احد ابطالنا اللي ظهرو في فيديو داعش الارهابي والذي اعتقد الكثيرين انو استشهد .. يتحدث عن لحظات الاشتباك واصابته

#هام_جدا 

احد ابطالنا اللي ظهرو في فيديو داعش الارهابي والذي اعتقد الكثيرين انو استشهد .. يتحدث عن لحظات الاشتباك واصابته

جندي مقاتل بطل "محمد مصطفى عبدالله" 

محمد خريج كلية تجارة جامعة المنصورة اتخرج والتحق بالخدمة العسكرية.

الفيديو كان بيظهر محمد وهو بيطلع من تحت السلاح ويمسكه ويبدأ يصوب وفي اللحظة دي بيتم اطلاق النار عليه , محمد لما اتكلمت معاه فالنقطة دي وبسأله عن سبب وقوفه وانه يمسك السلاح تاني رغم انه كان بيتضرب عليه وكان ممكن يفضل تحت ومايطلعش لحد مالضرب يوقف وده موقف طبيعي مش حاجة غلط يعني , قالي لأ انا كنت محدد الهدف وعارف مكانه ولما نزلت تحت كنت بشد أجزاء السلاح وكان ممكن ابلغ حد يتعامل مع الهدف بدالي بس كان صعب اوصفله مكان الهدف تحديداً اللي بيضرب عليا فانا عشان كنت عارف مكانه ومحدده فقررت اقوم واتعامل معاه بنفسي.

محمد لما بقوله ان المشهد بتاعه اثر فيا جداً وفضلت اعيد فيه كتير بسبب نظرته وتعبيرات وشه في الفيديو قالي انا نفسي اتأثرت لما شوفت المشهد ده وقالي على فكرة دي مش اول مرة اواجه موقف كدة وبنواجه مواقف زي دي يومياً وبنتصدى ليها وبنتغلب عليهم خصوصاً لما بيكون في اشتباك مباشر لكن اللي اطلق عليا النار كان في وسط قرية ومن مسافة بعيدة جداً مش قريبة زي ما الكاميرا مبينة وهي دي الطريقة اللي بيوصلولنا بيها عشان مابيقدروش يواجهونا مباشرةً, سألته تاني ايه رأيك في الناس اللي بتتكلم ان الفيديو مفبرك لما بتسمع الكلام ده بتحس بأيه , قاللي شوف انا بتضايق من الناس اللي مش فاهمة وبتتكلم بس بالنسبالي انا مفيش مشكلة انا بتضايق وبفكر بس في زمايلي اللي بيموتوا وبيصابوا وبحس ان حقهم بيضيع لما ناس تشوفهم بيتضربوا وتقول انه مفبرك رغم انهم واقفين بيحموا الوطن وعلى فكرة هما لما بيجروا مش بيجروا خايفين هما بيجروا عشان يبلغوا او يلحقوا يتعاملوا لأن اوقات بيتضرب عليهم وهما بيصلوا مثلاً او في اوقات زي كدة فلازم يجروا بعيد عن الضرب مش اكتر لحد مايجهزوا نفسهم للتعامل.

محمد مصاب بشظايا في الوجه والعين أثرت على النظر , خرج قريب من المستشفى وبيتلقى العلاج في البيت فياريت كلنا ندعيله ربنا يتم شفاه على خير