حسن الذهبى عضو stars
اسم العضو : حسن الذهبى الجنس : عدد المساهمات : 2797 تاريخ الميلاد : 11/03/1956 تاريخ التسجيل : 16/01/2014 العمر : 68 عال
| موضوع: حكاية بطل ... اسمه عبد الفتاح السيسى ولو كره الحاقدون الثلاثاء نوفمبر 01, 2016 10:13 am | |
| Ibrahim Mohamed Ouda حكاية بطل ... اسمه عبد الفتاح السيسى ولو كره الحاقدون بعد أربع خمس سنين كمان هتكون كمّلت زراعة ال 4 مليون فدان في الصحرا , و انتهيت من العاصمه الإداريه الجديده و كملت شبكة الطرق و الكباري...... , و قضيت على مشكلة العشوائيات المتراكمه من عشرات السنين تماما ( مش هيبقى عندك مناطق عشوائيه ولا مناطق خطره ) , وانت أصلا انتهيت من حل مشكلة الكهربا بشكل شبه نهائي و بقى عندك أكبر محطات توليد كهربا في العالم ( الحكايه دي كلفتنا أكتر من 100 مليار جنيه ) , و بعد أربع خمس سنين هتكون بدأت بالفعل الإنتاج من حقول الغاز في البحر المتوسط ( من أكبر حقول الغاز في العالم ) , و هتكون كملت منظومة إعادة تسليح الجيش المصري اللي بدأتها من سنتين ( أتوقع ترتيب الجيش المصري يقفز مركزين تلاته كمان يعني يبقى التامن أو السابع عالعالم ) , و هتكون قضيت بصوره شبه نهائيه على فيروس سي اللي كان بينهش في لحم ملايين المصريين من نص قرن ( قريب جدا مصر هتعلن نفسها خاليه من فيروس سي ) , و أتوقع خلال ال أربع خمس سنين نكون بدأنا بالفعل تطوير ( و تفوير ) منظومة التعليم , بدأنا ب 100 مدرسه لتطبيق النظام الياباني , و بعد أربع خمس سنين هيكون مشروع الضبعه النووي شاف النور . . الحكايه و الحدوته دي احنا بنعملها و احنا بنمر بأصعب ظروف في تاريخ مصر الحديث , حرب مكتملة الإركان , ديابه من بره و تعالب و فيران من جوه . . إجمالا , أي واحد هيبني مصر ماينفعشي يتقال عليه رئيس , لازم يكون فارس و هقولك ليه , عشان ماتروحشي تقرا كتابين و تيجي تقرف أهالينا بالتجربه البرازيليه و التجربه الماليزيه , و تعلّق لي صورة مهاتير محمد و لولا دا سيلفا , مصر يا مولانا غير البرازيل و ماليزيا , خصوصا في أخر 100 سنه , و طول مانت جنبك كيان صهيوني مزروع زرع و طول مانت عندك تنظيم إرهابي دولي عايش معاك و طول مالعالم بيسيطر عليه قوه عظمى واحده و طول مانت حواليك وجيرانك عرب لا عارف توحدهم ولا عارف تخلع إيدك منهم يبقى اللي هيمشيه غيرك في ساعه هتمشيه انت في اسبوع , حركتك أبطأ بفعل فاعل , و بالتالي اللي يبنيها و هو رجليه مربوطه بسلاسل لازم يكون فارس و في التوقيت بتاع خراب الشرق أوسط لما ييجي حد يبنيها يبقى اسمه بطل . . و كل مالبطل هيبني كل مالتعالب و الديابه هيتجننو أكتر , أقولهالك باختصار ؟ مطلوب إن مصر ماتوصلش لسنه 2020 , افهمها براحتك بقى . | |
|