تعرف أزاى إن عندك سكر كيفية_تشخيص_السكر. الموضوع ثقافى وليس تعليمى

[ندعوك للتسجيل في المنتدى أو التعريف بنفسك لمعاينة هذه الصورة]

Shaban Mubarak

****************

#كيفية_تشخيص_السكر. alien

#الموضوع_ثقافى_وليس_تعليمى

هانشرح إزاي #الأطباء بتشخص السكر وتعرف نوعه.

أولاً : لازم نعرف هل الشخص صديق سكر ولا لا؟

ثانياً: لازم نعرف هل هو النوع الأول ولا التاني؟

يادكتور سهلة الكبار النوع التاني والأطفال النوع الأول..

لا ناصح

طبعاً مش بالبساطة دي فترة من ١٦ لحد ٣٠ سنة ممكن يجي فيها النوعين ودي منطقة رمادية لذلك ماينفعش نتوكل على الله ونهبد أي تشخيص cherry

. لأن العلاج مختلف تماماً.

طيب يلا بينا نعرف ازاي نشخص.. الأرقام دي أمريكية وكل دولة ممكن تزود أو تقلل حاجة بسيطة لكن ده اللي احنا ماشيين عليه هنا.

---------

أولاً: التحاليل اللي تثبت أن الشخص عنده سكر:

قياس سكر صائم أكتر من ١٢٦

سكر عشوائي أكتر من ٢٠٠

الهيموجلوبين التراكمي أكتر من ٦.٥

فيه وسائل تانية زي اختبار جلوكوز الشرب وخلافه لكن دي حاجات متخصصة شوية.

ثانياً: أعرف ازاي انه نوع الأول أو النوع التاني؟

عن طريق تحليل بنعمله اسمه سي بيبتايد C peptide

ما هذا الكلام الانجليزي اللي عاتجوله ده يا تكتور؟ confused

البتاع ده اسمه بالعربي بادىء الإنسولين.. يعني الدقيق اللي هانخبز بيه ونعمل منه انسولين في الجسم..

والله لقينا دقيق كتير معنى كده إن الشخص صديق للنوع التاني ( يعني البنكرياس شغال لكن آخر خطوة في عملية تسوية الخبيز متعثرة ) فبنديه أدوية تعصر البنكرياس وتسرع عملية الخبيز وتصنيع الانسولين- أدوية الحبوب للنوع التاني-

والله لقينا دقيق قليل معنى كده ان مفيش بادىء إنسولين ومفيش دقيق نخبز منه فلذلك ده نوع أول وبنديله العيش - الانسولين - جاهز من برة.

يا دكتور مانا نوع تاني وباخد انسولين ؟

عارف والله موضوع البوست عن التشخيص مش العلاج وهانتكلم لاحقاً عن العلاج.

طبعاً الكلام ده مبسط جداً جداً يديك فكرة بس ونص حالات النوع الأول عندهم المادة دي أصلا لكن فيه مضادات في الجسم بتكسره وكلام كبير حضرتك.. واحنا اللي نعرفه عن السكر ١٠% أو أقل.

نصائح هامة تعالوا نلعب مكعبات confused

أي حد صديق سكر يشيك على الضغط والدهون الثلاثية.

أما بقى أي حد عنده ضغط يشيك على السكر والدهون الثلاثية.

لكن لو حد عنده ارتفاع في الدهون الثلاثية فيشيك ضغط وسكر cherry

. سهلة اهي.

اي حد عنده واحدة من التلاتة شيك على الاتنين الباقيين.

◀️ هذا المنشور تعليمي تثقيفي فقط ولا يعتمد عليه في التشخيص أو العلاج.

◀️ رجاء ماحدش يسألني عن تشخيص أو جرعات إنسولين أو حبوب لأن ده محتاج كشف ومتابعة وقراءة أرقام تحاليل كتير فالأجدر انك تروح لطبيب مختص.

» عندك برد و لا أنفلونزا ..... لازم تعرف الفـــــرق
» عدة من توفي عنها زوجها وليست من ذوات الحيض ( الشيخ بن باز رحمه الله ) استعرض الموضوع السابق استعرض الموضوع التالي اذهب الى الأسفل كاتب الموضوع
» لماذا عرج بالنبى من القدس وليس من مكة ، ولماذا يصعد المكوك الفضائى الروسى من كازاخستان وليس من روسيا رغم التكلفة العالية جدا ماديا ؟
» كيف تعرف أنك لا تشرب الكمية الكافية من الماء ؟ وكيف تعرف كمية الماء التي يحتاجها جسمك ؟
» زنقا زنقا المجنون أهه.