بسم الجهاد الأسلامي ظهرت جماعة الحشاشين ( الدعوة الجديدة )

بسم الجهاد الأسلامي ظهرت جماعة الحشاشين ( الدعوة الجديدة )
الحشاشين كانوا جماعه اسماعيليه سريه دعت لإمامة نزار ابن المستنصر. حسن الصباح اسس الجماعه فى إيران سنة 1090 فى قلعة ألموت الجبليه التى كانت مقر دعوته. أهم شئ كان بيميز الحشاشين هو لجؤهم لقتل و إغتيال اعدائهم.
الحشاشين كان بيقودهم واحد يلقب بـ" السيد " او " شيخ الجبل " و كان هو صاحب الامر و النهى. بعد شيخ الجبل كان فيه " الدعاه " اللى بياخدوا الأوامر منه و بينفذوها. الدعاه كانوا متقسمين على رتب حسب درجة اطلاعهم على أسرار الجماعه. أهم المراتب كات رتبة " الفداويه " لإنهم اللى كانوا بيقوموا بالإغتيالات. و كان زعيمهم شيخ الجبل بيكافئهم على اعمالهم بتدخليهم من وقت للتانى فى جنه موجوده فى القلعه و يدعطيهم الحشيش و والعسل المسكر و يمارسوا المتع مع الجواري و اسرى العرب والمسلمين النساء .
حاولوا إغتيال صلاح الدين الأيوبي و إغتالوا الماركيز " كونراد دو منوتفيرات " وقت الحملة الصليبية التالتة.
بعد موت حسن الصباح حكم سبع شيوخ جبل، و كانت ليهم أهميه سياسيه كبيره. اتسع نطاق نشاطهم و شمل الشام. فى سنة 1256 هاجم المغول بقيادة هولاكو قلعتهم فى ألموت و قضوا عليهم، و بعدين كمل عليهم الظاهر بيبرس فى الشام سنة 1273. فضلت منهم جماعات متفرقه فى سوريا و إيران و الهند.
حكم قلعة ألموت (دولة الاسماعيليه) تمن حكام :
1- حسن بن على بن محمد الصباح الحميرى
2- كيا بزرك أميد
3- محمد بن بزرك أميد
4-حسن بن محمد بن بزرك أميد ( اتلقب بـ " على ذكره السلام " )
5- محمد بن حسن
6- جلال الدين بن محمد بن حسن ( اتلقب بـ " نومسلمان " معناها المسلم الجديد )
7- علاء الدين محمد بن جلال الدين بن محمد بن حسن
8- ركن الدين خورشاه بن علاء الدين. ( انتهت به دولة الاسماعيليه )

[ندعوك للتسجيل في المنتدى أو التعريف بنفسك لمعاينة هذه الصورة]