[ندعوك للتسجيل في المنتدى أو التعريف بنفسك لمعاينة هذه الصورة]موضوع النهارده هيبقي عن السمنة . الموضوع مهم جدا وخطير عاوز الناس كلها تعمل شير
علشان تخس لازم تعرف يعني ايه سمنة ويعني ايه دهون وتبقي عارف ايه سبب الدهون الزياده الي عندك علشان نقدر نحل المشكله ديه ولازم تعرف إن السمنة مرض خطير جدا ! بس متقلقش اطمن هتخس
1 : السمنة هي تراكم متزايد للدهون اكتر من المعدل الطبيعي للجسم . والسمنة هي زياده الدهون وليس زياده الوزن
2 : انواع السمنة .( سمنة الطفولة . وسمنة البالغين )
سمنة الطفوله اصعب من سمنة البالغين لزياده النسيج الدهني علي حساب تضخم وحجم الخلايا
علشان كده بيفضل 80 في الميه من الاطفال المصابين بالسمنه علي حالتهم حتي بعد سن البلوغ
يعني إيه الكلام ده ؟ يعني لازم الواحد يهتم بموضوع السمنة في سن الطفوله علشان نمو الخلايا الدهنيه في السن ده بيبقي زايد جدا ولازم الامهات تاخد بالها . وديما سبب سمنه الاطفال هي الرفاهية . وكل شويه عاوز بيبسي يا ماما عاوز شيبسي عاوز مانجا تجبله مانجا
الحمد لله الفقر نعمه
وكمان الامهات ديما بتقول لاما يكبر يبقي يخس لا يا ستي الموضوع هيبقي صعب جدا ده غير إنه هياثر علي نفسيته !
اما بقي سمنة البالغين بتبقي نتايجها ايجابية واسرع من سمنة الطفولة . يعني الناس الي الدهون عندها زاد في سن البلوغ هيبقي سهل ليهم ومع نظام غذائي وتمارين رياضية هتلاقي نتيجه كويسه
2 : نيجي بقي للآمراض المرتبطه بمرض السمنه والله اعلم !
خد عندك بقي كل ده . 1 ارتفاع ضغط الدم 2 امراض عضله القلب 3 امراض الكلي 4 السكر 5 المراره 6 التهاب المفاصل والنقرس 7 امراض الجهاز التنفسي . ده غير ان زياده الوزن بيسبب زياده في الوفيات بنسبه 25% ل 75 % وإن زياده الوزن بعد سن 45 مصحوب ديما بنسبه وفيات ... طبعا كل حاجه بإيد ربنا .. بس إن لبدنك عليك حق ومينفعش ترمي نفسك في التهلكه لآن ربنا هيحاسبك علي صحتك وضيعتها في ايه !
نفهم بقي بعد سن 30 لازم يكون معدل الدهون في جسمك طبيعي وتكون بتمارس الرياضة !!
يالا مستني إيه منك ليها ؟
ابدآ من دلوقتي وخد خطوه إيجابيه
الموضوع القادم تكمله موضوع السمنة وهتكلم عن اسباب مرض السمنه وازاي نعالجها
ياريت كل واحد يعمل شير . ومنشن لصحبك الي عنده دهون زياده . وللاب والآم علشان نوعيهم للصح ونعرفهم إن سمنه الطفوله خطيره جدا #حسن_مستكاوي