الخوف من فيروس كورونا لايجعلك تشكك فى قدرة البلد على المواجهة

اللى طالع يجعر وينزل فيديو ويطالب وزير التعليم بتاجيل الدراسة فورا خوفا على التلاميذ من فيروس كورونا ويقول أنا حأمنع ولادى يروحوا المدارس ماتمنع ياعم هو فى حد منعك أنت حر بس بلاش تركب الموجة وتعمل لنا فيها سبع البرومبة وأنك خايف ع الولاد رايك ده شخصى يمثلك أنت وأنت مش الحكومة ولاالشعب فبلاش تعمل بلبلة وخوف وهلع فى البلد وكأننا مودين الولاد ميدان حرب مش مدرسة لما تبقى تظهر حالة كورونا واحدة فى البلد والجهات المختصة تعلن عنها من حقك تخاف .

مصر واجهت قبل كده موجات من فيروسات أنفلونزا الطيور والخنازير وجنون البقر والطعون الجبلى والحمة القلاعية والحصبة وشلل الأطفال وماحصلش حاجة غير فى أنفلونزا الطيور ربما كان فى حالة أو اتنين وظهرت عند فلاحين بيربوا طيور وتم أحتواء الموقف .

حتى الأن مصر خالية من أى اصابة بعون الله وفضله وبلاش نشكك فى قدرات الدولة على المواجهةوبلاش نهون من الجهد اللى بتبذله الحمد لله مصر أحسن من غيرها بكتير .

بلاشك نخوف الناس ونقولهم مفيش أستعدادات فى المدارس لمواجهة الفيروس ياأخى يكفى أتخاذ خطوات أولية مثل النظافة لبس كمامات للى خايف على ولاده ان مانخليش أى حد يكلم حد عن قرب وجها لوجه النظافة الشخصية أن تكون بيوتنا نظيفة نظف كل شيئ حتى مقابض الأبواب والشبابيك والمكاتب والمطابخ استخدم منظفات وديتول فى تنظيف الأرضيات التهوية والشمس مهمة نشوف المختصين بيوصونا بأيه ونعمله ونترك الباقى على ربنا واعلم بأنه لايفيد حذر من قدر نعمل اللى علينا والباقى على ربنا.

ح.م

****

» كم يعيش فيروس كورونا خارج الجسم
» حديث نبوي قد يكشف سر علاج فيروس " كورونا "
» أزمة الطبيب المصري الدكتور علي محمد زكي -مكتشف فيروس كورونا- السعودية*
» البلد بتعمل مشاريع عملاقة. البلد بتبنى وتعمر وبتصرف مليارت. ولكنهم لايبصرون
» المواجهة الشرسة للإرهاب وسيناريوهاتهم لتعطيل الإنتخابات :...بقلم/كامل عشرى