Hassan Margawy
.....................
والله العظيم ياعم الحج مستحملين الغلب عشان خاطر بلادنا إنما انا بأشيل الطين وغيرى بيشيل ملايين .
بيطلبوا منى التقشف وهمه فاتحنها ع الأخر فشخره ومنظره وكل يوم الأسعار نار سابونى فى ملاليمى وطلبوا يزودوا وزرائى ومحافظينى .
وبتوع النواب فتحوا علينا كل باب يدخل لنا منه غلاء وعذاب .
وهمه ظبطوا نفسهم ع الأخر بدلات سفريات .
مرتبات وفشخرات و أونطجيات .
وخد وهات .
مع الحكومة وشيلنى يامعلم وأشيلك.
وأسندى ياوزير واسندك.
ومش مهم الطفحانين .
ومش مهم الشقيانين .
إيه يعنى عددهم كام شوية ملايين مش مهم.
ومش مهم يعم الحزن والغم.
ومش مهم الغلابة م البرد تتلم .
كل ده مش مهم .
المهم كام عربية مصفحة بشيئ وشويات .
وأكل الكباب ومعجنات ومشويات .
ماهو أصحاب المصالح يابا أصلهم خوجات.
لاحسوا بفقير ولاسمعوا صرخته.
ولايوم مرة عاوزين يشوفوا فرحته.
أصل النائب يابا مصلحجى ودى مهمته.
نقول يارب يصلح لنا الحال ويبلغ بلادنا المنال ويدى كل واحد على أد نيته.
بس كل اللى فات يهون عشان عيون بلادنا .
نموت لأجل زرعة فى ارضها تطرح ولادنا.
نستحمل الصعب ونشرب المر ونحافظ عليها .
هى اللى لنا واحنا اللى منها وراجعين إليها.
وتعيشى يابلدى مهما كان ومهما يكون .
نثق فى ولادك وفى تاريخك ياأم كل الفنون.
وتعيشى يامصر.
by:hassanmargawy.