من قبل Mohamed Hafez.
التقصير الأمني
========
إمبارح.. بينما كانت الناس بتحتفل و بتتحسس الرنجة و الفسيخ في العطارين و السيدة زينب، عشان تختار اللي فيها "البطارخ" والأطفال بيلونوا البيض .. كان رجال الأمن #المقصرين بيتحسسوا طريقهم.. بين أسلاك شائكة.. و ألغام أرضية.. و أبواب ومداخل مفخخة.. لاقتحام #مزرعة_الموت
و بعدين نفس رجال الأمن المقصرين.. اللي من فرط الراحة و الإسترخاء اللي هم فيه بيموتوا بقي لهم 6 سنين.. اصطدموا ببعض المسلحين.. و تبادلوا معاهم إطلاق النار.. و قاموا بتصيفتهم.. و بعدين أمنوا المزرعة تماما..
بعد التأمين، بدأت تتقدم المجموعة المرافقة من رجال المفرقعات "المقصرين برضه" ، لإبطال المفخخات و الألغام أثناء الإقتحام عشان يبدأوا في مباشرة وظيفتهم، المصنفة كواحدة من أكثر الوظائف خطورة في العالم، و ينقلوا القنابل اليدوية و السي فور و الأحزمة الناسفة، في حاويات خاصة و بطرق خاصة.. تمهيدا لنقلها بعيداً عن أماكن المدنيين... منتهى التقصير بصراحة
المتفجرات دي اللي بعضها متهرب و بعضها مصنع محلياً..
خد بالك دي مزرعة في قلب البلد..
ما بالك بمزارع العريش و سيناء البعيدة المتطرفة ؟
يا ترى فيها إيه؟
الأسلحة و المتفجرات دي مكانتش معدة عشان الصهاينة.. دي معمولة خصيصا للمصريين.. عشان احنا نتقتل بيها..
عشان والدة حضرتك تنفجر فيها قنبلة في السوبر ماركت.. و ابنك تنفجر فيه قنبلة في مدرسة.. و مراتك تقتلها قنبلة في قطار.. و هكذا...
المفروض طبقاً لكتيب الثورجية.. الناس اللي معاها السلاح دا و بتقتل بيه الأبرياء.. يبقوا "ثوار" و فسيل وطني و لازم نصالحهم ونبوسهم من بؤهم .. بينما رجال الأمن اللي أنقذوا آلاف الابرياء بضربة واحدة لما تمكنوا من المزرعة دي.. يبقوا "أوغاد و قتلة و اشرار"...
آه و "مقصرين"...
جماعة الإخوان الإرهابية، بعد فشلها و تسلطها و محاولة تقويض مؤسسات الدولة.. و استخدامها لسلطة الحكم بغباء ما بعده غباء.. قررت تستولي علي حكم مصر بالقوة.. و تحكم المصريين بالعافية..
الموضوع مش شرعية و لا مرسي و لا ثورة و لا كلام فارغ من ده.. الموضوع هو الكرسي.. الحكم و المناصب و الفلوس.. و بيشقوا طريقهم للهدف ده بالدم..
.
"ترسانة" الأسلحة اللي شوفناها امبارح وهي بتستخرج من باطن أرض مزرعة الموت.. توريلك ليه دايما مركوبي الإخوان بيدعوا للنزول و الثورة.. و ليه الإخوان بتدفعهم دفعاً لده.. كتبت مرة عن البلاشفة.. اللي فوجئوا بالناس بتترك ميادين الثورة.. مع وعود الدولة بالإصلاح.. فأطلقوا النار على الثوار و إدعوا إن الشرطة تقتلهم..
و انطلق الثوار يقتلوا رجال الأمن.. و رجال الأمن تقتلهم بالتالي في دفاع عن النفس.. لحد ما تسلق البلاشفة للكرسي.. و حكموا روسيا بالحديد و النار... وقتلوا وقمعوا الثوار اللي كانوا معاهم وكانوا بيقولوا عليهم رفقاء الميدان
النزول فرصة ذهبية لاستعمال السلاح دا...
.
من نسف ابراج الكهرباء.. للتحضير لحرب أهلية شاملة.. هي دي جماعة الإخوان الإرهابية.. و هو ده تاريخها القذر في الإغتيال دون تفريق بين شيخ كبير و امرأة و طفل..
دي الجماعة اللي الناس حرقت مقراتها في الخمسينات.. فهربوا و رجعوا يحرقوا الشرق الأوسط كله ، في 2011..
لحد ما اتحرقوا في مصر يوم 30 من يونيه 2013...
تحية لرجال الأمن "المقصرين"..
.
و لا عزاء لكل مغيب غبي.. أدرك الجميع انحطاطه و تفاهته.. لدرجة إنه معترف من قبل إن الإخوان "ركبوه".. و بعدها اعتاد الإرهابي يستعمله كـ "دابة" للركوب..
#دمتم_مركوبين
#متلازمة_الراكب_والمركوب
.
------------------------------
By: Alaa Hammouda