عندما يقول البقر (ياعم أنت تطول بلدك تبقي زي قطر !!)

‎Mohammed Hafez‎‏.

******************

(ياعم أنت تطول بلدك تبقي زي قطر !!)

(شوف المواطن القطري عايش ازاي وأنت عايش ازاي !!) ..

( ياريت عندنا حاكم زي أمير قطر ، دا معيش شعبه في رخاء وكل حاجة هناك ببلاش )!!

✴ أكيد طبعا كلنا سمعنا سمعنا الكلام ده كتير سواء في الحقيقة أو في رد على تعليق قام أحدنا بكتابته على احدى صفحات الكولة المخلوطة بالضاني ينتقد فيه قطر دفاعاً عن بلده ضد الأكاذيب اللي بتروجها الجزيرة وأخواتها ، وللأسف اللي بيقول الكلام ده مش قطريين دول "المفروض" أنهم مصريين وعايشين في مصر !!

.

❇ وبصرف النظر عن أني كمواطن مصري شايف أني أحسن حالا من المواطن القطري ، على الأقل انا عايش في دولة غير منقوصة السيادة وبتسيطر على كل شبر من كامل ترابها ومعنديش في بلدي قواعد عسكرية أجنبية فيها جنود أجانب بيعيثوا في أرضي فسادا ومحدش يقدر يكلمهم لأن معاهم حصانة انهم ميتحاكموش مهما ارتكبوا من جرائم في حق البلد وأهلها ، وده بيحصل فعلاً في قطر وفيه جرائم كتير بتحصل من الجنود الأجانب ضد المواطنين بس طبعاً بيحصل تعتيم اعلامي وعمرك ماهتسمع عنها في الجزيرة.

.

♦️ بس خلينا نرجع تاني لأصل الموضوع ونشوف ليه أنت بتعتبر المواطن القطري عايش أحسن منك !!

.

✴ بأختصار الناتج الأجمالي لمصر بحسب تقرير صندوق النقد الدولي بيبلغ حوالي 249,471 مليار دولار سنوياً .. قول 250 مليار دولار للتسهيل ، والناتج ده متنوع ما بين صادرات زراعية وصادرات صناعية متنوعة بيتم تصديرها لدول كتير في العالم .. يعني أغلب الناتج بتاعنا نتيجة لتعب ومجهود بشري ، بالاضافة لدخلنا من السياحة اللي بتعتمد برضه على تهيئة المناخ والبيئة السياحية الجاذبة ، يعني برضه نتيجة مجهود بشري ، وأخيرا يأتي دخل قناة السويس اللي حفرها المصريين بأيديهم سواء الجديدة أو القديمة .

.

❇ وعلى الجانب الأخر هنلاقي ان الناتج الأجمالي لقطر بيبلغ حوالي 188,295 مليار دولار سنوياً.. قول 190 مليار دولار ..بس الدخل دا كله جاي بلا أستثناء من تصدير الغاز فقط ، وبلا أي مجهود بشري يُذكر .. دي قرية صغيرة صحيت لقيت نفسها بتعوم على محيط هائل من الغاز الطبيعي اللي هو منحة وهبة إلهية محدش ليه فضل في وجودها .. حتى المجهود بتاع الاستكشاف والتنقيب والحفر واستخراج الغاز هو جهد شركات أجنبية وليس للقطريين فيه أي دور

.

وبحسبة النسبة والتناسب هنلاقي أنه رغم ان دخل مصر سنوياً أكبر من دخل قطر بحوالي 61,176 مليار دولار ، لكن نتيجة الفرق الهائل في عدد السكان بين البلدين ( 400 ألف قطري مقابل 100 مليون مصري)هتلاقي ان نصيب الفرد القطري أكبر بعدة أضعاف مضاعفة من نصيب نظيره المصري ، وتقدر تجيب آلة حاسبة وتقسم اجمالي الناتج القومي على عدد السكان في كلا البلدين وهتتفاجئ من حجم الهوة الكبيرة في متوسط دخل الفرد نتيجة ان تعداد مصر يساوي 200 ضعف تعداد قطر اللي تعدادها بيساوي أقل من نصف في المائة من تعداد بلد بحجم مصر

.

والمشكلة ان الزيادة السكانية اللي بتبتلع كل مجهودات التنمية اللي بتعملها الدولة ، بنلاقي نفس الأخ النطع اللي بيعايرنا بفقرنا هو اللي بيشجع عليها وبيعتبرها ثروة بشرية وبعدين يعايرنا بأثرها ! برغم أننا في عصر التكنولوجيا ومبقاش في حاجه اسمها ثروة بشرية لأن المهمة اللي كان بيقوم بيها زمان 50 عامل ممكن يقوم بيها عامل واحد واقف علي مكنة حديثة ، بس الواضح كده أن الجهل مع عدم الوطنية مع الأحساس بالدونية بينزلوا في باكيدج واحدة .

.

#فخور_ببلدي

.

-----------------------------

By: Mohamed Ibrahim

» عشان حضرتك تبقي فاهم قصدي من العزل المجتمعي ده مش معناه أن مافيش عقوبه من الدولة
» مصر في أزمة كورونا (شير وطمن نفسك واهل بلدك )
» عندما يعى الزعيم قدرة امتة عندما يكون للزعيم محبة فى قلوب الجميع ﻻنة منهم ويعمل من اجلهم تحيا شعوب وعمال العرب
» خلى يالك بلدك محتاجالك
» إيــــــه ياعم الديكور ده (ديكورات جنآآان)