مصر المحروسة تحميها البحرية [size=0] =================
.
ده مش مجرد عنوان .... ده الشعار الرسمي للقوات البحرية المصرية .. أقدم البحريات في التاريخ ..... قوات الخبرة القتالية .... و اللي دائما و أبدا يتغير العلم العسكري البحري على إيديها طوال التاريخ ..... فاليوم ... تنتقل البحرية المصرية الى عهد جديد تماما ..... و يترقب العالم أجمع بأصدقاءه و أعداءه النقلة النوعية اللي انتقلتها قواتنا البحرية بتسلمها حاملة الطائرات "جمال عبد الناصر" - طراز ميستيرال .
.
و اليوم و طوال الأيام الماضية ..... كلنا إتكلمنا عن القدرات و الامكانيات العسكرية لأهم وأخطر وأضخم قطعة بحرية إنضمت للبحرية المصرية ... بكل تفاصيلها .... و لأن التفاصيل العسكرية بتكون مملة للكثير من أصدقاءنا ..... فإحنا حنتكلم بشكل مختلف شويه ...
خلونا نتكلم بشكل مبسط جدا و برؤية جديدة شويه ....
..... ليه مصر تعاقدت على الميستيرال ؟!... و ايه الفايدة اللي حتعود علينا منها ؟ّ... و ليه الصفقات التسليحية البحرية بالذات اللي مصر مركزة عليها ؟!!..
.
شوف يا سيدي ..... في الأول خلونا نتكلم بصراحة شوية ..... البحرية المصرية مش واخده حقها إعلاميا خاااالص
.... فاللى ميعرفوش الكثير من الناس .... ان البحرية المصرية من زمااااان قادرة و مفترية و بيتعملها ألف حساب
..... و كانت واخده بحريات اسرائيل و دول عظمى ورا مصنع الكراسي طوال حرب الاستنزاف و حرب اكتوبر و ما بعدها... و حتي اليوم .
.
فمثلا اسرائيل طول عمرها بتتفاخر بقواتها الجوية و بتطلق عليها اليد الطولي .... و بتتفاخر بقواتها المدرعة ...... لكن تيجي عند البحرية و متسمعش ليها غير صوت صرصور الحقل الحزين
.... لأنها عارفه حجمها كويس جدا ..... و كل المعارك البحرية اللي خاضتها أمام البحرية المصرية .... مُنيت فيها بخسائر فاااادحة ، سواء في القطع البحرية أو الأرواح البشرية ..... و ده بالرغم من التفوق التكنولوجي الدائم لصالحهم .... و مساندة الأسطول السادس الأمريكي الدائم لهم .... إلا انهم كانوا دائما بياخدوا الدرس اللي عمرهم ما بينسوه.
.
الحقيقه المؤكدة اللي محدش بياخد باله منها .... ان البحرية المصرية كانت و لا تزال هي اليد الطولى للدولة المصرية ..... فالدولة المصرية بسطت نفوذها على باب المندب و شرق البحر المتوسط بما فيها المواني الاسرائيلية بواسطة القوات البحرية المصرية .
.
فالغواصات المصرية كانت دائما و بشكل شهري مقيمة داخل المواني الاسرائيلية ... و مفيش صندوق سلاح كان بيوصل اسرائيل إلا و كانت هناك غواصة مصرية واقفة بالقرب من المينا و بتصور كل صندوق بينزل من مراكب الشحن ...... و بالرغم من استعانة اسرائيل بالأسطول السادس الأمريكي لحماية المياه الاقليمية لإسرائيل ... الا إنه ، دائما و أبدا ، كانت كل المطاردات و مناورات التخفي و التسلل و الإذلال لقطع الأسطول الامريكي لصالح الغواصات المصرية ..... والكلام عن سلاح الغواصات المصري دا عايز مقال منفصل لوحده ، لأن السلاح ده بيعتبر طول عمره و حتي الآن سلاح سري للغاية و الحديث عنه لازم يكون بحساب ... فهو أكتر سلاح مصري يكتنفه الكثيييير من الغموض و محدش يعرف عنه حاجة ، سواء في تسليحه أو عملياته و بطولاته اللى محدش يعرف عنها حاجة .... و ممنوع الكلام عنه .....لدرجة إن محدش يعرف عدد الغواصات العاملة الفعلي و لا تسليحها الحقيقي ... ناس تجتهد و تقولك 4 غواصات و ناس تقولك 6 و ناس تقولك 8 .... كل الكلام ده مش صح لسبب بسيط جدا ... انه بالفعل محدش يعرف و كلها اجتهادات مش أكتر
، واحنا وغيرنا معندناش غير شوية معلومات ذات طابع تاريخي... يعني معلومات قديمة شويه عسكريا ملهاش قيمة دلوقتي ، لكنها بالتأكيد جديدة للكثير من اصدقاءنا ...و بدون الدخول في تفاصيل كتير ، وبدون أي مبالغة و بالأحداث و بالحقائق و الأفعال .... سلاح الغواصات المصري هو اليد الطولى للقوات المسلحة المصرية .. من باب المندب الى جبل طارق.... و يوم ما اسرائيل حبت تشم نفسها و استلمت أحدث غواصات المانية تتفوق تقنيا عن الغواصات المصرية بكتييييير و يقودها أمهر أطقم الغواصات الألمان في العالم ..... فالبحرية المصرية أغرقت اتنين منهم .... واحدة يوم ما تم استلامها و قبل ما توصل اسرائيل و هي الغواصة داكار ... فبعتوا واحدة تانيه لاخذ الثأر ... فتم إغراقها أيضا و هي الغواصة تانين ...... ده غير الغواصة التالتة اللى تم أسرها هي والطاقم بتاعها اللي كان بيقوده أمهر قائد - و كان ألماني يهودي - على سواحل الاسكندرية .....
عشان كده اسرائيل تيجي لحد سلاح الغواصات المصري وتحط وشها في الأرض وما تقدرش تفتح بوقها بكلمة واحده
..
و معلومة على السريع