+8
تمت إضافة 12 new photos من قبل Mohammed Haffz.
19 ساعة ·
عــمـــلــيـــــة " فـــهــــد الــرمـــــــــــــــــال "
=========================
خلونا في الأول نتفق إن الصور دي (حصرية) ، فمتتعبش نفسك وتقعد تدورعلى جوجل عشان مش هتلاقيها
smile رمز تعبيري المكان : مطار مهجور فى " مكانٍ ما " في ليبيا ...
التوقيت : أول امبارح الساعة 7 صباحا ....
المسافة : (ألف كيلو متر) بين المطار المهجور وبين المكان اللي اخواننا المصريين العشرين كانوا مخطوفين فيه ...
وخلونا برضه نتفق إن أي واحد هتلاقيه لابس بدلة فى الصور دي هو ( ضابط مخابرات مصري ) ،، وخصوصا اللي قاعد أول كرسي في الطيارة ..ده مش ناقص غير انه يطلع الكارنيه
smile رمز تعبيري للأسف الإعلام في مصر أطلق على العملية دي اسم ( عودة المخطوفين ) ،، مع إن العملية دي لو كانت في أمريكا كان اتقال عليها (عملية #تحرير_الرهائن ) ....و كان الشعب الأمريكي نزل الشوارع واحتفل بالجيش الأمريكي الفشيخ وإتباهى بقدرته على تحرير رهائن في دولة ارهابية كخه ، وكانت أتعملت عليها افلام هوليودية بميزانيات مهولة
وعشان احنا فى مصر فأنا هقول عليهم ( مخطوفين )
smile رمز تعبيري ميزة العملية دي بقا إن هيا ماتمتش بالتفاوض ،،لأ ،، دي كانت عملية مخابراتية عسكرية مخطط ليها من فترة ، واتحدد فيها هندخل منين وهنقابل كام واحد جوه وهنخرج إزاي ومنين ، وهنرجع من أنهي طريق بالظبط
والـ 20 واحد دول جايبين لهم معانا اتوبيس فاضي.. ماهو احنا مش هنهجم ونصفّي الارهابيين ونرجع احنا فى عربياتنا ونسيب الناس المخطوفة تيجى بعد كده بالمواصلات
العملية دي تم فيها اقتحام للمكان وتصفية عناصر ارهابية وهروب عناصر ارهابية أخرى
وبعد كده المخطوفين اتجابوا من أوضه تحت الأرض كانوا عايشين فيها طوال مدة الــ 18 يوم ..
طب بالنسبة لجنسيات الارهابيين ؟؟؟
كلهم كانوا ( ليبيين ) ومفيهمش أي حد أجنبي خالص ، وكلهم كانوا ملثمين طوال فترة تعاملهم مع الرهائن المصريين ،،واتعرف ان هما ليبيين من (اللكنة) بتاعتهم فقط ..
المخطوفين كانوا بيتعذبوا كلما أمكن ذلك ...
و كانوا بيشوفوا الموت فى اليوم 100 مرة ، لدرجة إن الإرهابيين كانوا بيحطوا الواحد منهم في قبر محفور في الرمال ويطلقوا النار حواليه ....العشرين واحد (منفصلين ) حصل معاهم كده ...
طبعا اللحظه دي متتوصفش ...
تخيل كده انك قاعد فى قبرك وبيتضرب عليك نار من ناس قالولك هنموتك ، و الناس دي أصلا من كام شهر قتلوا 20 مصري برضه في ليبيا ...يعنى الهيستوري بتاعهم عندك زي الزفت...
بالنسبه بقا لنوعية الأسئلة الموجهة للمخطوفين كانت غريبة جدا :
مين فيكم خدم في الجيش المصري ؟ وايه نوعية السلاح المستخدم في الجيش المصري ؟ إيه هي أماكن مخازن السلاح في المناطق اللي خدمتوا فيها ؟ وايه أسماء اللواءات اللى خدمت معاهم ؟
وطبعا كان فيه أسئلة اكتر خاصة بليبيا وشغلهم هناك ....
العملية دي تمت على مسافة ( 1000 كم ) من مكان هبوط الطائرة المصرية واستغرقت رحلة العودة 12 ساعة ...و زي ما كان فيه خطورة أثناء عملية الاقتحام والتحرير ،،،كانت برضه رحله العودة لا تقل خطورة عن عملية الاقتحام ..
وإحقاقاً للحق فلازم نقول إن العملية تمت أيضا بمساعدة الجيش الوطني الليبى اللي حمى المصريين طول الـ 1000 كم ، و رغم انه تم الهجوم عليهم في الطريق مرتين من ميليشات ارهابية ، إلا أن التأمين زي ما احنا شايفين فى الصور كان كويس جدا ، وقدر يصد الهجوم ويخليهم يكملوا طريقهم لحد المطار ....
و اللي يركز في الصور أكتر هيلاقي انه فيه مدرعة صناعة مصرية ....
المطار طبعا مطار قديم ومهجور ولا يصلح لهبوط طائرات كبيرة ،،،بس للأسف هو ده أقرب مطار لمكان الخطف ، وعشان كده المخابرات المصرية نزّلت فيه طيارة خاصة صغيرة الحجم تابعة لــ (شركة بترول) ....
وزير الداخلية الليبي كان واقف فى المطار ووصّل المصريين لحد سلم الطيارة...
واضح جدا ان مصر بتدعم الجيش الليبي بالسلاح والمعدات (برغم قرار حظر التسليح الصادر من الأمم المتحدة ) والدليل المدرعة المصرية اللي واقفة أول واحدة عالشمال ،، و ده خللى مصر أصبحت دولة ذات نفوذ ولاعب رئيسي (على الأرض ) في ليبيا ...
وواضح جدا إنها عملية تحرير، بس طبعا مصر لا تعلن عن ذلك يشكل رسمي حتى لا يقول أحد من الغرب ان مصر تدخل ليبيا وتعمل داخلها عمليات عسكرية ومخابراتية ، و أكيد مصر بتعمل حاجات تانية في ليبيا ضد داعش ، ولكن لا يُعلن عنها
wink رمز تعبيريآخر حاجة عاوز أقولها :
إن كرامة المواطن وعزته من كرامة جيشه وقوته ...
واللي جيشه جوه بلده مكسور هيعيش بره بلده متهان ...
حفظ الله مصر جيشاً وشعباً
.
#الجيش_المصري_رجال
#المخابرات_المصرية_رجال
#الصقور_لاتنام
#تحيا_مصر
صفحة #قصص_واقعية_من_المخابرات_المصرية