جماعة دعوية , جماعة دعوية , أخوان ومتسلفون

جماعة دعوية , جماعة دعوية , أخوان ومتسلفون , الى ماذا يدعوا هذان ومعهم مفسدى مبارك؟
,ما علاقتهم بدين الأسلام وفكره وسلوكياته القياسيه ؟
أنهما مثل الشيطان عندما يعمل واعظا
على باب سفارة كندا للشاعر على سلامة
على باب سفارة كندا.. لمحت إبليس و ف إيده استماره..
باقول له على فين.. قاللي بص .. يا هجرة ..يا إعارة.....
يا عم زهقت.. كفرت .. ألاقيش معاك سيجارة..
أنا انتهيت خلاص .. لا نافع وسواس ولا خناس
ولا ليا عيش وسط الناس..
دي عالم مجرمين.. عندكوا فائض ف الفساد..
في كل البلاد..
ومش محتاجين شياطين .. ماليش عيش ف دي البلاد
بقالي سنين عاطل .
و انتوا بتعرفوا تقلبوا الحق باطل..
و تسلكوا القاتل .. و تمشوا ف جنازة المقتول..
ومافيش مشاكل..
يا عم ده انا بقيت أوسوس بالمقلوب..
و أقول للحرامي .. كفاية بقى .. توووووب..
إنت إيه.. لوحدك هاتعمل كل الذنوب..؟؟
و أنا إبليس أشتغل واعظ .. ولا كمساري ف اتوبيس..
يا عم ده أنا زمان
كنت أستنى حد ينسى يسمي وهو بياكل لقمته..
دلوقتي كل أكلكم ملوث .. و بصراحه الواحد خايف على صحته..
ده مافيش ضمير أساساً عشان أموته..
و كل واحد بمزاجه .. خربانة ذمته..
يا عم ده كل حاجة إتسرقت..
وكده الأجيال الجديدة م الحرامية إتظلمت..
يا راجل ده من كتر ما لطشت معايا..
خرجت ف مظاهرة مع الناس اللي بتقول كفاية..
و برضه ......... مافيش فايدة