حسن الذهبى
عضو stars
اسم العضو : حسن الذهبى
الجنس :  عدد المساهمات : 2797
تاريخ الميلاد : 11/03/1956
تاريخ التسجيل : 16/01/2014
العمر : 68
 عال
 |  موضوع: عندما تأمر العالم على نفسه ليحقيق حلم الدوله الصهيونيه تعالى معايا نعرف اصل الحكايه ايه  الأربعاء يوليو 13, 2016 5:10 pm | |
| Omar Hashish.12 يوليو، الساعة 09:28 مساءً · عندما تأمر العالم على نفسه ليحقيق حلم الدوله الصهيونيه
تعالى معايا نعرف اصل الحكايه ايه
ياااااااااااااااااااااااااااااااااا ه ....
_كل ده حصل فى خلال خمس سنين ...
ايوه حصل و بيحصل ولسه فينا و بيننا من لم يفهم شئ الى الان
من منا كان يتخيل سقوط تلك الانظمة العربية بهذا الشكل ...
تونس انفجرت .. وطردوا رئيسهم زين العابدين بن على ..
مبارك اتخلع , وجه ( الاخوان خونة الاوطان ) وبعد ها صحى الشعب وقال كلمته و استرد مصر ...
القذافى اتقتل وليبيا ضاعت فى شربة مية واتشحنت بالجماعات الارهابية ...
اليمن شغالة بتطحن فى بعضها حوثيين شيعة ضد السنة ...
السعودية فجأة بتعمل تحالف عسكرى وتشن هجوم على الحوثيين فى اليمن " عاصفة الحزم "
سوريا بتاكل فى بعضها والارهاب بيقطعها مدعوم من تركيا وقطر , طبعا بتعليمات العم سام ( الصهيواميركى ) ....
الدب الروسى يسارع بسلاحه وطياراته ليدعم نظام " بشار الاسد " ..
فجأة صحينا على صورة مرعبة .. ووجوه بشعة عابسة بها ذقون كثيفة .. وايادى غاشمة تقتل وتذبح وتقطع رقاب البشر بإسم الله " الله أكبر " ... صحينا على اسماء ومصطلحات عتيقة , ارجعتنا للقرن السابع , جبهة النصرة وجند الله وانصار بيت المقدس وانصار الشريعة داعش وماعش ... وفيلق الشام وجند الشام وبلح الشام ...... وموال طويل اوى يا عم الحاج ... !!
قالوا لنا أنهم جاءوا يطبقوا شرع الله الاسلامى ..
الحكايه تبدأ من هنا
اسمع يا سيدى .. لازم اولا نعرف حاجة مهمة جدا علشان نعرف نربط الاحداث ونفهم ايه اللى بيحصل .. و ايه
اللى بيدفع ويحرك الاحداث هى " المصلحة " ... ومن اهم مصالح الدول والبشر عموما فى عالم الاقتصاد والسياسة هى ( الطاقة والسيطرة على مصادرها والتحكم فى اسعارها .... )
مصادر الطاقة هى : [الفحم - الطاقة النووية - الطاقة الشمسية- البترول - الغاز الطبيعى .. ]
كل تلك المصادر محاطة بمشكلات دولية من حيث طرق الحصول عليها او حتى استخدامها ... ازاى يعنى ؟؟
الفحم : طاقة رخيصة ولكنه " ملوث " للبيئة ..
الطاقة النووية : طبعا باهظة التكاليف بالاضافة الى تضاؤل فرص الامان والسلامة ..
الطاقة الشمسية : غير فعالة بالقدر الكافى بالاضافة الى تكلفتها العالية ..
البترول : اوضحت الدراسات تراجع الطلب على البترول نظرا لأضراره على البيئة بالاضافة الى كون البترول قد وصل الى مرحلة " نضوبه " .. يعنى اصبح يتناقص معدل انتاجه من الحقول العالمية .. خصوصا بعد اتفاقية " كيوتو 1992 – فى اليابان " التى تلزم الدول بالحد من استخدام البترول كمصدر للطاقة .. ... طيب ايه هو البديل , كيف سيعيش العالم بدون مصدر للطاقة ... !!
الغاز الطبيعى : اقل تلويثا للبيئة ويعتبر هو البديل المثالى للبترول .. اذن [ الغاز الطبيعى ] هو وقود العصر القادم , لذلك اتجهت انظار العالم الى مناطق تواجد الغاز الطبيعى وبدأت الشركات الدولية البحث والتنقيب على الغاز الطبيعى ...
كلنا عارفين ان روسيا هى المصدر الاول للغاز الطبيعى عالميا ... وانها تصدر غاز الى اوربا يقدر بحوالى 420 مليار طن سنويا , والرقم ده فى طريقه الى الزيادة , ما يعادل 40 % من انتاج الغاز الروسى .......
طيب ... وايه يعنى , ايه أهمية المعلومة دى ...؟؟
ده معناه : عطش واحتياج اوربا المستمر للغاز الروسى , الامر الذى يصب فى المصالح السياسية والاقتصادية الروسية فى مواجهة عدوها اللدود " امريكا " ولذلك نجد المواقف الروسية تزداد صلابة وقوة أمام المواقف الامريكية فى المحافل الدولية وأهمها الامم المتحدة , وعندك الموقف الروسى المساند لنظام " بشار الاسد " خير مثال على ذلك ...
طيب .. امريكا حتسكت يعنى ... ولا حتحاول تتصدى للطموحات الروسية .. ولا حتعمل ايه ..؟؟
لا طبعا امريكا لم تسكت .... ازاى ..؟
اسمع يا سيدى ....
يجب على امريكا ان تعمل على إضعاف وانهاك الاقتصاد الروسى المعتمد على " الغاز الطبيعى " : الذى يعد هو عمود الحياة للسنوات القادمة ... يجب على امريكا ان تمنع اوربا من استيراد الغاز من روسيا عن طريق توفير غاز بديل لأوربا من بلاد اخرى بعيدا عن روسيا ..
الغاز الطبيعى يتواجد فى اماكن عديدة فى العالم أهمها بالنسبة لأوربا : ركز جدا هنا :::::
الدول المطلة على بحر قزوين ( أذربيجان _تركمانستان _ايران .. )
دول شرق حوض البحر المتوسط ( قبرص _سوريا _لبنان _اسرائيل _مصر .. )
شبه الجزيرة العربية ( قطر _السعودية .... العراق ..)
دلوقتى : امريكا وجدت الدول والمصادر البديلة ... قامت بالعمل على عدة مراحل لنقل الغاز الطبيعى الذى يكفى اوربا بعيدا عن الغاز الروسى خالص ... يعنى يلا يا عم " بوتن " ... اتقلع من هنا يلا ... مشوفش وشك هنا تانى ..
عملت ايه امريكا ... بدأت بالغاز القطرى .... كيف ؟
قبل عام 1995 : عرضت امريكا على حاكم قطر الامير ( خليفة بن حمد ال ثانى ) ان تستخرج الغاز القطرى وتبيعه لاوربا وبالدولار حصريا .. رفض امير قطر هذا العرض الامريكى , ولكن سنة 1995 حدثت تغيرات سياسية فى قطر اسفرت عن انقلاب ولى العهد الامير ( حمد بن خليفة ) على ابيه , وقبل الحاكم الجديد لقطر بالعرض الامريكى ... وتم انشاء شركة [ كافاك ] من اجل استخراج وتسييل ونقل الغاز القطرى الى اوربا ....
شفت الشغل الامريكانى يا عم ..... مبيغلبوش ابدا , يخلوا الواد ينقلب على ابوه علشان المصلحة تمشى طبعا .... امال ايه
امال يعنى .. وجود اكبر قاعدة عسكرية امريكية على اراضى قطر دى لازمتها ايه ...؟
انقلاب .. ؟؟ __ ايوه طبعا انقلاب , انقلاب يعنى مش هزار ... !!!
المهم ... بدأ تصدير الغاز القطرى الى اوربا واضطرت قطر الى تصديره فى شكل " الغاز المسال "
يعنى ايه مش فاهم دى ... يعنى ايه .. غازمسال .. ؟؟
يعنى قطر تتحمل تكاليف " تسييل ومعالجة " الغاز من اجل وضعه فى حاويات وناقلات عملاقة تحمله الى اوربا ..
طيب .. ليه قطر متصدرهوش لاوربا " مادة خام " بدلا من تكاليف التسييل دى ... ؟؟
بص يا سيدى .... علشان قطر تصدر لاوربا غاز طبيعى " طازج " لازم يوجد خط لنقل الغاز يصل ما بين قطر ( المصدر ) الى اوربا ( المستورد ) لذلك فى عام 2009 : عرضت قطر على سوريا " بشار الاسد " مد خط يبدأ من قطر ويمر بالسعودية ثم الى سوريا ثم الى تركيا ثم يلحق بخط غاز نابوكو فى تركيا متجها الى اوربا .... عمل ايه بشار الاسد فى هذا العرض القطرى .. ؟؟
طبعا .. رفض !!! __ علشان " بشار الاسد " حليف لروسيا ...
خليك فاكر ... ان قصة توريد غاز قطر لاوربا اصلا معمولة ضد روسيا لصالح العم سام ........... ولا انت نسيت ...... خلى بالك من التفاصيل دى ... !!!
الرفض السورى للمشروع القطرى ده ... يفسر لنا دعم قطر بالمال والسلاح للارهاب والمعارضة السورية بهدف اسقاط نظام بشار الاسد ..
( الحلم التركى )
ياترى الغاز القطرى نجح فى ان يكفى اوربا بدلا من الغاز الروسى ؟؟؟
لا طبعا .. وامريكا عارفة ده كويس ... علشان كده بدأت المرحلة التانية وهى سحب غاز الدول المطلة على بحر قزوين ( اذربيجان _ تركمانستان _اوزبيكستان .... وتصديره الى اوربا ... زى ما احنا عارفين ..
طيب ازاى ... امريكا حتنقل الغاز من الدول دى ازاى ... بس ؟؟
بص بقى ياسيدى على الخريطة وشوف موقع دول بحر قزوين فين ( اذربيجان وتركمناستان وايران ...) ... وشوف قارة اوربا فين ... ؟؟
يجب على امريكا انشاء خط غاز ضخم لنقل الغاز من هذه الدول الى اوربا ... ودى بداية فكرة خط الغاز " نابوكو "
قررت كل من امريكا واوربا انشاء خط الغاز نابوكو لنقل غاز بحر قزوين مرورا بتركيا ومنها الى اوربا , وخليك فاكر ان اوربا يهمها فى المقام الاول الحصول على الغاز طبعا من اى مصدر , وبالفعل ..
فى عام 2009 تم عقد اتفاقية فى تركيا لإقامة هذا المشروع , وبالمناسبة : فكرة المشروع ده مطروحة منذ عام 2002 , يعنى اللعب شغال من زمان يا معلم ... !!!
هناك ايضا فائدة عظيمة لامريكا من انشاء هذا الخط ... ايه هى ؟؟
حلف الناتو من خلال حمايته لهذا الخط , تلك الحماية تمثل تطويق للدب الروسى وكسر احتكاره لتجارة الغاز عالميا ..
بدأت الخطوات الامريكية الاوربية الفعلية لإنشاء هذا الخط ..
دفع الاتحاد الاوربى ( 200 مليون ) يورو = ( 278 مليون ) دولار .
يبلغ طول الخط 3300 كم /// بسعة 31 مليار متر مكعب من الغاز سنويا .
تم انشاء الخط ....... وظل فى انتظار تعبئته واملاؤه بالغاز لنقله الى اوربا ..
طيب ... ايه دور تركيا هنا ... اشمعن تركيا يعنى ..؟
بص على الخريطة الان وشوف موقع تركيا ... تركيا هى حلقة الوصل بين دول بحر قزوين ( اذربيجان وتركمناستان وايران .. ) وبين اوربا , يعنى الخط ملهوش طريق الا عبر تركيا , مش كده وبس ....
يعنى كمان فى المستقبل لو ارادت امريكا نقل غاز دول شرق المتوسط (قبرص _وسوريا _ولبنان _واسرائيل _ومصر ) الى اوربا , يمكن ذلك عن طريق نابوكو الذى يمر عبر الاراضى التركية , مش كده وبس ...
ايضا يمكن نقل الغاز القطرى الى اوربا [ برا ] والغازالسعودى والعراقى ... عن طرق نابوكو بتركيا ..
يااااااااااااااااه ... يعنى تركيا اهم دولة فى طريق الثعبان , نابوكو ... !!!
طبعا يا عم ... امال التوترات اللى شفناها بين روسيا وتركيا دى سببها ايه .. !!!
شوف بقى اهمية المشروع ده لتركيا ...
من خلال نابوكو : تركيا تصبح نقطة تجمع لكل خطوط الغاز القادمة الى اوربا من هذه البلاد ... يعنى تصبح تركيا ( عقدة انانبيب غاز ) عالمية وشوف بقى اهمية تركيا لأوربا كانت ستصل الى اقصى مداها ويتحقق الحلم التركى اللذى لطالما حلم به السيد " اردوجان " وهو الانضمام الى الاتحاد الاوربى وايضا سوف يتحقق له الحلم الاخر ... حلم ايه تانى .. !!!
من خلال نابوكو : تحصل تركيا على مبلغ (400 مليون ) يورو رسوم مرور الغاز على اراضيها ..
من خلال نابوكو : تحصل تركيا على كل احتياجاتها من الطاقة بأسعار متميزة ..
من خلال نابوكو : ........ وما خفى كان اعظم ... !! __ خلينا فى اللى يخصنا ..
يااااااااااااااااه ... !!!
كل المصلحة دى كانت حتبقى من نصيب السيد " اردوغان " ... !!
علشان كده ... تركيا / اردوجان – تسعى جاهدة وبكل عزمها وتقدم دعمها السياسى والمالى لما يسمى " بالمعارضة السورية " بهدف اسقاط نظام بشار الاسد , الذى يقف فى طريق ( بعث وإحياء خط الغاز نابوكو ) ...
ما سألتش نفسك قبل كده ...
ايه اللى يخلى تركيا و قطر هما الدولتان الوحيدتان فى المنطقة دى ... يقفوا الى جانب الاخوان المسلمين بكل هذه الصلابة والقوة ضد الحكومة المصرية ...... !!
طيب ايه علاقة الاخوان المسلمين بموضوع نابوكو .. انت ليه بتخلط الاوراق ببعضيها يا عم الحاج .. !!! ..... ايه شغل التلفيق ده ..؟؟
اصبر بس ... القصة مش بسيطة وعاوزة تفكيك للقطع على رقعة الشطرنج .. علشان نفهم .
اوعى تنسى : الهدف من نابوكو : اضعاف روسيا اقتصاديا وسياسيا .. لصالح امريكا .
( الدب الروسى يستيقظ ..)
يعنى خلاص .. امريكا رتبت امورها : خلت قطر تصدر غاز لاوربا وخلت الاتحاد الاوربى يبنى خط غاز ضخم " نابوكو " لسحب غاز بحر قزوين ... وايضا ممكن من خلال نابوكو سحب غاز دول شرق المتوسط ( قبرص, وسوريا , ولبنان , واسرائيل , ومصر ...
يعنى , الغاز الروسى كده ملهوش اى لازمة لاوربا ... خلاص مش عاوزين .. متشكرين يا " بوتن " افندى ... !!!
استنى .. استنى .. انت بتقول : ممكن تصدير غاز دول شرق المتوسط ( قبرص , وسوريا , ولبنان , واسرائيل , ومصر .. ) لاوربا من خلال خط " نابوكو " هذا ..... !!!!
طبعا يا سيدى ... امال الربيع العربى ده حصل ليه ... ؟ __ اصبر بس .. !!
طيب .. وروسيا يا ترى ... عملت ايه ؟؟؟
بوتن افندى طلع مذاكر قوى .... شغل مخابرات يا سيدى ...
روسيا تصدت للمخطط الامريكى ده على 3 محاور ... يعنى عملت ثلاث حاجات ..
1- عملت مشاكل قانونية حول بحر قزوين .. يا ترى هو بحر ولا ... بحيرة .. !! __ اصلها تفرق .. من حيث احقية وانتفاع كل دولة مطلة على هذا البحر ( اذربيجان _تركمانستان _اوزبكستان _ايران _روسيا _كازاخستان ... ) .. عملت روسيا على اثارة جدل قانونى واسع حول هذا المسطح المائى .. وبذلك وضعت روسيا العراقيل امام انشاء خطوط للغاز تنبع من هذا البحر ..
2- اشترت حصة تركمانستان واوزبكستان بعقود طويلة الاجل حتى عام 2018 ... لتتحكم روسيا فى تصدير الغاز القزوينى ... لتمنع فرص تصديره لاوربا بعيدا عنها .... شفت جبروت الدب الروسى يا عم .... !!!
3- قامت شركة غاز " بروم " الروسية من جانبها بإنشاء خطوط لنقل غازها الى اوربا
- خط غاز " السيل الشمالى " الى اوربا عبر المانيا ..
- خط غاز " السيل الجنوبى " الى اوربا عبر البحر الاسود ..
- خط من نيجيريا الى النيجر الى الجزائر " لتسييل " الغاز ثم لاوربا ..
- اشترت نصف حصة شركة " اينى " الايطالية فى ليبيا ..
يعنى روسيا قطعت الطريق امام خط نابوكو , جففت مصادره .. وبذلك اصبح ثعبان نابوكو ... أقصد خط الغاز نابوكو " ميت " مفيش غاز لكى يجرى فى عروقه .. يعنى مشروع نابوكو .. اللى اتصرف عليه ملايين الدولارات .... خلاص كله بح .... !!!
يخرب بيتك يابوتن .... ايه ده يا عم ... !!
شوف بقى الضربة الروسية دى والخساير اللى سببتها :
- فلوس الاتحاد الاوربى .. ضاعت فى الارض ..
- اروجان / تركيا خسرت حلمها " الانضمام للاتحاد الاوربى "
- امريكا معرفتش تحجم الدب الروسى ....
كده مفيش امام امريكا الا ... غاز دول شرق المتوسط ...
منطقة الشرق الاوسط التى تضم ثروات هائلة ... نفط وغاز طبيعى ..
اصبح من الضرورى على امريكا ان تتصرف بأى شكل لنقل غاز تلك الدول الى اوربا ..
لازم كلنا نعرف ان
"شروط بقائنا" بقيت بأيدنا مش بايد واشنطن ولا لندن ولا اى قوى اخرى
نثق فى القياده الوطنيه المصريه المخلصه التى تصيغ بحكمة وثبات معادلات الامن القومي.المصرى . وسط جحيم من الجدل ولهيب من التعقيد والتربص
تحيااااااااا مصر
انشر وشير وخليك الاعلام الايجابى لضمير الوطن
Omar Hashish
     [size=36]+3[/size] | |
|
