
إجابة السؤال الأول.. لأن الحقيقة وقتها مكانش فيه أسرار ذات قيمة هو يعرفها.. اللعب بقى علي المكشوف بين أجهزة المخابرات في العالم أجمع.. لدرجة انك لما تقرا عن القبض على شبكة تجسس في مصر دا أصبح خبر عادي و مر مرور الكرام.. و إن "سنودن" بكل خطورته يبقى مجرد خبر هامشي في الصحف.. في حين ان "عزام عزام" وحده - في وقته - سبب حرج دولي بالغ لأسياده..
اللعب بقى على المكشوف لدرجة أن أمريكا تحرك ناقلات طائرات في اتجاه سوريا فتقف لها المدمرات و الغواصات النووية الروسية تقطع الطريق في المتوسط في رسالة صامتة وصلت للكل.. و اضطرت القطع الأمريكية للإنسحاب.. ووجه أوباما دعوة لبوتين "تعال نتكلم"...
تطورات مذهلة.. و انت طبعا مش هنا.. يا إما في وهم الخلافة أو مشغول بالسؤالين السرمديين اللذان حيّرا خبراء عقاقير الهلوسة "هو البوب فين".. و "ابو الفتوح إخوان و اللا لأ"...
وقتها مرسي علي الهواء مباشرة قال تصريح في غاية الخطورة..
"لبيك يا سورية"...
سورية بالذات.. مش "لبيك يا فلسطين" و اللا "يا سودان".. لأ هي سوريا.. و طبعا القاهرة و دمشق مش بعيد عن صواريخ بعض.. و من رحمة ربنا إنهم حلفاء.. طبعا "لبيك يا سورية" لا تشير إلي أن الرئيس المؤمن مرسي كان رايح يحج في دمشق.. دي إشارة واضحة تماما لعمل عسكري ضد نظام الأسد...
و بالتالي لما الجيشين المصري و السوري يدمروا بعض.. و يفضلوا يطحنوا بعض علي الحدود كل يوم.. دي فرصة لا تعوض لتشكيل الحرس الثوري "علي فكرة هو أشار بوضوح للجزئية دي في برنامج الـ 100 يوم تحت مسمي لجان شعبية لحفظ الأمن"...
دا لو نجح يمنح للمعسكر الغربي سيطرة علي البحر الأحمر من الشمال، غير المتوسط بالكامل و قناة السويس
وقتها طبعا مفيش مصر.. و مفيش سوريا...
في الوقت دا حصلت ثورة 30/6... و قلبت الموازين تماما...
و عشان متتدخلش أمريكا في 30/6 عملت روسيا علي انقلاب عسكري محدود في قطر.. و شوية مشاكل لأنقرة مع الأكراد.. و هدد نظام الأسد علانية ان أنقرة مش بعيد عن مخالبه...
علشان أمريكا تقفل الرقعة دي لأطول وقت ممكن غيرت النظام القطري المتمثل في حمد، ووضعت ابنه مكانه.. و سحب أروغان قرار هدم الحديقة و قرار حظر الخمور و استجاب لكل مطالب الشارع فجأة.. بعدما كان بيضربه بالرصاص و رافض التراجع و بيهدد بحشد مقابل...
إندلعت ثورة 30..
و في ذات الوقت تقريبا.. حصل توريد و تركيب لحائط دفاع جوي روسي في سوريا و تم اعلان الخبر...
نجحت ثورة 30 (اللي علشان انت في عالم آخر مش دريان بكل دا متصور انها ثورة مضادة ضد جهودك العظيمة اللي الناس كفرت بسببها خلال 3 سنوات).. و فقد المعسكر الغربي قطعة في غاية الأهمية علي الرقعة..
بدأت خطة الحرق.. سيناء في حجم دولة و هما عايزنها.. و لو مش حياخدوها محبة.. حياخدوها بالقوة.. و مصر لو مش هتتقسم بهدوء.. تتقسم بالقوة...
الطريف ان خطتهم دي منحت سوريا مجال أوسع لالتقاط الأنفاس ووزعت الجهود علي الجيش السوري و المصري .. و تقدم بشار علي الأرض بقوة و استرد قرى و مدن خارجة عن السيطرة...
بدأ الخليج يستشعر انها فرصة للخروج من التبعية الأمريكية زي ما خرجنا منها.. لأن مع مزايا التبعية.. يوجد تهديد دائم مستمر.. فدعم ثورة 30، لكن الأوان كان قد فات للنظام السعودي لأنه غاص في الأزمة السورية حتى العنق.. و مع ذلك جاهد للخلاص و حاول يرتمي في أحضان المعسكر الشرقي..
بدأت الصين و روسيا تقرب من المصريين و بيغازلوهم لوضع قواعد علي أرض مصر.. و ردت مصر انه "لحين ما نفكر في الموضوع.. ابنوا لينا مصانع سلاح"...
قررت الصين تبني حائط دفاع جوي آخر في منطقة متنازع عليها مع اليابان.. أكيد الصين مكتشفتش المنطقة دي فجأة.. بس دا شغل الولايات المتحدة جدا...
إكتشفت أمريكا فجأة إن الإيرانيين "أعداء السامية ولاد الـ.... اللي مبيراعوش حقوق الإنسان و بيقطعوا إيد البشر.. القمعيين الخونة الأوغاد".. أصبحوا ناس طيبين و كيوت و حبوبين و لذاذ جدا و قررت تعمل معاهم اتفاقيات و نمد ايدينا لبعضينا...
كأن أمريكا اكتشفت وجود إيران فجأة...
طبعا دا تمهيد لحرب "سنية - شيعية" لو تعقدت الأمور... و الغالب انه لن تنفع على الساحة هذه الدروشة...
أيضا هي دي رسالة تهديد للخليج و محاولة في نفس الوقت للتخفيف من الدعم الإيراني لسوريا...
قررت أمريكا انها تشغل روسيا فاندلعت المشكلة الأوكرانية.. فقررت روسيا انها ترد عن طريق النظام الشيشاني الحليف.. و أعلن "رمضان قديروف" انه بيعدّ قوات كوماندوز لإرسالها إلي سوريا...
و لأنها مش لعبة شطرنج و لا حرب تقليدية.. فمفيش مانع إن أي خصم يلعب مرتين ورا بعض.. أو يحرك قطعتين ورا بعض.. لكن بحرص شديد.. عشان متشتعلش الأمور لمواجهة مباشرة بين دول نووية...
حرب عالمية ثالثة بشقيها علي الأرض و محدش عارف الحركة القادمة لمن...
و انت في عالم آخر... عالم الكُلّة اللذيذ.
-------------------------
By: Alaa Hammouda
إعجاب تعليق
مشاركة
- أنت وHassan Salah و113 آخرون معجبون بهذا.
- 29 مشاركة
- التعليقات
[*]Khadija Ahmad الله يحرقهم شربو الكوله وقعدت لنا
إعجاب · رد · 1 · 38 دقيقة
[*]
[*]Abo Omar هو البوب فين
المندوح ابن المندوحة
إعجاب · رد · 1 · 30 دقيقة
[*]
[*]Noga Farouk طب حضرتك إسراءيل فين من كل ده
إعجاب · رد · 1 · 29 دقيقة
[*]
[*]
- Mohammed Haffz جنرالات اسرائيل قاعدين بتفرجوا على مسلسل الدم المتواصل وبيشربوا الجعة المثلجة في نخب اسرائيل واحة الأمن والآمان
إعجاب · رد · 1 · 28 دقيقة
عرض المزيد من الردود
[*]
[*]هيام عوض والحرب بقت علي اراضينا ياللخساره
إعجاب · رد · 1 · 29 دقيقة
[*]
[*]Noga Farouk طبعا تحليل أكثر من ممتاز حقيقي
إعجاب · رد · 1 · 29 دقيقة
[*]
[*]Noga Farouk وليه السعوديه بنحس أنها متذبذبه فى إتجاهاتها ومش محدده خطها انا باعتبر أنها مش على نفس الخط المصري
إعجاب · رد · 1 · 28 دقيقة
[*]
[*]
- Mohammed Haffz السعودية زي ما بأقول دائما بتحكمها عقدة الطائفية والمذهبية .. ودي اللي مسيطرة على تفكيرهم هناك.. حكومة وشعبا... ماتنسوش ان السعودية دولة دينية في الأساس
إعجاب · رد · 2 · 25 دقيقة
عرض المزيد من الردود
[*]
[*]Samir Elwer بتعجبنى موضوعية وشفافية من تنقل عنهم يا دكتور grin رمز تعبيري حاطط مصر بمنتهى الوضوح فى معسكر .. وشايل السعودية بمنتهى الشفافية grin رمز تعبيري من معسكر ..
ملحوظة : معنديش إعتراض على البوست ..
يسعد مساك kiki رمز تعبيري
إعجاب · رد · 1 · 28 دقيقة
[*]
[*]عبدالحميد السيد الجوهري بالفعل الحرب الثالثة الرخمه
إعجاب · رد · 1 · 26 دقيقة
[*]
[*]Mohamed Abudahab لأول مرة للاستاذ علاء حمودة يفقد لياقته الذهنية
تعقيد للاسف
إعجاب · رد · 20 دقيقة
[*]
[*]Amr Shata منهم لله ربنا يخلص مصر منهم
إعجاب · رد · 1 · 20 دقيقة
[*]
[*]د.عاطف العقاد ربنا بيكرمنا وبيكرم عباده الطيبين من حيث لا يحتسبون.
إعجاب · رد · 20 دقيقة
[*]
[*]Nahed Hamed هم ما اخدوا التعليمات بالهجوم على الحرب العالمية الجديدة
امريكا ما ارسلت لهم الدعم عشان يهاجمون واتحدى اذا كانوا فاهمين ايش القصة
إعجاب · رد · 20 دقيقة
[*]
[*]Noga Farouk ياتري هل يادكتور فيه تصور عند حضرتك لنهاية الوضع ها يكون إيه ولصالح مين ..ومصر أهم حاجه نطمن عليها
إعجاب · رد · 20 دقيقة
[*]
[*]Noga Farouk موقف إيران غريب ...هيا مع سوريا وفى نفس الوقت نقدر نقول إنها سبب خراب العراق وأصبحت فى صف أمريكا الى كانت الشيطان اﻷعظم ..والمفروض ان مصر مش مع إيران ...النقطه دي مش واضحه شويه
إعجاب · رد · 16 دقيقة
[*]
[*]نوال محمد طب كويس بس لية بقى متربط احادث ملف سوررية مع أحداث اليمن واية اهدافها لو انا غلطانة
إعجاب · رد · 11 دقيقة
[*]
- Hassan Margawy مقالة فى منتهى الروعة تفند الأحداث بسلاسة منقطعة النظير مشكور عليها تستاهل التشيير والنقل من حلاوتها أشكرك.
إعجاب · رد · 1 · الآن
اكتب تعليقاً...