Mohammed Haffz
........................·
كولجي : يعني خلاص انت مبقتش شايفها ثورة ؟
مواطن : أنا حر
كولجي : يعني مبارك كان حلو ؟
مواطن : أنا ضده من زمان ، لكن برضه انا ضد الفوضي و المؤامرة اللي حصلت
كولجي : أومال كنت عايزنا نمشيه ازاي ؟
مواطن : تشتغلوا سياسة و تكسبوا انتخابات و تغيروا و تصلحوا بالقوانين
كولجي : دي كانت دولة هشة و بايظة .,. سياسة ايه و قوانين ايه ؟
مواطن : و لما انت عارف انها هشة و بايظة .. نزلت تعمل فوضي ما تقدرش تتحمل تبعاتها ليه ؟!!
كولجي : طب و حق الشهيد ؟
مواطن : أي شهيد فيهم ؟
كولجي : شهيد الثورة
مواطن : آه .. اللي انت خدعته و قولت له انزل دي سلمية وانت كنت شايف بعينيك السلاح و المولوتوف و الضرب و القتل و التخريب ، و اللا العسكري و الظابط اللي استشهد و هو بيحمي سلاحه و مكان خدمته ؟!!
كولجي : انت كده بتبيع حق الشهيد و هتخش النار ؟!!!
مواطن : أنا اللي ببيع حق الشهيد ؟!! انت اللي بعته لما قبلت تنزل مع الاخوان و ميليشياتهم المسلحة .. انت اللي بعته لما قبلت تشارك الاخوان اللي عرضوا دفع ديّة لأسرة كل شهيد .. انت اللي بعت الشهيد لما قولت عاوزين نعمل لجنة تدفع لهم تعويضات و تعمل معاشات لأهاليهم .. انت اللي بعت الشهيد لما قبلت تحاكم متهمين ملهومش دعوة بقتل الشهيد .... مش انت اللي قولت بلسانك في 2012 و 2013 ان الطرف التالت اللي قتل الشهداء هم الاخوان اللي انت لسه لحد النهاردة بتحط ايدك في ايديهم ضد بلدك ؟... مش أنا اللي بعت .. انت اللي بعت .. و سيب مسألة الجنة و النار دي ل ربنا هو اللي هيحاسب و يقول مين يدخل جنة و مين يدخل نار .. مش انت
كولجي : انت كده بتشوه الثورة ؟
مواطن : انت اللي شوهتها .. مش أنا .. انت الي روحت جبت شوية مرتزقة وسماسرة أوطان وخليتهم يتكلموا ب اسمها و عملتهم نجوم وأيقونات.. و طلعوا كلهم اما اخوان أو ممولين شغالين لحساب الاخوان و تركيا و قطر و ايران .. قول لي علي اسم واحد فيهم طلع نضيف و مش خاين ؟!!!
كولجي : يعني انت مصمم انها مش ثورة ؟!
مواطن : أيوة .. 30 يونيو هي الثورة الحقيقية
كولجي : اشمعنا ؟!!
مواطن : 1- ثورة سلمية نزل فيها قد اللي نزل في يناير 10 مرات و مفيش طوبة اتحدفت و مفيش مبني اتكسر و لا اتحرق ولا سجون ولا اقسام تم اقتحامها ...
2- الشعب كله اختار ان الجيش يتكلم ب اسمها مش شلة نصابين اتلموا علي بعضيهم بعيد عن الشعب و اختاروا مرتزقة و خونة و ممولين يتكلموا ب اسمها ..
3- جابت دستور علي مزاجنا و جابت رئيس بيعبر عننا و ابتدت تبني الدولة من أول جديد و تشتغل للمستقبل ..
4- محدش من اللي شارك فيها شارك غرض شخصي ولا طالب ياخد تمن نزوله ، كلهم نزلوا عشان البلد حقيقي ... و اللي طلب التمن الشعب كشفه و فضحه ... انت بقى يناير عملت لنا بيها ايه ؟!!
كولجي : انت مصدق نفسك ؟!!!
مواطن : أومال هصدقك انت ؟!! ده انت بقالك 6 سنين اختياراتك كلها غلط في غلط
كولجي : انت عايش في الوهم .. البلد باظت
مواطن : اديني أمارة ؟
مولجي : الدولار ب 18 جنية و الاسعار نار
مواطن : طاب ماهي كان أيام مبارك ب 6 جنيه و الاسعار كانت أقل .. هل معنى كده ان البلد كانت تمام ومش بايظة ؟!! و لو كانت تمام .. نزلت تشيل مبارك ليه طاه ؟!!
كولجي : يعني مبارك كان حلو ؟
مواطن : انت عندك الزهايمر ؟!! ما أنا لسه قايلك اني ضده
كولجي : بطل تطبيل للسيسي بقى
مواطن : أهو انت كده دايما زي أخواتك الكولجية .. لما يتزنقةا و ما يلاقوش رد .. يشتموا
كولجي : بس يا مع**
مواطن : تعاشب شاي . .
------------------------
by: Mohamed Ali