Mohammed Haffz
21 ساعة ·
حقيقة ما يسمى بثورة 11/11.. صناعة الأزمة
=========================
أوعى تفتكر إن الهدف هو عمل ثورة بجد في 11/11 .. هما أول ناس عارفين أنهم شوية عيال خرنجات هيتلموا في بوكس 5 راكب ... الهدف يا أهل العقل والمنطق هى الفترة من ساعة الإعلان عن نيتهم وصولا لتاريخ الحدث الوهمي المزعوم .. الهدف إنهم يخلوا البلد تعيش دايما فى حالة غليان واستنفار وحذر وترقب ، لأنهم عارفين أنه مفيش بلد ممكن تنمو وتتقدم بالمعدل المطلوب في ظل وجود عدم إستقرار أمني ومعنوي ومادي .. يعني يخلونا نعيش شهرين في حالة قلق وترقب وخوف انتظارا لليوم الموعود 11/11 ، وسلطات الدولة تعلن استنفارها ( وطبعا دا بيكلف فلوس طائلة ) ويساعدهم الإعلام العويل العميل ، ولما نوصل ليوم 11/11 نلاقي كل ده بلح ..وطبعا بعد 11/11 ما تعدي بلا أي أحداث ولا مشاكل .. يومين تلاتة و هوووب ينزلوا بمنشور ما يساويش 3 مليم على صفحة من صفحاتهم يقولك فيه موعدنا 25 يناير ، ونرجع نقلق من تاني والدولة تستنفر اجهزتها تاني والإعلام والمغرضين يقعدوا يسخنوا الناس ويهروا شهرين كمان ، وبعد 25 يناير يبقى ذكرى تنحي مبارك ، وبعدين محمد محمود وبعدين وزارة الدفاع وبعدين 30 يونيو وبعدين فض رابعة .. و هلم جرا .
.
اللي محدش يعرفه أنه من ضمن التدريبات اللي حصل عليها النشطاء العملاء قبل 25 يناير حاجة إسمها " خلق نقاط توتر " ومنها انه يخترعلك في كل شهر حدث ، والحدث يطرح ذكرى سنوية ، علشان لو فشلوا فى مخططهم الرئيسي تفضل نقاط التوتر دي شوكة في حلق البلد حتى لو محصلش فيها حاجة ، لكن طبقا للنظريات الأمنية لازم الدولة تستعد ليها وتاخدها على محمل الجد وتفترض أسوأ الاحتمالات ، وده طبعا بيستنزف جزء كبير من مواردها في التأمين ..
طيب والحل ؟ هانفضل كده !!!؟
لا طبعا لو فضلنا كده يبقى احنا اللي بنحيي وننمي نقاط التوتر بنفسنا .. الحل هو أننا كمصريين ( ملناش دعوة بالإعلام دلوقت ) مستخدمي مواقع السوشيال نعمل الآتي :
أولا : نتجاهل تماما الحديث عن أي فاعليات هما بيدعوا لها .. ما ندخلش فى حوارات .. ما نسقيش زرعهم بالجدل والرد والخوف ..ما ننشرش منشورات ساذجة و مقرفة من نوعيه " الواحد بدأ يقلق .. تفتكروا هيحصل حاجه فى 11/11 ؟ .. تتوقع يحصل إيه !!؟ .... " وحاجات من النوعية دي اللي بتخليهم يضحكوا علينا ويحسوا أننا خايفين منهم أو بنعملهم حساب .
ثانياً :- نركز جهودنا فى نشر الإيجابيات ودعم الدولة ورئيسها والرد على الشائعات بحقائق على الأرض ، وننشر جو التفاؤل اللى هايتنقل للمسئولين وللرئيس بصفته متابع جيد للسوشيال ميدا .. ماتحسسهوش أنه بيشتغل لوحده ، وماتحسسهوش انكم مش واثقين فيه .
.
ثالثا :- خليك إيجابي في الشارع وفي شغلك .. اللى يغلط في مصر أو قيادتها أو جيشها ما تسيبوش يعدي باللى قاله كده من غير عقاب وإنت ومقدرتك بقى .
.
أما بالنسبه للإعلام ... فالحل
إننا نخوض حملات مركزة على شخصيات بعينها ، ومش مطلوب اننا نشتت جهودنا فى 100 شخصية .. الأحسن اننا نركز على واحد لحد ما نهدمه ونطلعه من الخدمة ، وبعدين ننقل على التانى .. لحد ما ننضف الإعلام من الخونة والمتآمرين والعملاء أصحاب الصوت العالي ،، الدولة لوحدها مش هاتقدر تنضف الإعلام .. إنما إحنا اللى نقدر ..وأظن السوابق بتدل على كده ..
* شير من فضلكم علشان توصل لأكبر عدد من المصريين الوطنيين .
.
-------------------------
By: Tamer Azab