من قبل Mohammed Haffz.
مساء الأخبار الحلوة فيه خبرين حلوين حصلوا النهاردة ، الخبرين ليهم علاقة بقطاع البترول
الخبر الأول بيقول إن مصر من شوية وقعت عقدين (جداد) لتزويدها بالبترول بديلا عن البترول السعودي
العقد الأول تم توقيعه مع ( الكويت ) ، وتلتزم فيه الكويت بامداد مصر بـ (2 مليون برميل) نفط شهريا طوال مدة العقد ..(مدة العقد 3 سنوات )
العقد التاني : تم توقيعه مع العراق ، و تلتزم فيه العراق بامداد مصر بـ ( مليون برميل ) نفط ( خام ) شهريا
طبعا صفقة نفط العراق دي نقدر نقول أنها صفقة لقطة بكل معنى الكلمة
صفقة بيتم التفاوض عليها من شهر 10 اللي فات ، وخدمتنا فيها الظروف السياسية
لأن أول لما السعودية اتقمصت و استندلت معانا ، و أوقفت توريد البترول لمصر ، سافر وزير البترول طارق الملا للعراق للتفاوض على شراء بترول بديل للبترول السعودي
العراق استغلت الفرصة دي وحبت تكيد للسعودية ، لأن الفترة دي بالذات السعودية والعراق كان بينهم ما صنع الحداد بسبب خناقه السعودية وايران
وطبعا العراق و ايران واحد مش اتنين
برضه مصر وقتها طلعت اشاعة عشان تكيد السعودية
الاشاعة بتقول ان وزير البترول قام بزيارة سرية لإيران لاستيراد البترول الايراني بديلا عن البترول السعودي ، وأيامها لو فاكرين انا كتبت وقلت أنه : " لا توجد موانع فقهية لأن تتزود السيارة السنية بالنفط الشيعي " ;)
بس طبعا دي كانت مجرد إشاعة ، لأنه ما كانش فيه زيارة أصلا لأنه مش معنى ان السعوديين استندلوا معانا شوية اننا نكسرهم ونحط ايدينا في ايد الدولة اللي حلم حياتها انها تفنيهم من على وش الأرض
عشان كده مصر اختارت العراق كـ حل وسط
والعراقيين طبعاً حبوا يستغلوا الظروف ويكسبوا مصر فى صفهم ، فعرضوا علينا عرضين زي الفل
العرض الأول :
ان هما يوردولنا البترول الخام بسعر أقل من سعر السوق العالمى بـ (3 دولار) للبرميل
العرض التانى :
بسبب الارهاب اللي حاصل في العراق ، تم تدمير اغلب مصافى تكريرالبترول العراقي
فالعراق بقى عندها نفط خام بالهبل ماشاء الله ، بس معندهاش معامل تكرير للبترول الخام
مصر بقى عندها العكس
مصر عندها معامل تكرير ومعندهاش بترول خام كفاية
فالعراق هتديلنا النفط خام واحنا هنكرره عندنا
وناخد منه في مصر : السولار والمازوت بس
و نرجعلهم (للعراق) البنزين متكرر وزي الفل و جاهز عالاستخدام على طول
و كل ده ببلاش يعني احنا مش هندفع حاجة ، وهما برضه مش هيدفعوا حاجة
وطبعا مصر وافقت على العرض ( التاني) ، وتم التوقيع النهاردة على الأساس ده
عشان كده السيسى في شهر نوفمبر اللي فات أصدر قرار جمهوري الاعلام ما اهتمش بيه وقتها ، مع انه قرار مهم جدا فى رسم خريطة مستقبل مصر البترولية
القرار كان بينص على : "جعل مصر (مركز اقليمي لتبادل البترول والغاز) "
المشروع ده هيتكلف (230 مليون دولار) ، و هيخلي مصر تكرر (41 مليون برميل نفط خام ) سنويا
المركز الاقليمي ده بدأ انشاؤه فعلا من شهر 11 اللي فات ، و اللى مسافر من بورسعيد لدمياط هيلاقي على يمينه عند منطقة شركات البترول ، مشروع جديد لتكرير البترول ممتد بطول 5 كيلو متر (بالأمارة حطوا 4 مطبات جديدة عشان زحمة العمال أوقات الخروج ) ، و اشتروا 50٪ من قرية الفيروز السياحية عشان اقامة المهندسين المغتربين
المشروع ده معمول بين شركتي (إنبي و بتروجيت) ، و بالتعاون مع شركة ( إيني الايطالية)، وتم اختيار المكان ده بالذات لأنه أقرب مكان في مصر لحقل ( ظهر) اللي هيبدأ انتاجه في شهر 10 اللي جاي ، وباذن الله في 2019 مصر مش هتدفع دولار واحد تانى بعد كده فى استيراد أي مواد بترولية (على فكرة ، مصر كانت بتدفع سنويا من 6 لـ 7 مليار دولار في استيراد البترول المسال كل سنة - يعنى من 30 لـ 35 مليار دولار كل 5 سنين ) ، لكن العقد السعودي الأخير (بتاع قعدة تيران وصنافير) ، كنا متفقين معاهم على اننا هندفع بعد الخصم 23 مليار دولار) في 5 سنين ، يعنى 4 ونص مليار دولار في السنة، مش 6 أو 7 مليار
بس الحمد لله ان كل ده حصل
و رب ضارة السعودية نافعة لينا باذن الله ، لأن ده هيخلينا نعتمد على نفسنا ونبني بنية تحتية ممتازة لقطاع البترول
.
كل اللي فات ده كان الخبر الأول الخبر التاني بقى : ^_^
امبارح (السيسي) قعد مع كلاوديو ديسكالزي الرئيس التنفيذي لشركة "إيني" الإيطالية، وبوب دادلي الرئيس التنفيذي لشركة بريتيش بتروليوم "بي بي" البريطانية ، يعني رؤساء شركتين من أكبر شركات النفط فى العالم
النهاردة بقى الشركتين عملوا مؤتمر صحفي مشترك من القاهرة ، وقالوا فيه كلام مهم جدا
شركة (إيني الايطالية ) أعلنت في المؤتمر انها هتضخ 10 مليار دولار استثمارات في مصر على مدى الخمس سنين اللي جايين ، وقالت فيما معناه انها هتعمل كده عشان متعشمة ;) انها تلاقي حقل بترول ضخم زي حقل ضهر كده بعدها شركة (بريتش بتروليوم) أعلنت انها هتوجه كل استثمارتها الجديدة داخل مصر، و قالت انه في (2019 ) هتبقى #مصر أكتر بلد في العالم جواها استثمارات لشركة بريتش بتروليوم
يا مسهل الحال يارب
تفائلوا بالخير تجدوه