هيثم صبحي سيف
**************
أصدقائى الغاليين المصريين الوطنيين
//////////////////////////
عاوز أوضح شئ لأن فيه بعض الناس بتسأل إلى الأن وواضح إنهم لم يستوعبوا ماحدث حتى الأن ولا طريقة عمل أجهزة معينه مثل جهاز المخابرات العامة المصرية
بيقولوا كان فين جهاز المخابرات من الفساد أيام مبارك ونظامه ؟
وكانت فين المخابرات أيام يناير 2011 والإرهابيين اللى دخلوا سيناء ؟
طبعا مش من المفروض إن حد فاهم يسأل مثل هذه الأسئله الساذجه بس هشرح على خفيف كده علشان اللى مش فاهم يفهم
جهاز المخابرات هو جهاز جمع معلومات وتحليلها وتقديم توصيات وإقتراحات وتقديرات موقف وإشعارات بأى خطر يهدد الأمن القومى
والتعامل مع الجواسيس وكشفهم وليس مختص بقضايا الفساد ولا الحراميه , ولكن هذه قضايا تخص الرقابة الإداريه وأجهزة المراقبه المختلفه وأجهزة الأمن الداخلى مثل الشرطه
وياما تم تقديم ملفات ومستندات مليئة بأدلة فساد لرجال نظام مبارك ولكن لظروف غالبيتنا نعلمها كان يتم تجاهلها , وبالكتير أوى كان بيتقال للفاسد ده قدم إستقالتك ولا أحد يعلم أن الحقيقة هى تمت إقالته لفساده , وياويله اللى كان ينشر من الصحفيين عن حقيقة الأمر
المهم مش هطول فى النقطه ده
وبالنسبه لمؤامرة 2011 ودخول عناصر إرهابيه !
فـ ياسيدى الفاضل مصر كانت تحت حكم جماعه ورئيس خونه
وسيناء أساسا كانت خارج السيطرة ولكن كل شئ مرصود
والشعب غالبيته مغيب ومتعاطف مع جماعه إرهابيه خونه ولايعلمون حقيقتهم واللى كان هيقول للشعب حقيقتهم كانوا هيقولوا عليه ده فلول وطبعا كلنا عارفين الباقى , ومصر كانت مهددة بحرب أهليه
وطبعا مش هيخرج علينا جهاز المخابرات ويقول المعلومات اللى عنده ويكشف خططه للعدو وخاصة خطة الخداع الكبرى اللى وضعها رجال مصر المخلصين للتصدى للمؤامرة (فك العقرب)
وماتنسوش مين اللى صور الجاسوس الإسرائيلى فى التحرير وقبض عليه ورحله ؟ مش المخابرات المصريه !
مين اللى قبض على 19 جاسوس أمريكى كانوا بيعملوا تحت ستار الجمعيات الحقوقيه وتم تسليمهم لأمريكا فى صفقه تبادل ورجعنا عالمنا المصرى عبد القادر حلمى اللى كان تحت الإقامه الجبريه فى أمريكا ؟ مش المخابرات المصريه !
مين اللى قبض على شبكة التجسس الإيرانيه مع الأحبار السريه اللى كانت فى صفقة ملابس داخليه ؟ مش المخابرات المصريه !
مين اللى عمل الفيلم الوثائقى (كلمة وطن) وشرح فيه العمليات اللى تمت وشرحها للشعب ؟ مش المخابرات المصريه !
ومين اللى كان بيمد د. توفيق عكاشه بكل المعلومات اللى حصلت واللى مازالت بتحصل زى ما قالها توفيق عكاشه علشان يصحى حزب الكنبه لينهضوا وينقذوا بلدهم ؟ مش المخابرات المصريه !
شوفوا يا أصدقائى , لو أظهرت المخابرات أنها تعلم كل شئ وتراقب وترصد كل شئ , ما كانت جمعت الخيوط كاملة وما كانت نجحت فى خطة جعل العدو يتوهم أن مصر وقعت وتم إختراق أجهزتها وعلى رأسها أمن الدوله لو تفتكروا إقتحام مبناها !
وأخيرا يللى بتسأل كانت فين المخابرات ؟
إسأل نفسك الأن أنت شايف مصر فين دلوقتى ؟
هل نجحت المخابرات ولا فشلت !
جاوب بنفسك وقول تحيا مصر
عاشوا رجال الظل
رجال صدقوا ما عاهدوا الله عليه
#المصرى_شامخ
موضوع: وأخيرا يللى بتسأل كانت فين المخابرات ؟ إسأل نفسك الأن أنت شايف مصر فين دلوقتى ؟ 
الإثنين مارس 02, 2020 10:20 am
