Aser Afify
..........................
إيه اللي بيحصل في تونس "المُلخص"
-فاكرين السيسي لما قال إن الديموقراطيه بالنسبه للإخوان مجرد سلم للوصول للحكم وإن مبدأهم هدم الجيوش النظاميه ويا أنا أحكم يا أخربها .. ده بالظبط اللي بيحصل في تونس
=====
-البدايه :
بعد الثورة ,تونس دخلت في أزمه إقتصاديه طاحنه
-إخوان تونس قالوا للشعب عندنا برنامج -حاجه كده زي مشروع النهضه الفنكوش-
-منصف المرزوق -الإخواني- كسب الإنتخابات وده نسخه طبق الأصل للأهطل -مرسي- وليه تصريحات في قمة التفاهه علي مقاس "أبلج ولجلج والحاره المزنوقه"
==========
-نتيجة لفشل المرزوقي .. خسر الإنتخابات والسبسي كسب (بالصندوق ) ==========
-ولازم نفهم نقطة .. إن السبسي مش السيسي .. ده رجل أعمال لا بيدعمه جيش ولا داخليه ولا قضاء .. يعني ميركبش عليه هتاف "يسقط حكم العسكر" خااالص .. وعلشان تونس إحتوت الإخوان ... السبسي مقدرش يعمل برنامج إصلاح إقتصادي زي السيسي .. لأنهم بيصطادوا في الميه العكره .. أي قرار إصلاحي أو إقتصادي ياخده حتي لو كان صحيح 100% .. يطلعوا علي الميدان ويهتفوا ضده ويضربولهم كام عسكري علي كام ظابط ..
==========
-بداية الأزمه
-حصلت تظاهرات ضد الغلاء ... والبطاله ..
"أنت واحد نزلت مظاهره ضد الغلاء .. ورئيسك لا هو من الجيش ولا الشرطه.. تروح تضرب في الشرطه ليه ؟ وتحرق مقراتها وبعدين تروح علي الجيش وعايز تضرب فيه"
==========
-وسط الإشتباكات مدرعه شرطه دهست متظاهر بالخطأ -بإعتراف المعارضه وقناة الجزيرة-
"فإتحولت المظاهرات من ضد الغلاء .. لضد جيش وشرطة تونس !!"
==========
-تفاقم الأزمه :
-مقرات الشرطه بالكامل إتحرقت في بعض المدن .. ومقر الحرس الوطني والأمن الوطني إتحرقوا وملفاتهم إتنهبت .. -زي اللي حصل في مصر- (وبكره تلاقوا الملفات دي متهربه لقطر-
-مصافي للبترول المتظاهرين قفلوها ..-قال إيه عايزين يتوظفوا فيها-
-جندي تونسي إتصاب وحاليا -بين الحياة والموت-
==========
-الجيش أصدر بيان شديد اللهجة مُختصره "اللي هيقرب من مؤسساتنا هنفرمه" و"الجيش نار متلعبوش بيه"
==========
-الإخوان ردوا علي بيان الجيش وركبوا الموجه وأعلنوا إستمرار التظاهرات في بيان رسمي والمرزوقي الفاشل بيدعوا للإشتباك مع الجيش والشرطه
==========
الخلاصه : هتاف الإخوان فوق أي أرض وتحت أي سماء هيفضل دايما "يسقط حكم العسكر" حتي لو الرئيس الموجود مدني.. وسيناريو هدم الجيوش واحد بيتنفذ بحذافيره ... نجح في سوريا والعراق وحاليا بيتنفذ في تونس .. والبلد الوحيده اللي فشل فيها هدم الجيش هي مصر ...
==========
عدا ذلك .. كل شئ في تونس هادئ ..