من قبل Mohammed Haffz.
24 دقيقة ·
لو ربطنا شوية أحداث مع شوية حقائق.. و بطلنا نبص تحت رجلنا.. أو نركز في نقطة واحدة.. و ربطنا المواضيع بشكل استراتيجي.. و استعملنا التسلسل المنطقي.. ممكن نوصل لحاجة..
اللي في الصورة دا موضع "حقل ظهر Zohr Field".. اللي أرباحه الشهرية توازي مليار يورو.. يعني عشرة مليار جنيه شهريا.. واللي شركة إيني الإيطالية قالت عنه انه أكبر حقل غاز في العالم ، بعد ما كميات الغاز اللي استخرجوها منه أذهلت الشركة حين تم عمل تجربة للضخ ، وعشان كده تركيا و إسرائيل إتقهروا عليه.. خصوصا بعد ما حطينا النقط علي الحروف مع قبرص و اليونان واعترف الجميع إن الحقل داخل نطاق مياهنا الإقتصادية الخالصة..
.
من حوالي 6 سنين و تركيا و اسرائيل عندهم شبه يقين إنه فيه حقل غاز في البقعة دي.. بس لأن محاولة الوصول له هتسبب صدام مباشر مع مصر.. المواضيع كان لازم تتاخد بالسياسة مش بالدراع.. و كان لازم يوصل مرسي للحكم...
لما وصل الأخ مرسي للحكم جاب تركيا و قرر يعمل معاها مناورات بحرية عنده..! عند الحقل دا بالذات في شرق المتوسط.. صدفة طبعا (زي ما هو واضح في المصدر رقم 1).
اتعملت المناورات ، و تركيا وقتها قعدت تحط علامات و تقيس و تعمل انزال لضفادع بشربة.. تحت أعيننا و بصرنا.. يعني من الآخر مرسي كان بيسلم لهم الحقل تسليم أهالي.. دا لأن مرسي هو الرئيس المنتخب و الخليفة زي ما انت عارف طبعا...
.
لما حصلت محاولة الإنقلاب في تركيا.. و بدأ أردوغان يسيطر على اسطنبول تدريجيا.. اتحركت من ميناء أنطاليا علي المتوسط 14 قطعة بحرية تركية.. قالولنا يومها "دي قطع إنقلابية و عايزة تساند الإنقلاب"..
طيب تساند الإنقلاب تقوم تبعد عن تركيا نفسها ؟ الإعلام ساعتها قال إنها إتجهت للمتوسط...
يومها سمع أهالينا في بورسعيد و دمياط أصوات الطيران المصري.. و لو تفتكروا أيامها كلنا هزرنا و قلنا "إنزل يا سيسي دي فرصتك".. بس الحقيقة إنه بعدها مباشرة.. أعلنت وسائل الإعلام التركية إختفاء الـ 14 قطعة بحرية بتوع تركيا...
ساعتها قالولنا في الإعلام.. القطع دي اختفت في المتوسط.. زي ما هو واضح في تاني مصدر..
لما سألنا إيه اللي موديها المتوسط.. قالوا لنا دي كانت رايحة اليونان... (تالت مصدر)!
رايحة تساند الإنقلاب من اليونان يعني ؟؟ و اليونان دي زريبة كده بتدخل مياهها الإقليمية أي قطع بحرية معدية ؟؟
للي مش عارف.. السلاح البحري اليوناني سلاح قوي.. و متفوق علي البحرية البريطانية نفسها.. ترتيبه الـ 12على العالم.. بينما تركيا ترتيب سلاحها البحري 22.. بفرق شاسع عن البحرية المصرية المتصنفة كسادس أقوى سلاح بحري على وجه الأرض. (رابع مصدر) ...
فراحوا مغيرين رأيهم خالص و قالولنا: لأ دي اختفت في البحر الأسود معلش.. مش في المتوسط...
و دا موضح في خامس مصدر.
اختفت فين في البحر الأسود و إزاي لا مؤاخذة ؟ البحر الأسود بحر شبه مقفول ومالوش مدخل غير من مضيق الللسفور التركي اللي بيشق مدينة اسطنبول لنصفين ، وأسطنبول أصلا تحت سيطرة الخليفة بتنجان ..إزاي كان هيسمح وهو مسيطر على اسطنبول إن قطع بحرية انقلابية متمردة تعدي من أمام عينيه كده وما يمنعهاش أو حتى يدمرها؟ .. بالاضافة لكون بحر قزوين بيطل عليه شوية غلبانه.. سواء رومانيا و اللا مولدوفا و اللا أوكرانيا.. مفيش حد هناك له حيثية غير روسيا.. في أقصى الشمال..يعني روسيا بعيدة عن أنطاليا جدا..
و شوية و القطع البحرية التركية دي حصّلتها كام قطعة جوية تركية برضه.. و محدش عارف راحوا فين...
يعدي وقت و نسمع الطيران مرة تانية في مدن القنال "راجع" و نهزر تاني.. و بعد ست أيام.. في يوم 20 يوليو.. تطلع تركيا في غيظ و توتر تقول لنا "لأ ..أنا معنديش قطع بحرية اختفت اصلا"...! (دا تلاقيه في المصدر السادس)
ايه اللي حصل...؟!
اللي يبدو إنه حصل و انا مفهمتوش وقتها.. و بدأت افكر فيه مع كلام الرئيس حول أهمية الحقل.. علي مايبدو.. هو إنه دارت معركة بحرية جوية حقيقية في المتوسط.. بين مصر و تركيا.. و إن نظام أردوغان استغل قصة الإنقلاب دي و دفع بقطع بحرية تركية عشان تسيطر على الحقل في غفلة من الجميع ..وساعتها لو نجح.. يبقى خير وبركة و أسهمه تطلع في السماء.. و لو اعملية فشلت.. يبقى " دول انقلابيين مش تبعي".. زي ما عمل في الطيارة الروسية...
يسيطر علي الحقل.. و حلني بقى تحكيم دولي و قضايا و نزاعات و قرارات لمجلس الأمن.. على ما تتحل يكون هو استنزف الحقل..
.
قطع بحرية تركية تتحرك.. طيران مصري يطلع يواجهها.. قطع تختفي.. طيران مصري يطلع تاني...
و احنا بنهزر و نضحك علي الإنقلاب و نستغل أصوات الطيران في التنكيت.. و مجاش في بالنا أبدا اللي بيحصل هناك في أعالي البحار المجهولة...!
واضح على ما يبدو.. إن فيه معركة حقيقية حصلت.. و إن أردوغان قطعه البحرية اللي مش لاقيها لحد النهاردة بكامل أطقمها؛ "اتأسرت".. مش اختفت.. في عملية نظيفة للغاية.. ما يقدرش يقول بعدها "سفني دخلت زي اللصوص للمياه الاقتصادية المصرية و اختفت هناك"... وهو عارف برضه إن مصر ما ينفعش تتكلم عن عملية بالشكل والحجم ده أو تعلن عن حاجة زي كده وتفضحه ، لأنها وقتها هتكون بتعلن الحرب بشكل رسمي على تركيا.
أغلب الظن إن الموضوع مبقاش فقط محصور في حروب الجيل الرابع.. دا خرج للجيل الثالث.. معارك حقيقية و تكنولوجيا عالية و قطع و بوارج..
وعلى ما يبدو إنه دهاليز السياسة المعقدة بتفرض علينا إننا ما نعرفش أي شيء عن اللي بيجرى.. لأنه مش ممكن يًعلن دلوقتي...
.
طبعا أكيد حد هيسأل (وده حقه) إزاي عمليات حربية كبيرة بالشكل ده تحصل من غير ما نسمع عنها ، ومن غير ما نلاقي أي وسيلة إعلام تتكلم عليها ؟ ..أحب أفكر الجميع بحادثتين شهيرتين ومع ذلك لم تتكلم عن أي منهما أي وسيلة إعلامية :
1- عام 2013 ، دخلت عدة قطع بحرية من الأسطول الأمريكي للبحر الأسود ، وفجأة اقتربت مدمرة أمريكية وبدأت تتحرش بالمياه الإقليمية الروسية .. الروس على طول بعتوا طائرة واحدة فقط لتحوم فوق المدمرة دي من غير ما تقصفها ولا تلمسها ، وهنا فوجئ طاقم المدمرة بكل أجهزة الملاحة والقيادة تتعطل عن العمل بشكل فجائي وتام ، وكأن فيه شخص ضرب الباور سبلاي في المدمرة ، بل انه حتى أجهزة توجيه الأسلحة على المدمرة توقفت بشكل كامل ولم تعد الأسلحة النيرانية الهائلة الموجودة على المدمرة تساوي شيئا ، وبالتالي لم يعد طاقم المدمرة قادر على توجيه المدافع والصواريخ بتاعتهم لقصف الطائرة الروسية ، بل ولم يعودوا قادرين على التحكم في المدمرة نفسها.. يعني حرفيا كل شئ أصابه الشلل والمدمرة بقت كأنها قطعة صفيح مصدية بتسبح في المياه بدون هدى ..حالة الشلل دي استمرت لمدة عشرة دقائق تقريبا ، والأمور ما رجعتش لطبيعتها غير بعد ما المقاتلة الروسية ابتعدت تماما عن مجال النيران الأمريكية .. ضباط المدمرة وقتها أصابتهم حالة مرضية من الهلع والذعر وكتير منهم بعد رجوعهم فضلوا يتعالجوا من الآثار النفسية للحادثة دي لعدة أسابيع ...وطبعا لا روسيا جابت سيرة عن الموضوع ، ولا أمريكا قدرت تفتح فمها بكلمة ، لكنها عرفت امكانيات الطرف الآخر، والرسالة تم توصيلها في قوة وفي صمت
.
2- عام 2014 حاول الأسطول السادس الأمريكي الاقتراب من المياه الإقليمية السورية بالقرب من قاعدة طرطوس الروسية ، فتم إطلاق صاروخ روسي على الأسطول الأمريكي بالمتوسط وأدى ذلك لغرق قطعة بحرية أمريكية ، فتراجع الأسطول الأمريكي على الفور ، ومع ذلك لا أمريكا ولا روسيا أذاعوا أي شئ عن هذه الحادثة 3- انت نفسك كل يوم و التاني بتضرب داعش في ليبيا و تنفذ عملية هناك.. و لحد دلوقتي الإعلام العالمي مش عارف يمسكك و مسميك "مجهولة"..
.
نستخلص من كده إنه فيه حاجات وحوادث كبرى ممكن تحصل حوالينا ومع ذلك محدش يسمع عنها، بينما حوادث أخرى تافهة يتم تسليط الأضواء عليها فتنتفخ وتأخذ أكبر من حجمها... وانه في السياسة والعلاقات بين الدول فيه حوادث ومصائب لا يتم الإعلان عنها بسبب العلاقات الدولية والاستراتيجية ، وإن الدول أحيانا بتوجه ضربات صامتة للعدائيات ، لكن بدون إعلان ، وبيجري التكتم على الموضوع لأن الكتمان هنا بيكون في مصلحة جميع الأطراف ;)
عموما الأيام - وربما السنين - القادمة كفيلة بكشف المستور
يا ترى لسه بتسأل ليه بنعمل مشاريع تجذب استثمارات و تجيب فلوس ؟
يا ترى لسه بتتساءل بنصرف علي التسليح ليه؟
يا ترى لسه شايف الطامعين اللي حواليك دول.. و للا خلاص فقدت العقل؟
----------
مصادر:
----------
1 - https://goo.gl/Wr2M6M
2 - https://goo.gl/rk2NwN
3 - https://goo.gl/LcIb1h
4 - https://goo.gl/1dCFl8
5 - https://goo.gl/wCWdMN
6 - https://goo.gl/Lvs21f
---------------------------
By: Alaa Hammouda