بمناسبة ذكرى افتتاح القناة , خبر ايجابي جديد يعطينا ثقة أكبر في أنفسنا

[[centerMohammed Haffz‎‏.
12 ساعة ·
بمناسبة ذكرى افتتاح القناة , خبر ايجابي جديد بيدينا ثقة أكبر في أنفسنا وفي المسار اللي احنا ماشيين فيه وكنت مستني قرب الذكري لنشره
دايما الأفكار المبنية علي معلومات غلط أو الضلالات اللي متمكنة من عقل بعض الناس لفترة طويلة مينفعش تنسفها الا وانت معاك ادلة غير قابلة للتشكيك أو الطعن فى قوتها ومصداقيتها واهميتها علي المستوي الدولي
من أهم واكبر الضلالات اللى انتشرت وبقالنا فترة بنحاول نهدها : التوسعات الضخمة اللى حصلت في قناة السويس وباقي مشروع محور القناة اللي لسة قيد التنفيذ ... هل ليها اي مردود او مزايا ؟؟؟ هل فعلا هتساهم فى تحسين مستوانا وهيكون لها عوائد ؟؟؟ هل احنا فكرنا صح ولا صرفنا الفلوس علي مشروع ملوش لزمة ؟؟ طب لو كل اللى فات اجابته ب"نعم" هل فيه اي علامة او اشارة علي اننا فكرنا صح ؟؟؟
هو سؤال منطقي الn حد ما ومن حق Hي حد يسأله لانها مش بلدنا لوحدنا ومن حق اي حد انه يسال ويفهم وممكن اشوف فيه رغبة فى الفهم اكتر منه تريقة وتسفيه
واكتر حاجة احنا محتاجينها دلوقتى هو التواصل مع الناس واشراكهم فى القرارات والشفافية والمصارحة لان بدون دعمهم مش هنقدر نعمل اي اصلاحات
التقرير التالي فيه اجابة علي معظم الاسئلة دى ...
الشهر اللى فات صدر تقرير ال LPI = Logistics Performance Index
مؤشر اَداء اللوجستيات
دة مؤشر يصدر عن مجموعة البنك الدولي وكنت اتكلمت عنه بشكل مقتضب من يومين
المؤشر ده مهتم بقياس محددات رئيسية : البنية التحتية + الخدمات اللوجستية فى اطار قياس مدي سهولة الحركة التجارية داخل دولة ما من ناحية وبين الدولة دى والعالم ونقل البضائع من ناحية تانية
- مصر فى اول 2012 كانت فى المركز ال57 بس كان ترتيب خادع او غير حقيقي لانو نتيجة سوء مستوي الاخرين مش لاننا عملنا اي تطوير لمستوانا , لان الscore كان 2.98
- من 2012 ل2014 البلد فى حالة "تسيير اعمال" وما بين اضطرابات وعدم استقرار لشبه توقف عن الاصلاح والتطوير ما بين حكومات مرسي لحكومة عدلي منصور واول 6 شهور لحكومة الرئيس الحالي ... نزلنا للمركز ال62 والscore كان 2.97
بمجرد ما ابتدت المشاريع تشتغل وبعضها ينتهي زي توسعة القناة والبداية فى مشروع المحور وخلال سنتين وفى التقرير التالي يوليو 2016 وصلنا للمركز ال49
يعني الارتفاع الصافي فى اخر 4 سنين مقداره 8 مراكز واخر سنتين قفزنا 13 مركز ووصلنا لافضل ترتيب فى تاريخنا علي الاطلاق ودخلنا قائمة افضل خمسين
الترتيب ممكن يرتفع لان دول تانية حالتها تدهورت مثلا فاحنا سبقناهم لان مستواهم انخفض فقط مش لتحسن فى مستوانا , بس الحقيقة احنا مستوانا اتحسن فعلا مش بس الترتيب لان الscore بتاعنا ارتفع من 2.97 فى 2014 ل3.18 فى 2016
ودى اول مرة فى تاريخنا نكسر حاجز النقاط ال3 فى الScore
مش بس كدة
- احنا التالت فى الدول العربية بعد الامارات وقطر
- والتاني فى افريقيا بعد جنوب افريقيا
- والرابع فى المنطقة بعد الامارات واسرائيل وقطر وتركيا وبعدهم مصر مباشرة
افتكر دايما وعشان تكون منصف ومنطقي ... احنا شوفنا ايه ال5 سنين اللى فاتوا ومر علينا كمية مصايب اد ايه والدول دى شافت استقرار وهدوء ازاي ومع ذلك لسة بننافس وواقفين علي رجلينا
مهم جدا نعرف احنا بالترتيب دة قريبين من مين ؟
- احنا قريبين من الدول الاتية : الهند - ماليزيا - تركيا - البحرين - عمان - ايسلندا - نيوزيلندا - اسرائيل - كوريا - تايوان - اسبانيا
- سابقين الدول الاتية : كرواتيا - السعودية - الكويت - المكسيك - البرازيل - الارجنيتن - اندونيسيا - المغرب - نيجيريا - تونس - الجزائر
- ازاي سابقين دول زي دى ؟
كل دة بسبب توسعات قناة السويس اللى تمت ومازالت قيد التنفيذ
مفيش حد من الدول دي بيملك اداة لوجستية زي قناة السويس
ومفيش حد بيصرف علي تطوير ادواته اللوجستية ومهتم بترقيتها وله طموح كبير زي مصر مقارنة مع الدول اللى احنا سبقناهم
- قناة السويس بتوفر عدد ساعات ووقود وبتسهل حركة التجارية العالمية بشكل هائل فى اهم الطرق التجارية البحرية وسفن نقل الحاويات
* مثلا بتوفرلك حوالي 19% من المسافة لخط سنغافورة-نيويورك مقارنة بالطريق المنافس اللى هو قناة بنما - بما يساوي 2300 ميل اختصار
* كولومبو جنوب الهند - نيويورك - 39% وفر - 5400 ميل اختصار
* راس تنورة فى السعودية - نيويورك - 30% وفر - 3500 ميل اختصار
* راس تنورة روتردام - 42% وفر - 4700 ميل اختصار
* طوكيو روتردام - 23% وفر - 3300 ميل اختصار
* باريوس فى فرنسا - جدة - 88% وفر - 9800 ميل اختصار
- اللينك من الموقع الرسمي لهيئة قناة السويس : http://goo.gl/aFRMQ2
المميزات دى مش موجودة عند معظم دول العالم ومش موجودة عند كل الدول اللى احنا سابقينهم
- وبسبب تطوير سعة وكفاءة القناة بحفر التوسعات الموازية للقناة القديمة حصل ارتفاع كبير فى درجاتنا فى التصنيف غطي علي سوء مستوي الطرق فى مصر مقارنة بالسعودية مثلا
رغم حدوث تطور كبير للطرق فى مصر لكن داخليا فقط لو قارنتها بالطرق القديمة
- احنا خامس اكبر دولة قامت باصلاحات فى قائمة الدول صاحبة الدخل المنخفض الي متوسط
Top 10 lower-middle income countries
ودي بتضم 53 دولة زي ما متوضح فى الخريطة هنا
http://goo.gl/s4wqfz
* بنما فى المركز 40 علي فكرة
* تركيا ال34
* روسيا ال99
* الصين ال27
* اسرائيل ال28
* الامارات ال13 الاولي عربيا وشرق اوسطياً
* المانيا - لوكسمبورج - السويد - هولندا - سنغافورة ... اول 5 دول علي العالم
* للاسف سوريا اسوأ دولة علي العالم مع الصومال وموريتانيا وهاييتي وغينيا الاستوائية
- هل ايرادات القناة قلت فعلا ؟
الايرادات قلت فى الربع الاخير ل2015 ودة سبب الظيطة دى كلها لكنها فى 2015 بشكل عام ارتفعت بالجنيه ولاول مرة نكسر حاجز ال40 مليار جنيه ايرادات وبالتحديد 41.2 مليار فى الوقت اللى كانت ايرادات 2014 حوالي 37.2 مليار و2010/11 كانت 29.3 مليار
لكن بالدولار حصل انخفاض من 5.465 مليار دولار فى 2014 ل5.175 مليار فى 2015
علي الرغم من ان التوسعات تمت فى اخر 4 شهور من 2015
يعني مفيش اي رابط منطقي بين التوسعات والايرادات
وفى الاخر اللى بيوصل للخزانة العامة هو الجنيه ودة فى ازدياد
انخفاض الايراد بالدولار سببه ملوش اي علاقة بالتوسعات اللى مفيش خلاف علي جدواها واهميتها زي ما قال التقرير الدولي
الانخفاض كان سببه تخفيض قيمة العملة المحلية كجزء من سياسة اصلاحية نقدية ومالية كجزء من مواجهة الاثار الكارثية لثورة يناير وكل اضطرابات السنين اللى فاتت علي الاقتصاد
كمان سببه التباطؤ العالمي وحجم المشاكل اللى ملهاش حصر وملناش ذنب فيها اللى بتضرب كل الاقتصادات المحركة للتجارة العالمية واهمها الصين ودول الخليج باسعار النفط وامريكا واوروبا والبرازيل وغيرها
- كمان بعد الانخفاض فى الربع الاخير من 2015 , حصل تصحيح وارتفاع مستقر من الربع الاول ل2016 مقارنة بنظيره فى 2015
بتحقيق 3.477 مليار ج فى مارس بدلا من 3.108 مليار ج فى فبراير
بزيادة قدرها 6.5 %
وعدد السفن زاد بمقدار 2.7 %
وبالدولار وصلت ل1.239 مليار دولار في الربع الأول من 2016 بارتفاع طفيف عن 1.236 مليار دولار في نفس الربع 2015
ارتفاع طفيف مش انخفاض
رويترز : http://goo.gl/CNxwwf
- طب طالما فيه تباطؤ عالمي ليه بدأنا فى القناة دلوقتى ورمينا فلوسنا ؟؟؟
مفيش حاجة اسمها رمينا فلوسنا , دة استثمار علي المدي المتوسط يعني 5 الي 7 سنين
ودى مش فلوس الدولة دى فلوس الناس , الناس هى اللى بنت القناة مش الدولة
والناس بتاخد فوايدها بانتظام من ارباح القناة
وكان لازم نبتدي دلوقتى لان لا المنافسين هيستنونا ولا هيرحمونا ولا التباطؤ العالمي دة هيقعد ليوم القيامة
ومتوقع نخرج منه خلال سنتين الى تلاتة حسب ظروف اسعار النفط والنمو فى الصين واسعار الفايدة فى امريكا وتأثيرها علي الاسواق الناشئة ومحددات تانية كتير جدا
ولان المشروع كبير ومش مجرد حفر توسعات موازية وهياخد مننا وقت فلازم كنا نبدا بدري واصلا احنا متأخرين جدا وكان المفروض نبدا فيه من 10-15 سنة علي الاقل , احنا متأخرين فى حاجات كتير فى كل الاحوال
عشان لما العالم يخرج من تباطؤه نبقة احنا جاهزين لاستغلال الرواج والانتعاش دة والخروج باكبر مكاسب ممكنة وقتها
بتحويل قناة السويس لمنطقة اقتصادية صناعية لوجستية خدمية ومنصة تصدير متكاملة تساهم فى ارتفاع الدخل القومي ودفع الاقتصاد للامام وتكون قاطرة تنموية حقيقية
مش مجرد كارتة بحرية وبتلم رسوم عبور وشكرا
- بس مش دى القضية , حتي لو الايرادات انخفضت بالدولار مش بالجنيه فمفيش مشكلة ومفيش اصلا اي التزام او وعد بان الايرادات ترتفع بمجرد افتتاح التوسعات الجديدة
المشروع اسمه تنمية محور قناة السويس ودة هيضخ فيه استثمارات تتجاوز المية مليار دولار , لحد دلوقتى مصرفناش ربع الرقم دة ولا نفذنا غير 10% منه
وحتي فلوس الناس اللى هى 64 مليار جنيه متصرفتش كلها لحد دلوقتى والحفر فقط اتكلف اقل من 30-35 مليار جنيه ولسة ال 6 انفاق
واول خطوة فيه توسعة القناة وفتح مسار موازي
ناقص فيه حوالي 4 الي 5 خطوات منهم ال6 انفاق والسكك الحديد اللى هنفتتحها اخر السنة دى ان شاءالله والمنطقة الاقتصادية ذات الطابع الخاص اللى مازالت فى مرحلة التأسيس وتجهيز المنطقة لاستقبال المشروعات المخطط لها بقيادة المحترم والطموح احمد درويش
والمناطق الصناعية والمناطق الحرة والمزارع السمكية والمجتمعات العمرانية علي ضفتي القناة
وتفاصيل تانية كتير ... ولما الدولة قالت الايرادات هتنتقل من 5.5 مليار ل13.5 مليار دولار قالوا ان دة هيحصل طبقا لدراسة الجدوي علي سنة 2023 مش 2015ولا2016 ولا 2017
تفاصيل اكتر : http://goo.gl/DqiQqY
واي تصريحات بخلاف ذلك ما هى الا عناوين جرايد صفرا عايشة علي الترافيك واقتطاع الكلام من سياقه ووضع عناوين مخالفة للمحتوي وتضليل الناس غير شوية اشاعات بيتم نشرها عن طريق الكوميكس والسخرية ومع تكرارها اترسخت فى عقول ملايين علي انها حقايق
هنا تغطية من موقع معارض بيذكر فيه كل اللى انا بقوله من سنة والحكومة بتتوقع ايرادات القناة فى 2015 مش التزام ولا وعد : http://goo.gl/W5ODGb
تغطية الصحافة لتقرير ال LPI
http://goo.gl/YlAQRO
http://goo.gl/F80zB5
تقرير 2012 :http://goo.gl/fuMCrz
تقرير 2014 :http://goo.gl/r6455J
تقرير 2016 :https://goo.gl/y54E95
ترتيب مصر مباشرة من الموقع الرسمي للبنك الدولي : http://lpi.worldbank.org/international/global/2010
.
------------------------------------------------------
بوست للخبير الاقتصادي الأستاذ Mohamed Negm
صورة ‏‎Mohammed Haffz‎‏.
صورة ‏‎Mohammed Haffz‎‏.
صورة ‏‎Mohammed Haffz‎‏.
صورة ‏‎Mohammed Haffz‎‏.
أعجبني
أعجبني
أحببته
هاهاها
واااو
أحزنني
أغضبني
تعليق][/center]