كيف نحافظ على أطفالنا وهم فى طريقهم للمدرسة حادثة حقيقية ترويها شاهدة عيان.

Engy Ahmed
‏2‏ دقيقتان ·

منقووووووووووووووووووووووووول تحذيرررررر.....
حدث اليوم و علي الجميع أخذ الحذر، البلد بتجيب اخر ما عندها و عيالنا هم الضحية
الساعة السابعة صباحا في المعادي و بالتحديد عمارات مصر للتعمير في اول زهراء المعادي قبل فودافون، استيقظت فزعا علي صوت صراخ شديد و عالي يبدو انه صادر من اطفال و نساء، للوهلة الاولي تصورت ان الصوت لاولادي الذين كانوا في هذا الوقت يستعدون للنزول للمدرسة و الحضانة و لكن بعد ان قمت من غرفتي تبين ان اولادي الحمد لله بخير و ان الصراخ الذي مازال مستمرا قادم من الشارع علما بانني اسكن في الدور التاسع، خرجت الي البلكونة فاكتشفت ان سيارة كيا سيراتو بنية اللون بها شخصان و احدهما يمسك بسيف ابن جيراننا محاولا اختطافه في السيارة، و اتضح ان الصراخ صادر من سيف و عدد من الاطفال الاخرين الذين يقفون اسفل العمارة امام مدخل الجراج منتظرين باصات المدارس والذين امسكوا بالطفل فزعا من ان يستطيع هذا الشخص اختطافه، خرج بوابين العمارات مسرعين علي الصراخ و عدد من سائقين السيارات الموجودة بالجراجات و المارة و استطاعوا تخليص الطفل و لكن استطاع الحيوان الهرب بعد ان اطلق زميله في السيارة عدة طلقات من سلاح ناري لابعاد الناس ليتمكن زميله من الهرب و فروا بالسيارة. طبعا لن استفيض في وصف حالة الطفل او امه او اخوته بعد الواقعة فقط ارجو الا تطول مدة علاجهم النفسي الذي قطعا سيحتاجون اليه و بعد ما رؤوه من فزع. ايضا لن اتحدث عن هذه البلد المهلهل المهترئ الذي لا نأمن فيه علي انفسنا ولا اولادنا و اهلينا و بالطبع سياراتنا ولا حقائب زوجاتنا ولا اي شئ. ربك هو اللي ساترها معانا يعني و لكن ما نخلص اليه هو الاهم، و هو اجتهاد و محاولة لتقليل المخاطر و لكنه ليس الضمان لاي شئ في هذه:
اولا: اولادك يسلموا لاي جهة يدا بيد، يعني من ايدك لايد مدرسة في المدرسة او الباص و العكس مفيش حاجة اسمها واقف جنب البيت ولا واقف مستنيك قدام باب المدرسه ولا علي باب النادي
ثانيا: طول ما انت في الشارع و معاك اطفال ايدك في ايدهم مفيش حاجة اسمها ماشيين قدامك ولا جنبك
ثالثا: حاولوا علي قد ما تقدروا ان الاب او الام ميمشوش في الشارع باكتر من طفل و ده طبعا توفيقه ممكن يكون صعب لبعض الظروف و لكن الخاطف بيلعب علي شد انتباهك لاي حاجة ثانية زي طفل اخر او شنطة في ايدك مثلا عشان يعرف يشد اللي هو عايزة
رابعا: نبهوا علي اولادكم و وعوهم بس من غير رعب او ارهاب يعمل ايه في موقف زي ده، عرفوهم يندهوا او يصرخوا علي اي حد بعزم ما فيهم لان ده بيشتت الخاطف و بيعمل زحمة و الحرامي يقلق من الزحمة
خامسا: عرف طفلك انه لو كان قريب من البيت او مكان متعود عليه و حاول حد يكلمة او ياخده يجري ناحية اي حد يعرفه كويس سواء بواب، سواق باص او حتي جار و يمسك فيه يتبت
سادسا و اولا و قبل اي شئ ادعوا لولادكم في كل صلاة و في كل وقت ان ربنا يحفظهم و ينجيهم و يكفيهم شر اراذل و اشر الناس و شر انسهم
انا عمري ما كنت اتخيل اني اقعد اكتب بوست مطول علي الفيسبوك كده و اسيبه للعامة مش للفرندس بس، بس انا من النهاردة في البلد دي فعلا خايف علي ولادي و علي ولاد كل الناس
ربنا يستر و يلطف بينا و بيكم جميعا......