أجعل من نفسك شيئ مفيدا كانسان له تأثير إيجابي في حياة الآخرين

احمد أحمد جنديه

************

أكثر شئ بيفسد مزاج الانسان بدون ما يشعر انه يمر عليه يوم من غير ما يعمل فيه شئ مفيد يحسسه بقيمته كانسان له تأثير إيجابي في حياة الآخرين فينعكس ذلك على نفسيته بسبب عدم التخطيط ليومه او لحياته ... فلا يجد شئ يستغل بيه طاقته الايجابية فتهدر وتتحول بشكل تلقائي الى طاقة سلبية تنعكس على من حوله ..

وده اللي بيحصل مع الشباب بسبب عدم توفر فرص للعمل فبيستهلك طاقته في الانترنت والموبايل وفي اشياء لاقيمة لها فيشعر باليأس والاحباط ،،،

لو ما فيش عندك عمل أو دور تقوم بيه أخلق لنفسك دور وقيمة في الحياه ماتخليش يوم واحد يمر عليك من غير ما تعمل فيه شئ مميز فرح حد قريب منك، صالح اثنين متخاصمين ، شوف حد مهموم ومحتار رفه عنه واعطيه أمل وطاقة ايجابية حتى لو انت مفتقدها هترتد اليك ..

لو مش لاقي شغل ما تقعدش في بيتك تشتكي ظروف البلد والحياه ولا تنتظر من أي حد يفكر لك أو يساعدك ؛ شغل عقلك اللي هو نعمة كبيرة من ربنا وله قوة لا حدود لها تنتظر منك أن تستغلها في التفكير ؛؛ العقل طاقة عليا يجب استثمارها ... فكر في اي عمل ممكن تشتغله يتناسب معاك وانزل ودور مرة واثنين والف مرة ولا تيأس فقط تفائل وتوكل على الله واسعى وأحسن ظنك بالله هتلاقي ما يرضيك منه ،، وحتى لو مجال دراستك أو مهنتك مش متوفر غير المكان وفكر تروح بلد تانية ولو صعب ما تستغربش لو قلت لك غير المجال وشوف مجال آخر يكون مناسب ليك وربما تلاقي فيه نفسك أكثر من اللي اتعلمته بمعنى آخر تحايل على ظروف الحياه لحد ما تلاقي نفسك وتجي لك الفرصة المناسبة فلا تقف مكتوف الايدي بدور المتفرج

مجرد سعيك على عمل شعور ايجابي هيعطيك راحة نفسية كبيرة ، وكل ما تكون هادي ومرتاح نفسيا كل ما هتقدر تفكر أفضل وتوضح الصورة في ذهنك وتعرف اي طريق هتمشي فيه وتوصل باذن الله للنجاح اللي تكون انت راضي عنه .

[ندعوك للتسجيل في المنتدى أو التعريف بنفسك لمعاينة هذه الصورة]

» (¯`*•حياة المؤمن التقي في قبره و حياة الكافر الشقي؟‏•*´¯)
» لا تصدقني إذا قلت لك إنك تعيش حياة أكثر بذخا من حياة كسرى بقلم الدكتور .. مصطفى محمود ( رحمه الله )
» لا تصدقني إذا قلت لك إنك تعيش حياة أكثر بذخا من حياة كسرى أنو شروان.. و إنك أكثر ترفا من امبراطور فارس. و قيصر الرومان. و فرعون مصر.. و لكنها الحقيقة
» سلسلة : الربانية .. حياة الروح الربانية .. حياة الروح (5-6) &(6-6)* بقلم : نبيل جلهوم*
» سلسلة : الربانية .. حياة الروح الربانية .. حياة الروح (4-6) *بقلم : نبيل جلهوم*