ماذا قالوا عن لبن الطفال وماذا فعل الجيش لحلها وبتر مخططاتهم.

قالوا الجيش بيتاجر فى لبن الأطفال.
قالوا الجيش بيعمل بزنيس على جيوب الفقراء والغلابة.
قالوا الجيش كوش على اللبن المدعم أبو 5 جنيه وعطش السوق وهوب دخل دخلته وقال أنا المنقذ عشان دايماً يكون فى الصورة أمام المواطن إنه دائماً الحامى والمنقذ له فى ازماته.
قالوا الجيش هو لحق يجيب ألبان .
قالوا الجيش وزع علب ألبان وعليها لوج القوات المسلحة وفرقة تانيه من الخوارج قالوا أحنا شوفنا عليها علم مصر ومكتوب عليها تحيا مصر.
مع إن وزير الصحة طلع ونفى كل الكلام الفارغ ده وتحدى إن واحد يجيب له علبة واحدة بس من اللى قالوا عليها لأنه لاتطرح أى أدوية أو غيرها تمس صحة الإنسان بدون علم وتصريح من وزارة الصحة وإلا أعتبرت فى حكم المهربة.
الجيش عمل كده؟ أبداً الجيش تقدم لأخذ التسجيل للكمية المطلوب إستيرادها من إدارة الصيدليات بوزارة الصحة.
الجيش تعاقد مع شركات عالمية لتوريد 23 مليون علبة على دفعات.
أول دفعة ستصل مصر فى منتصف سبتمبر.
وزير الصحة قال أن المتجمهرات كانوا فى حدود 300 أمرأة أخذناهم لمركز توزيع وتم فحص حالتهم وأتضح أن هناك فقط 21 حالة هى التى تستحق الصرف للألبان المدعمة ....الله والباقى شوف يامؤمن الباقى ده كان مدفوع ومحشود من أصحاب المصالح وهم المستوردون واصحاب مصانع الحلوى ومعاهم اصحاب الكافيهات وكمان بعض المتاجرين فى الألبان المدعمة وكمان حشود الجماعة الإرهابية وكله عشان التصوير وعمل فيلم سينما يتاجروا به أمام العالم والرأى العام.
دى يامؤمن يدوب الستات إياهم عملوا تجمهر أمام منفذ بيع الشركة المصرية ويدعون بأنه ظهر فجأة عليهم 3 لواءات من الجيش أى كلام فى الطحين المسوس وقالوالهم خلاص حنحل لكم المشكلة وحنصرف لكم الألبان.
قالوا الجيش جاب الألبان منين.
طبعاً الهرى شغال على الجيش اللى أفسد مخططهم الوقح اللى كانوا حيعملوا عليه حفلة للصبح على البلد والرئيس ويجوعوا أطفال ويتاجروا بصورهم ويعملوا أزمة خطيرة للبلد فى الوقت ده بالذات.
القوات المسلحة وأجهزة المخابرات شعرت بالعملية المرسومة والمخططة فى الخارج عشان يهزوا سمعة البلد وأركان الدولة.
تدخلوا فى الحال وعرضوا إستيراد 23 مليون علبة وطرحها فى السوق بالصيدليات بنص سعرها الحالى وبتخفيض 50%.
شوف يامؤمن الدنيا هاجت وماجت ليه؟ لأن مخططهم طاش وكمان شوية العيال بتوع جمعية عاطف المتعاطف وإتلاف المحن الثورى وشمامىن الكلّة والواد المأمل بائس يوسف كانوا بدأوا ينصبوا النصباية وينزلوا بفرقة التأوهات والصعبانيات وحلق حوش بتاعتهم وكده الجيش بوظ عليهم الليلة وضيع عليهم سبوبة الدولارات المهم نشوف المتحدث العسكرى المصرى قال إيه عن الحكاية المسلية دى.

ماذا قالوا عن لبن الطفال وماذا فعل الجيش لحلها وبتر مخططاتهم. 14212156_1066092966805074_2983268760579554945_n

» ماذا قالوا عن قناة السويس الجديدة
» كل الصفقات العسكرية التي أجراها الجيش المصري خلال العاميين الماضيين....ونبذة تاريخية عن الجيش المصري :
» ماذا قالوا عن حارق المجمع العلمى سنة 2011
» بيزنس الجيش وكحك الجيش
» الجيش بيزرع ويبيع حشيش يا منى طبعاً الألش ده على الجيش الإيطالى.