4 عقوبات تنتظر واضعى امتحان إنجليزى 2 ثانوى حال إدانتهم الثلاثاء، 21 يونيو 2011

4 عقوبات تنتظر واضعى امتحان إنجليزى 2 ثانوى حال إدانتهم

الثلاثاء، 21 يونيو 2011

الدكتور أحمد جمال الدين موسى وزير التربية والتعليم

توقع مصدر مسئول بوزارة التربية والتعليم توقيع 4 عقوبات على واضعى امتحان اللغة الإنجليزية للمرحلة الأولى من الثانوية العامة، بعد إحالتهم لتحقيقٍ قانونىٍ إثر اكتشاف لجنة محايدة شكلها الدكتور أحمد جمال الدين موسى، وزير التربية والتعليم، وجود 4 جزئيات به لم يدرسها الطلاب.

وأوضح المصدر، لـ"اليوم السابع"، أن العقوبات الأربع المقرر توقيعها على واضعى أسئلة الامتحان- فى حالة انتهاء التحقيق بإدانتهم - هى الحرمان لمدة 5 سنوات دراسية قادمة من المشاركة فى أعمال وضع امتحانات الثانوية العامة، ووقف ترقياتهم، وإلغاء ندبهم لديوان الوزارة، إذا كان من بينهم من هو منتدب مع إلغاء مكافآتهم المالية لفترة تحددها إدارة الشئون القانونية بالوزارة، باعتبارها الجهة المسئولة عن التحقيق.

وعلم "اليوم السابع" أن لجنة واضعى "إنجليزى 2 ثانوى"، والذى أجمع الطلاب على وجود صعوبات بأسئلته، تضم 4 أعضاء من بينهم 2 من الوزارة، وهما موجِّه وموجِّهة للمادة منتدبَين من المديريات التعليمية للعمل بإدارة التعليم الثانوى بالوزارة ومكتب مستشار اللغة الإنجليزية على الترتيب، إضافةً إلى أستاذ وأستاذة تخصص "إنجليزى" من الجامعات الحكومية، والتهمة الموجَّهة لهم هى ارتكاب مخالفة أثناء وضع الأسئلة تتمثل فى تضمينها مرادفات لا تدرَّس على المرحلة التى أدت الامتحان وبعضها من منهج الإنجليزية الذى كان مقرراً على هذه الدفعة، ولكن عام 2009 قبل تعديله.

فى السياق نفسه، كشف مصدر مطلع بــ"التعليم"، أن مجدى عبد الغنى، مستشار المادة بديوان عام الوزارة، امتنع عن المشاركة فى وضع أسئلة الإنجليزية للمرحلة الثانوية هذا العام لوجود مانع لديه يحول قانوناً دون مشاركته، حيث إن ابنته تدرس بالصف الثانى الثانوى، غير أنه كان عضواً باللجنة المحايدة التى شكلها الوزير بعد انتهاء الامتحان لبحث مدى صحة شكاوى الطلاب من السؤال الثالث، وهى اللجنة التى انتهت إلى وجود 4 جزئيات بالسؤال لم يدرسها الممتحنون، الأمر الذى دفع الوزارة لإعادة توزيع درجاتها على 4 جزئيات أخرى بنفس السؤال.

وأكد المصدر أن "عبد الغنى" كان من المفترض أن يشرف على اختيار أعضاء لجنة واضعى الأسئلة، إلا أن أداء ابنته للامتحان منعه حتى من ترشيح أعضائها، لتتولى جهات أخرى بالوزارة هذه المهمة، وأضاف المصدر أن اللجنة المحايدة ستصوغ تقريراً آخر للوزير تحلل فيه نتيجة تصحيح العينة العشوائية للمادة.

وكانت نسبة النجاح بالعينة العشوائية لـ"إنجليزى 2 ثانوى" قد بلغت 93.2 % بالمخالفة للتوقعات التى رجحت انخفاضها لتزايد شكاوى الطلاب من أسئلة المادة.

تعليقات (41)

1
رفقا

بواسطة: مصري وافتخر
بتاريخ: الثلاثاء، 21 يونيو 2011 - 21:34

كيف نحاسب هؤلاء إدا كان تصحيح العينة العشوائية وصل إلى 93.3 أظن كل واحد بعد ثورة 25يناير لوزعل من مراته حيتظا هر كي يثبت الحق له لازم نفكر بعقلانيه شويه ونعلم بأن ده امتحان ثانويه ولابد أن يميز الفروق الفردية بين الطلاب والطالبات وإلا فما داعي لامتحان الثانوية العامة أدا كان كل الطلاب يريدون أن يحصلوا على الدرجات النهائية ندخلهم كلهم طب وهندسة عشان نرضيهم ومن هنا إدا حصل هؤلاء على الدرجات المرتفعة ممكن هم يحددون التنسيق ويحددوا الكلية التي يريدونها وكل ده عشان نرضيهم مش منطق "
2
وبعدين بقى ؟

بواسطة: امانى نشات
بتاريخ: الثلاثاء، 21 يونيو 2011 - 21:39

تم اعادة توزيع درجات الاسئلة التى لم يتم دراستها . يوجد بالامتحان كلمات اخرى تم دراستها لكن اتلغت
3
ابنة مجدى عبد الغنى هى السبب

بواسطة: واحد ساقط انجلش
بتاريخ: الثلاثاء، 21 يونيو 2011 - 21:43

المفروض يتحكم عليها بسنتين سجن
كان لازم يعنى السنة دى تبقى ف تانية ثانوى
عندك السنين كتير لازم السنة دى يعنى؟؟؟
لازم التعنت دة؟؟؟
4
احسن

بواسطة: ام مصريه
بتاريخ: الثلاثاء، 21 يونيو 2011 - 21:43

احسن على شان كل واحد ياخد حقه
5
بلاش ..... فزلكة

بواسطة: fahd
بتاريخ: الثلاثاء، 21 يونيو 2011 - 21:44

علشان يبقوا يذاكروا قبل ما يحطوا الامتحان.
6
ليست فقط الأسئلة

بواسطة: أبو عمر
بتاريخ: الثلاثاء، 21 يونيو 2011 - 21:45

ياسيدى الفاضل أنا مدرس لغة انجليزية بمدرسة ثانوية منذ 18 سنة. والامتحان به جزئيات من منهج الصف الثالث الذى ألغى منذ عامين وجزئيات من الوحدات المحذوفة هذا العام.
والأكثر من هذا أن الاجابة الواردة بنموذج الاجابة والخاصة بسؤال القصة المجموعة A رقم 1 والمجموعة B رقم 1 اجابة خطأ وكأن واضع الامتحان لم يقرأ القصة أبدا أو ربما قرأها ولكن لم يفهمها.
ولا ادرى لماذا لا يكلف مدرس يقوم بتدريس المادة داخل الفصل بوضع الامتحان؟
7
ابنة مجدى عبد الغنى هى السبب

بواسطة: واحد ساقط انجلش
بتاريخ: الثلاثاء، 21 يونيو 2011 - 21:49

المفروض يتحكم عليها بسنتين سجن
كان لازم يعنى السنة دى تبقى ف تانية ثانوى
عندك السنين كتير لازم السنة دى يعنى؟؟؟
لازم التعنت دة؟؟؟
8
عقوبة ايه اللي انت جاي تقول عليه

بواسطة: اشوفكم في الجنه
بتاريخ: الثلاثاء، 21 يونيو 2011 - 21:59

الناس دي تتحول الي اعمال اداريه
ويتحاسب اللي رشحهم للعمل
وكان ممكن نستور د ناس من الهند يعرفوا اللغه كويس واحنا وصلنا لغاية فين
اسيادنا وسيداتنا ايه العجن ده ناس بالشكل ده ماتعرفش المنهج المقرر ايه واكيد في ناس بتراجع عليهم وبجد قرف ياريت تسيبوهم لغاية رمضان وتحققوا معاهم ووقتها تقولو الناس نيتها خير وكانوا من بتوع الثوره او كانوا مشغولون بالاموال المهربه للخارج وكله في التمر هندي وقمر الدين والكنافه والقطايف وادوهوم كل واحد وحوي ياوحوي اياحا
9
الرجل المناسب فى المكان المناسب

بواسطة: caty
بتاريخ: الثلاثاء، 21 يونيو 2011 - 21:59

الدكتور احمد جمال الدين هو الرجل المناسب لهذا المكان واتمنى منه المزيد فاملى ان يتغير التعليم ويختفى الحشو فى المناهج وييصبح ما يدرس يخدمنا فى حياتنا ونعمل به
10
ما مكنش صعب اوي

بواسطة: واحد من الشعب
بتاريخ: الثلاثاء، 21 يونيو 2011 - 22:04

انا طالب ثانوي عامة وبيقول امتحان كان صعب بيس مش اوي وف لجان الثانوية الغش علي ودنية دية مهزلة
11
اشمعنا

بواسطة: الخليفة
بتاريخ: الثلاثاء، 21 يونيو 2011 - 22:09

حقيقى مصر قبل 25 يناير غير مصر بعد 25 يناير

احنا كنا فى الثانوية من 10 سنين وكان بيطلع عينا ولو اشتكينا يتقال أنتم فى ثانوى والانجليزى تراكمى
لما هما مش قادرين على الثانوى دخلوه ليه ؟؟
12
خلوا الثورة تحلها !

بواسطة: dolly
بتاريخ: الثلاثاء، 21 يونيو 2011 - 22:28

واضح ان الفساد مرض متوطن في البلد ده يعني ولا الف ثورة حتقدر تخلصنا منه. خلوا شباب الثورة يحلها بمعرفته!ولا مش فاضيين و عندهم امتحانات و مذاكرة!البلد دة راحت في داهية خلاص
13
والله حرام !!!! واحده من تانيه ثانوى

بواسطة: ياسمينا
بتاريخ: الثلاثاء، 21 يونيو 2011 - 22:31

يعنى اشتكى لمين الشكوى لغير الله مذله طالع عنينا طول السنه ومبهدله أ هلى ف مصاريف دروس رايحة جايه غير تعب اعصابى واعصاب اسرتى ومذاكره ليل ونهار ومحرومه انى اشوف الشارع الا وقت الدرس اللى بروحه وبرضوه خايفه لأن مواعيده متأخره والبلد مش زى زمان ف الامن والامان غير الناس اللى ماتت بالمظاهرات من قريبنا كل دا مش عاوزينه يأثر علينا وف الاخر متخفوش الاسئله حتيجى من المنهج وادخل الامتحان مش عارفه مين العبقرى اللى حاطتت الاسئلة والله العظيم حرام عليكم تخليتم ولو لحظه انك بتقرأ اسئله مش عارف اللى بيسألهالك هو عاوز ايه ؟؟؟؟؟؟؟؟؟ وف الاخر تقولى حينزل ليهم عقوبات !!!! يارب اشتكى اليك ما نحن فيه فأنت خير من سأل وخير من أجاب
14
ألف باء تاء

بواسطة: تامر قدور
بتاريخ: الثلاثاء، 21 يونيو 2011 - 22:45

تحية للتعليق رقم 8
سؤال ساذج جدا
- لماذا لا يضع الامتحان لجنة من المعلمين الفعليين الذين يمارسون التدريس ويعرفون طرق تقويم وقياس الطلاب : اختر الصواب :
- لأن المدرسين رجس من عمل الشيطان .
- لأن المستشارين وأساتذة الجامعات دخولهم المادية محدودة لذلك تحاول الوزارة مساعدتهم .
- لأن المدرسين أقل فئات المجتمع شربا للبيبسي .
إذا عرفت الاجابة متتصلش بحد لحسن يحبسوك
15
مساكين يا طلاب الازهر

بواسطة: فوزي الحملي
بتاريخ: الثلاثاء، 21 يونيو 2011 - 22:47

والله العظيم طلاب الازهر مظلومين كل سنه في الشهادة الثانويه الازهريه تاتي السئلة غايه في الصعوبه خاصة الفيزياء وهناك اخطاء بالجمله في جميع الفروع العلميه والادبيه وواضعي الامتحانات خاصة المواد العلميه من اساتذي الجامعه الذين ليس لهم علاقة بروح المادة داخل الفصل ويتنافسون في الفزلكة في وضع السؤال كما ان الاعلام لا يهتم بالشهادة الازهريه كما هو في العام
16
أين العدل؟

بواسطة: ام معتز
بتاريخ: الثلاثاء، 21 يونيو 2011 - 22:54

المشكلة مش بس خطأ الجزئيات 4 المشكلة فى انهم هيوزعوا الدرجة على بقية الجزئيات فى نفس السؤال يعنى الجزئية نصف درجة تبقى درجة كاملة يعنى الطالب اللى يخطئ فى الجزئيات الباقيةيخسر درجة بدل نصف .........اين العدل ؟بقى مش كفاية الوقت اللى ضاع على الطلبة فى محاولة الاجابة على الاسئلة الغير مقررة وملحقوش يراجعوا بقية الاسئلة.......... ارحموا الطلبة وأولياء الامور .
17
ثا نو ية عامة يا نا س

بواسطة: حسين هارون
بتاريخ: الثلاثاء، 21 يونيو 2011 - 22:54

الميفر وض ان الثا نو ية العامة تحديد مصير والمفروض انالانجليز ى طول عمر ة بيجى تراكمى يعنى عادى جدا ان يكو ن هناك جز ءية من خارج المنهج لانة انجليز ى

18
أنا مكسوف والله من اللي بيحصل ده

بواسطة: إبراهيم الشرقاوي
بتاريخ: الثلاثاء، 21 يونيو 2011 - 22:56

أعتقد ان مفيش بلد في العالم بتعمل الهيصة دي عندها في امتحانات الثانوية العامة الا مصر .... هو ايه المشكلة لو سؤال جه صعب شويه اهو صعب ع الكل ... فعلا عقليتنا مش هتتغير وهنفضل متخلفين لو فضلنا كده.... والغريب ان المادة لغة انجليزية يعني تعتبر معيار ثقافي وليست مادة علمية بحتة.... يظهر ان مصر مكتوب لها تفضل جوه المنهج دايما .
19
معاملة ماقبل الثورة

بواسطة: dr.pro
بتاريخ: الثلاثاء، 21 يونيو 2011 - 23:00

انا كنت بدرس من 3سنوات فى 3ثانوى وفى امتحان احصا اللى المفروض يكون مسائل رياضية لاقيتة جاى يقولى بم تفسر!!
على فكرة الامتحان دة ضيعلى حلمى واملى فى مستقبلى عشان دخلت كلية غير الكلية الى انا كانت بتعدى عليا 3ايام بدون نوم عشان احقق حلمى وفى الاخر اللى حط اللى المتحان باشا ولا حتى حصل معاة تحقيق حتى ولا تم انذارة!!
لكن مابعد الثورة الناس المسؤلة بتخاف من اى حد,لكن ارجع واقول لكم اللة يا طلاب مصر والتعليم قصادة اكثر من 30سنة عشان بس يبقى مفيد مش عشان تقدم علمى ولا كلام من دة(التعليم دلوقتى بيرجعنا ورا ودة بيحصل فى مصر بلد المعجزات )
20
والله عيب يا اساتذه

بواسطة: ahmed hafez
بتاريخ: الثلاثاء، 21 يونيو 2011 - 23:06

الى من قام و اشرف على وضع الامتحان ....الم تكن تعلم انك مسئول امام الله عما تفعله؟ عليكم ان تطلبوا من الناس ان يسامحوكم لعل الله يتوب عليكم. مهما كان عقاب الوزاره اتقوا دعوة المظلوم فليس بينها و بين الله حجاب. حسبى الله و نعم الوكيل. و اود ان اعرف الاجابه على الفقره الموجوده فى سؤال القصه من قائل العباره؟ ان كان واضعوا الامتحان جاهلين فتلك مصيبه و ان كانوا عالمين فالمصيبه اكبر.
21
اشمعني

بواسطة: ايهاب
بتاريخ: الثلاثاء، 21 يونيو 2011 - 23:14

هو فية طلاب في ثانية ثانوي لهم اباء مسنودة طيب امتحان الانجليزي بتاع 3 ثانوي كان صعب وفية جزيئات لم تدرس في اجزاء المنهج ولكن لم نسمع اي كلام من دة ثم جميع امتحانات ثانية ثانوية سهلة جدا ولكن امتحانات ثالثة صعبة هوفية اية هو لسة محسوبيات ولا اية
22
كل الجزئيات دى عليها درجة واحدة فقط

بواسطة: سلوي محمود
بتاريخ: الثلاثاء، 21 يونيو 2011 - 23:23

كل جزئية من الجزئيات الاربعة التى تم حذفها عليها ربع درجة يعنى لو طالب جوابهم صح هياّخذ ال25 درجة هذا طبعا لو جاوب الامتحان كله صح اما اذا اخطاّفيهم وهو طالب ممتاز ومجاوب كل الامتحان صح هياّخذ 24 درجة من ال25 . يعنى مش موضوع وامتحان اللغة بالذات لازم يكون فيه جزئيات صعبة شوية علشان تميز الطالب المتميز و الذى يستطيع ان يخمن معنى كلمة او اكثر صعبة و تطلع اجابته صحيحة.
مش عارفة طلبة الثانوية العامة تعبوا اسرهم و مدرسيهم و كل الناس معاهم وكل سنة يشتكوى من كل شىء وفى النهاية النتيجة فوق 90% و التنسيق يعلى علشان الطلاب كثير بيعدوا ال95%. هم الطلاب عايزين كلهم يجيبوا 100% وعايزين اسئلة سهلة. ماينفعش
رجاء نشر التعليقو شكررررررررررررا
23
الى رقم 17

بواسطة: د/ مــــاهر
بتاريخ: الثلاثاء، 21 يونيو 2011 - 23:25

-تراكمى يعنى من اللى فات ..مش من اللى لسه جاى
-لو سعادتك عندك ولد فى الثانوية وبيموت علشان يجيب مجموع عالى...وأهله طالع عين أبوهم طول السنة................كان رأيك اتغير لما تشوف امتحان من منهج تانى غير اللى ابنك درسه طول السنة
-.............رحمتك يارب
24
قمة الدلع

بواسطة: طارق
بتاريخ: الثلاثاء، 21 يونيو 2011 - 23:27

الامتحان الصعب بيبقى صعب عالكل,,يعني مش فارقه,,دا اسمه دلع
دا كدا مافيش حد هيقدر يحط اي سؤال فيه شوية ذكاء بعد كدا و هيحطوا اسئلة سطحية بما ان الي بيحاول يحط السئلة تفرق بين الطلبة بيتعاقب دلوقتي

عموما كلو بيجي فوق راس الطلبة,,و التنسيق بيبقى طب 99%
خليهم يشربوا
25
افهموها بقى

بواسطة: طالب
بتاريخ: الثلاثاء، 21 يونيو 2011 - 23:34

يا جماعه الامتحان كان فيه كلمات من المنهج القديم وكمان من 3 مش 2 يعنى انت بتشوف كلمات اول مره تشوفها فى حياتك وتقولى تراكمى ولا انا المفروض ابقى داخل عارف كل مصطلحات الانجليزى.....والله لو كنت مااحتاج للتعليم ده ابدا

ثانيا :امتحان تالته كان صعب اه بس من جوه المنهج

26
انشر بقا ياعم

بواسطة: احمد المغربي
بتاريخ: الثلاثاء، 21 يونيو 2011 - 23:34

كفانا تدخل من دكاترة الجامعات في وضع الامتحانات ...دا هما في وادي والطلبه والمدرسين في وادي تاني
27
يا ريت واضعي الامتحان يكونوا مدرسين بيدرسوا المنهج

بواسطة: محمد
بتاريخ: الثلاثاء، 21 يونيو 2011 - 23:45

تحية الى الوزير و شكرا الى حيادية مستشار المادة.و السبب في المشكلة هي اساتذة الجامعات الذين لا يدرسون المنهج
28
اللى ايده فى الميه مش زى اللى ايده فى النار

بواسطة: بودى طالب ثانوى
بتاريخ: الثلاثاء، 21 يونيو 2011 - 23:50

ياصاحب التعليق رقم1و18بتقول فيه ايه لما يكون امتحان صعب وانه مش لازم كل الطلاب يدخلوا طب وهندسه انتم اصلا متعرفوش تفرقوا بين امتحان صعب ويكون من المنهج وامتحان من بره المنهج ازاى امتحن فى شئ معنديش اى فكره عنه امال كنت بذاكرليه وليه كل الطلاب مايدخلوش طب وهندسه مش لكل مجتهدنصيب وهيه الوزاره وضعت المناهج ليه مش عشان تمتحن فيهاولا المذاكره من منهج والامتحان من منهج اخر وبعدين توزيع الدرجات على الجزئيا ت التانيه فيه ظلم للطالب يعنى الجزئية نصف درجة تبقى درجة كاملة يعنى الطالب اللى يخطئ فى الجزئيات الباقيةيخسر درجة بدل نصف .........المفروض درجات هذه الجزئيات تمنح كامله لجميع الطلاب لانهم ملهومش ذنب
29
نعم للحيادية

بواسطة: حمادة المصري
بتاريخ: الأربعاء، 22 يونيو 2011 - 00:01

موقف مسئول من مستشار المادة انه رفض ان يشارك في وضع الامتحان او ان يشارك في وضع اللجنة التي وضعت الامتحان. نعم مصر بعد 25 يناير اتغيرت كتييير و نشكر الوزير الى احالة المخطئين للتحقيق
30
حسبي الله ونعم الوكيل

بواسطة: طالبة
بتاريخ: الأربعاء، 22 يونيو 2011 - 00:01

والله اللي بيحصل ده إفترى إحنا دارسين المنهج كويس وفاهمينه وعلى فكرة بقى كل الطلبة اللي مضايقة هي الطلبة اللي مذاكرة انا عن نفسي كنت عارفة معاني الكلمات دي قبل كده بس كنت خارجة من اللجنة مضايقة جدا ان المتحان معتمد على المعلومات العامة لان المفروض يعني لو اللي بيحط الامتحان ذكي شويتين كان يصعب في الgrammer مثلا اهي حاجة دارسينها وفاهمينها هنعرف نحلها وهو هيعرف يميز بيها بين الطلبة لكن مش المفروض على كل طالبة انها تدخل مأنججة مترجم في ايده. وشكراااااااا للوزير المحترم
31
مدرس انجليزي

بواسطة: حسين
بتاريخ: الأربعاء، 22 يونيو 2011 - 00:07

الامتحان ممتاز ولازم يكون فيه جزيئات تقيس الفروق الفردية والانجليزي مادة تراكمية اي ان يمكن ان يكون اسئلة من سنيين سابقة ومختلفه ولا داعي لظلم واضعي تلامتحان ام انه يجب ان يكون الامتحان تافه حتي نرضي الضعاف متي نتقدم اذن وكثير من الطلبه كانوا مبسوطين ولكن بعد الشكاوي ركبوا موجة الشكوي
32
حرام وعيب

بواسطة: محمد
بتاريخ: الأربعاء، 22 يونيو 2011 - 00:07

ما معني ان الأمتحان صعب والنتيجة 93.3% والا علشان بنت مجدي باشا اشتكت من صعوبة سؤال معين هو مش من المفروض في نسبة من الأسئلة للطلبة المتفوقين اللي هيدخل طب أو هندسة والا المفروض كل الطلبة تجيب 100% وبعدين نلاقي التنسيق من 105%ومعظم الطلبة يدخلوا كليات خاصة أو يقعدوا في بيوتهم
33
شئ يجنن

بواسطة: أحمد
بتاريخ: الأربعاء، 22 يونيو 2011 - 00:07

لو تلاحظو ياجماعة فيه شئ غريب جداً بالنسبة لطلبة الثانوى اللى كاتبه تعليقات
الشئ ده هو ان معظمهم بيقول ان الامتحان فيه مفردات من المنهج القديم ومن منهج تالته ثانوى وكأنهم مذاكرين المنهج القديم وكمان منهج تالته ثانوى وعارفين اللى فيه
طيب لزمتها ايه الشكاوى لما انتوا عباقرة كده
34
أسئلة القصة

بواسطة: zidan2011
بتاريخ: الأربعاء، 22 يونيو 2011 - 00:11

انا مدرس من 1984 وحاصل على ماجستير واجابة سؤال الفصة 2 فى A خطأ وكذلك 2 فىB واضح ان واضعى الامتحان لم يفهموا القصة واستهانوا بالطلاب يجب الحساب الرادع مصر مليئة بمعلمين نوابغ لماذا يحضر استاذ جامعة كفاية فزلكة راحت ايام الكدب.
35
الى صاحب التعليق رقم 32

بواسطة: مدرس
بتاريخ: الأربعاء، 22 يونيو 2011 - 00:24

بلاش فهلوة و النبي و يا ريت تتاكد من كلامك بدل ما انت قاعد تظلم في الناس. الوزير من احسن الوزراء بشهادة اغلبية المدرسين و اكيد هو قد المسئولية و ربنا يوفق الجميع
36
ماتتحمأوش اوى كده .... اللعب بالالفاظ شغال .................

بواسطة: استاذ قانون
بتاريخ: الأربعاء، 22 يونيو 2011 - 00:36

فى الفقره الثالثه من الخبر :

التهمه الموجهه لهم هى ارتكاب مخالفه ............ أثناء .............. وضع الاسئله .....

.............. ولم يقل .... ارتكاب مخالفه ..... فى ..... وضع الاسئله .......

37
انا محمود اللى لوحدى يااحلى وزير مااخدتش الكادر علشان .........

بواسطة: محمود عبد الفتاح
بتاريخ: الأربعاء، 22 يونيو 2011 - 00:41

علشان ماده واحده
اريد الكادر اسوه بزملائى اللى اخدوه وكان معاهم ماده واحده مثلى (غير تخصص )

ارسلت لحضرتك اسماؤه

مع خالص تقديرى واخلاصى وحبى واعتزازى

38
الامتحان ده مسخرة بالعربية الفصحى

بواسطة: l.محمد عثمان
بتاريخ: الأربعاء، 22 يونيو 2011 - 00:42

انا معلم لغة انجليزية و اتبرأ ممن وضعوا هذا الامتحان..
ان شر البلية ما يضحك. حرام نقول عن الذين وضعوا هذا الامتحان انهم موجهين و كمان اساتذة جامعة.... لما اي حد بيفهم انجليزي يشوف الامتحان و نموذج اجابته يحزن ان الناس دول بيتقال عليهم القاب بهذا الشكل.. قولوا انكم غلطتوا و اعطيتوا الامتحان لبقال يضعه فقص بعض الاسئلة ثم الصقها لكن معلش رصها والرصة جت غلط
الطلبة اكلت وشنا .. ان كان امثال هؤلاء اعلمنا و اجدرنا بوضع الامتحان فعلى الدنيا السلام..
39
سؤال القصة السبب فى الصعوبة ومصطلح ترجمتة مش عارفهاا مستوى خاص البعض امال مين ا

بواسطة: i]niهدى الفتاح الاسكندرية
بتاريخ: الأربعاء، 22 يونيو 2011 - 00:44

اللىيعرفة لما دارس التجريبى ما يعرفش نحن الخريجين السابقين نعتبر جهلة فى الانجليزى بالنسبة لهم وكنا اوائل نصف درجة تفرق فى تحقيق حلم فى جامعة بمدينتك والاتدخل كليةاخرى حدث بالفعل
40
( 33 ) ماتتجننش ولا حاجه ........................................

بواسطة: ص
بتاريخ: الأربعاء، 22 يونيو 2011 - 00:44

طلبة الثانويه مش فاضيين اليومين دول علشان يقعدو على النت
اللى كاتب اى حد مدرس مثلا
او ولى امر
او
واحد
او عشره
بيشتغلوا مع عمك الوزير

41
اللي مش أد الثانوية ما يدخلهاش

بواسطة: M.A.
بتاريخ: الأربعاء، 22 يونيو 2011 - 00:47

ثانوية عامة اية و زفت اية و الله امتحان زي أي امتحان اية الهوسة بتاعة كل يوم دي و علي اية؟ خمس مواد الله يكون في عون الأزهرية 15 مادة و كل يوم امتحان والله أبطال
مش كل واحده تقعد علي النت وتروح ماتحلش و تنزل دمعتين يبقي الامتحانات كلها صعبة
راعوا ربنا و ذاكروا والا ما تدخلوهاش

4 عقوبات تنتظر واضعى امتحان إنجليزى 2 ثانوى حال إدانتهم الثلاثاء، 21 يونيو 2011 344742020

4 عقوبات تنتظر واضعى امتحان إنجليزى 2 ثانوى حال إدانتهم الثلاثاء، 21 يونيو 2011 344742020

» رئيس لجنة المسابقات بالجبلاية: الإيقاف سنة والهبوط للدرجة الرابعة وغرامة 300 ألف جنيه وإلغاء نتائج الفريق فى الدور الثانى تنتظر الدراويش فى حالة الانسحاب من الدورى السبت، 11 يونيو 2011
» سحر الجعارة إعلام يكذب.. ولا يتجمل!! الثلاثاء، 27 ديسمبر 2011 -
» عماد صبحى اللهو الخفى قتل شهداء الثورة الخميس، 16 يونيو 2011
» تمرد تذيع البيان الأول "لثورة 30 يونيو": باسم الثورة..نعلن استمرارنا بالميادين ونمهل مرسى حتى الثلاثاء..نطالب الجيش والشرطة والقضاء بالانحياز للشعب..ملتزمون بالسلمية ولن تنجح محاولات جرنا لحرب أهلية
» النيابة العامة: الجاسوس الإسرائيلى حاول الوقيعة بين الشعب والجيش الأحد، 12 يونيو 2011