#العمود_الفقرى......(آلام الضهر و المفاصل)

[ندعوك للتسجيل في المنتدى أو التعريف بنفسك لمعاينة هذه الصورة]

‏Adel Ansary‏ إلى إدارة السكرى .

#العمود_الفقرى

الحلقة 14 .. (آلام الضهر و المفاصل)

كلامنا النهاردة عن آلام المفاصل والضهر والناس اللي كتير بتتلخبط بين خشونة المفاصل و الروماتيزم .. هيَا بنا هات كوباية الشاي وتعالى نتكلم flower

أولاً هو ليه امراض المفاصل بتتلخبط على بعض وأحياناً تسمع تشخيصات مختلفة؟

لأن الأعراض ممكن تتشابه على المريض

لأن احياناً بنكشف عند أطباء غير متخصصين في أمراض الروماتيزم ؛ و بعضهم بيتكبر على أنه يحولك لأخصائي أو استشاري متخصص .. والكلام ده غالباً بيحدث في الأرياف لندرة التخصصات.

طيب ايه هي الأعراض والحاجات المتشابهة اللي ممكن تلخبط بين المرضين؟

المرضين ممكن يتشابهوا في شكل آلام مفاصل ركب وحوض و ضهر و أصابع ... الخ.

طيب ايه بقى الفرق بين الخشونة وروماتيزم المفاصل؟

خلينا نسأل هو ايه الغضروف وازاي بيتحرك؟

الغضروف عبارة عن مكان زي الغرفة المقفولة مكون من 3 مكونات جدران ناعمة بتغلف الغرفة من كل مكان وداخلها سائل وسطح ناعم على نهاية العضمتين بيسهل حركة العظام على بعض.

يبقى الحركة الطبيعية للمفصل هي الغضروف اللي في نهاية العضمة الاولى بيتزحلق على الغضروف اللي في نهاية العضمة التانية داخل الغرفة المغلقة في وجود هذا السائل.

طيب ايه سبب الأمراض

فيه أمراض سببها مشكلة في جدار الغرفة والسائل (روماتيزم المفاصل) ..

وأمراض تانية بتسبب تآكل السطح الناعم في الغضروف اللي العضم بيتزحلق عليه (خشونة المفاصل).

ايه بقى بالتفصيل مرض روماتيزم المفاصل؟

ده عبارة عن التهاب بسبب (المناعة الذاتية) ؛ يعني مناعتنا بتتلخبط وتهاجم الأنسجة دي على اعتبار انها أنسجة غريبة.

المرض ده التهاب بيؤثر على الجسم كله وله أعراض في الرئة والقلب والمخ والجلد والجهاز الهضمي ؛ لكن الأشهر هو التهاب المفاصل (جدار الغرفة والسائل اللي موجود فيها لكن الغضاريف إلى حد ما سليمة)

وده بيؤدي لوجع شديد في المفاصل وانتفاخ واحمرار.

أمال ايه بقى مرض خشونة المفاصل ده؟

ده حاجة مختلفة وهو ان الغضاريف نفسها بدأت تتآكل ؛ مما يسبب احتكاك العضمتين ببعض بشكل مباشر وده اللي بيسبب الآلم.

لكن السائل وجدار غرفة المفصل مفيهمش مشكلة وده مش مرض مناعي يعني ملوش أي أعراض خارج المفاصل عكس الروماتيزم.

طيب مرض الروماتيزم ده بيجي لمين وشكل وجعه ازاي؟

الروماتيزم بيصيب البنات alien

أكتر من الأولاد ، و غالباً بيصيب المفاصل الصغيرة زي الرسغ alien

(الايد) والكاحل alien

(الكعب) والغضاريف الصغيرة في الايد والرجل bounce

.

الخشونة بتصيب الستات أكتر برده alien

؛ لكن الاكبر في السن وغالباً بيصيب المفاصل الكبيرة زي الركبة alien

والحوض

افتكر انها غالباً الغضاريف الكبيرة.

طيب الاختلاف في الوجع شكله ايه؟

الروماتيزم: الوجع غالباً بيروح مع الحركة والنشاط ؛ كأن الغضاريف كانت ناشفة والحمد لله اتحركت وبقت كويسة.

الخشونة: الراحة بتقلل الوجع ، والحركة بتزود الوجع (يعني أمر طبيعي).

طيب ايه الفرق بين علاج المرضين؟

زي ما قلنا الروماتيزم مناعة ذاتية (مرض مناعي) ؛ فلازم ناخد أدوية تهدي المناعة بتاعتنا شوية والطبيب المختص بيمشي مع المريض حسب الحالة وبالتدريج وفقاً للحالة الاكلينيكية.

الخشونة مرض له علاقة بالميكانيكا والوزن والضغط على الغضاريف ؛ فعلاجه ..

بيكون دايماً وأهم حاجة انقاص الوزن والعلاج الطبيعي وتمارين الإطالة ثم المسكنات والراحة.

أما الحالات المتقدمة فممكن يتعمل حاجة اسمها حقن بلازما وأحياناً كمان تركيب مفصل.

كله على حسب الحالة الاكلينيكية والمرحلة وتشخيص الطبيب.

هل التحاليل ليها دور وينفع اشخص الامراض من نفسي؟

التحاليل يكاد يكون مالهاش قيمة لأن التشخيص في المرضين 100% اكلينيكياً يعني الطبيب بالكشف والتاريخ المرضي بيعرف.

لكن ممكن يحتاج تحاليل لتأكيد أو نفسي او لمعرفة بعض الانواع التخصصية من الروماتيزم.

هل ينفع بناءً على البوست ده اشخص نفسي واخد العلاج؟

طبعاً لأ لأن لو لاحظت كل الكلام باقول غالباً و مفيش مرض بيجي 100% زي الكتاب .. وعند حدوث أي أعراض من دي ؛ لازم نروح للطبيب المتخصص مش الممارس العام اللي كاتب (باطني اطفال نساء رمد انف واذن).

لأن كل ما بنشخص بدري كل ما بنقل المضاعفات وألف سلامة عليكم وربنا يتم شفاؤه على الجميع.

» ما أعراض التهابات المفاصل؟
» •°¨ إلتهاب المفاصل المرض والعلاج**
» العنبر ينفع سائر أمراض الدماغ خصوصا الجنون والشقيقة ، ويستخدم في ابطال السحر.يستعمل العنبر داخليا لفتح الشهية وزيادة الوزن والقدرة الجنسية, ويخفف من آلام التهاب المفاصل, كما يستعمل كمسهل وطارد للغازات المعوية داخليا وطلاء من الخارج وترياق لعدة سموم وهو جي
» آلام ما سبب آلام الأذن المستمرة؟
» ما أسباب خشونة المفاصل؟