Hassan Margawy
**************
البلد بتعمل مشاريع عملاقة.
البلد بتبنى وتعمر وبتصرف مليارت.
البلد مش حتقع طالما فيها وطنيين مخلصين ورجال لايخشون الموت.
البلد بتطلع من حالة الإنهيار والتردى وبتأسس لبلد راسخ القواعد قوى البنيان.
البلد بتبنى جيش وطنى قوى وبتسلحه باحدث الأسلحة عشان تحمينا من غدر اللئام.
البلد بتقاوم إرهاب اسود قاتل مجرم لايتقى الله أبدا يغتال كل شيئ لايستشعر حرجاً ولاإنسانية أمام أى شيئ وكل يوم تقدم شهداء وتقدم تضحيات.
البلد بتواجه حصار إقتصادى منذ ستة سنوات ولم تقع كما وقع غيرها تقاوم وتناضل من أجل البقاء فعدوها لايريدها بلدا بل يريد لها الفناء.
البلد بتواجه مؤامرات ومخططات من أعتى أجهزة المخابرات ومعهم فى الداخل عملاء وخونة وطابور خامس واضح وضوح الشمس لاتخطئه عين ومع ذلك لم يفت فى عضدها قدر أنملة.
والأكادة نلاقى اللى بينقد واللى بيجادل واللى بيقول مثل قول الإخوان بالتمام والكمال هى فلوس الخليج راحت فين ؟ هم بيبنوا مدن جديدة ليه مش كان أولى يأكلوا الناس؟ إيه لازمة المفاعل النووى. ؟ إيه لازمة عاصمة إدارية جديدة؟ إيه لازمة شق طرق جديدة بألاف الكيلومترات؟ ليه بتعملوا موانى؟ ليه بتعملوا مطارات جديدة؟ ليه بتستطسلحوا اراضى جديدة؟ ولما يلاقوا المشروع أتعمل فعلا يبدأوا التشكيك فيه وفى جدواه ياعم اللى مايشفش من الغربال يبقى اعمى ومش اعمى النظر بس لا بل أعمى البصيرة اللى ينقد لازم يكون اولا على قدر المسئولية ولديه العلم الذى ينقد من خلاله ويضع الحلول مش يتريق ويقلش وخلاص وفاكر نفسه كده واد فاهم ماهو مصيبتنا إن عندنا 90 مليون خبير فى كل المجالات ماسورة وانفجرت وطلعت علينا الجدل والتناطح من اجل أن يكون كل واحد فى الصورة.
هم بيسلحوا الجيش ليه وإيه البعترة دى فى الأموال على الفاضى والمليان... وكان فايدة المسترال أو الرافال أو الغواصات أو الدبابات أو الصواريخ دى إيه مش كان يوفروا الفلوس ويأكلوا الشعب؟
لم ترى اعينهم أو تسمع اذانهم ماقامت به البلد من نهضة فى كافة المجالات بل يعتبرون ذلك إهدار للمال العام بل وتحميل اجيال قادمة بعبأ ديون لاطاقة لهم بها.
ولم يعلموا بأن تحميل أجيال بتلك الديون افضل من أن تحملهم بإستعمار أو تحملهم ببلد منهارة أو تحملهم ببلد مقسم جراء حرب أهلية طاحنة ولحظتها ستكون اشد فتكا من اللى بنشوفه حولينا لأن مايجرى حولنا أصلا مخطط ليكون من اجلنا نحن فما بالك لو لاقدر الله حدث هذا لنا.
حبيبى منك له لها أى إن كنتم أطرح عليكم سؤال بسيط جداً.
لو كان فى واحد غنى جداً ولديه أطيان وعزب وعقارات وأرقى الفلات ويمتلك أغلى انواع السيارات بل يمتلك طائرات ولديه اسرة مرفهة ويكتنز الذهب والفضة ومالا يحصى من الأموال ولكنه لديه مشكلة بسيطة جدا وهى أنه يعيش وسط منطقة تسكنها اللصوص والبلطجية ويتكاثر حولها الذئاب وليس لديه حراسة ولا أمن يحيطه ويحافظ عليه أسألكم مالمصير الذى ينتظره؟
سيخرج علينا من يقول هذا شيئ وذاك شيئ أخر الدولة لاتدار بعقلانية وهناك سوء إدارة للموارد واقول له نعم توجد أخطاء ويوجد انحراف ولكن طالما كان هناك من عينه على الإصلاح فلا خوف من القادم وأنه لولا لديك من القوة مايمنع به عدوك عنك لأفترسوك فأنتبوهوا ولاتنجروا وراء أكاذيب يروجها أعداءكم حتى لو كان بعضها صحيح ..
كونوا خلف جدار البلد لتسندوه بدلا من أن تكونوا خلف معول هدم أعداءكم فتهدموه.
by:hassanmargawy..