يوم صعب، مؤلم وقاسِ .. مصر من أربع سنوات فى حالة حرب حقيقة

Mohammed Haffz

00000000

يوم صعب، مؤلم وقاسِ .. مصر من أربع سنوات فى حالة حرب حقيقة 17862405_1852812481633328_2817202133012937814_n

يوم صعب، مؤلم وقاسِ .. مصر من أربع سنوات فى حالة حرب حقيقة، لكن بشكل مختلف، الناس اعتادت ان الحرب جيش قصاد جيش، وشايفه التحديات اللي بتمر بيها مصر من 2011 مجرد تبعات لثورات، مش حالة حرب وتهديد بقاء لمصر .. اللي هقوله ده واقع، وحقيقى، ومعنديش أى مشكلة تقتنع بيه أو لأ .. اللي حاصل في الشرق الاوسط مش وليد ظلم أو قمع أو تداعيات للتقصير الأمني والاستخباراتي، اللي حاصل جهود عملاقة من عقول ومؤسسات، أقرب ما تكون للشياطين، هدفها الاساسي (تقسيم المقسم)، وإحداث تغيير ديموجرافى عنيف بالمنطقة لإحداث التقسيم، بإستخدام أدوات عدة، منها الاستهداف الطائفي .

اوعوا تخافوا... مصر ثابتة ، ومفهاش بيئات تمرد مسلح وأمراء حرب، بسبب تماسك الجيش المصري عقائديا، مصر متماسكة لأنها تفتقد للتنوع العرقي والطائفي، اللي يعتبر الركيزة اللي بيعيش عليها الارهاب ومخططيه وداعميه... سوريا بلد فيها أكتر من 64 طائفة، اتلعب عليهم كل الطرق الممكمنة اللي وصلت هذا البلد العريق للوضع ده، وكأنها جحيم الله في الأرض .. مصر عندها طائفتين، وأقول بكل صراحة وعنصرية وطائفية ، المسيحيين في مصر أكثر الناس إخلاصا لها .. بقول إخلاصا لمصر مش للنظام ، المسيحي المتدين أكثر اخلاصا لمصر من نظيره المسلم المتدين والمتشدد .. الطائفة دي بقت على بنك أهداف خلايا داعش في مصر، مش اول ما بدأ التضييق الحقيقي عليهم في سيناء، لأ ..بل أول ما داعش ابتدى يفقد نقاط ارتكازاته الاستراتيجية بين مدينة الرمادي العراقية وتدمر السورية .. سقوط المدن دي من داعش حذف أكثر من نصف جغرافيته، وجعلته يتجه لاستراتيجية أعنف، وهي إعادة التموضع والانتشار والاستهداف الطائفي بدول الثبات في الاقليم، وأولهم مصر.

الضغوط اللي على الجهاز الأمني في مصر أكبر من إمكانياته ، والتفجيرات اللي بتظهر كل فترة هي نتيجة حتمية لتعاظم شبكة المصالح المصرية، وبنك أهداف داعش، وتمدد حاضنته الاجتماعية في مصر .. وللأسف، مصر تملك أكبر حاضنة بتدعم داعش في الشرق الأوسط بعد تركيا، وللأسف كمان مرة، بيكون لهم مطلق الحرية في التعبير عن آرائهم ودعمهم، في حين إن تويته وحيدة لدعم داعش في أي دولة اوروبية ممكن تسجن صاحبها مدى الحياة بمنتهى السهولة.

مصر في أحلك لحظات تاريخها ..وفيه ناس شايفه ان رفض مصر للاسلام السياسي في 2013 هيمر مرور الكرام .. انتوا لسه ما شوفتوش شئ .. ولسه طريق الآلام والحزن والوجع طويل .. آخر طرق الارهابي واللي مشغله في مصر هو الاقتتال الطائفي، وشحن المراهقين من الجانبين، في انتظار شرارة أولى ، أو محاولة ناجحة لاختراق كنائس الصعيد، وده مرجح الفترة اللي جاية، واللي ماشفش الصعيد وحجم الدواعش والمتعصبين فيه من الجانبين هيتفاجئ بردة فعل عنيفة... حتي الآن نجح الجهاز الأمني في جعل الصعيد خارج قدرة الارهابي. وهو أمر لو تعلمون عظيم.

الرحمة لكل روح بريئة جميلة قٌتِلت وهي بتتعبد لربها بدون ما تأذي حد .. والصبر كل الصبر والايمان كل الايمان لمصر، والمسار اللي اختارته مصر .. النهاردة بعد تفجير الكنيستين تم ابطال مفعول قنبلتين قصاد مسجد سيدي عبدالرحيم بطنطا .. وده بيأكدلنا إن المستهدف مش مسيحي أو مسلم .. المستهدف مصر .. آن الآوان أن نسمي الأسماء بمسمياتها .. داعش هو الاخوان بكل أيديولوجيتها وأفكارها ، وخلط الأسماء واستعداء احداهما للآخر مجرد شو رخيص .. اللي حرق كنايس مصر في 2013 هما اللي فجروا الأبرياء النهاردة.. وهما اللي هيفجروا اللي جاي ..

.

-------------

لـ محمد حسن

» فى قضية "البياضية" 10 سنوات لعبيد ووالى و15 سنة لحسين سالم و3 سنوات لعبد الفتاح وغرامات 769 مليون جنيه.. المحكمة: محامون حاولوا الإخلال بالنظام ونطالب بوجود شرطة قضائية تابعة للعدل لحماية القضاة
» Ƹ̴Ӂ̴Ʒ أربع من صفات قوم لوط :-
» عجبت لأربع يضلّون عن أربع
» أربع مسببات للسكتة الدماغية عند الرجال**
» •°¨ أربع معلومات مهمة يجب أن تعرفها عن التمارين الرياضية **