شخلل عشان تعدي ..
===========
مبروك عليكم أول صفعة ، قصدي صفقة من ترامب .
النهاردة السعودية عملت حاجة كانت مفاجاة للدنيا كلها.. عملت صفعة قصدي صفقة بـ 110 مليار دولار كاش ، وحط عليهم 360 مليار خلال عشر سنين .
طبعا هتيجي في دماغك انها اتعاقدت علي 100 مقاتلة إف 35 وفتحت مصنع للإف 15 عشان تصنعها عندها وعلى حاملتين طائرات وحاملتين مروحيات وانشاء سلاح غواصات وأشترت 12 غواصة علاوة علي المدمرات وتصنيع لدبابات ابرامز .. الخ
لكن للأسف الجنازة حارة والميت كلب
السعودية اتعاقدت علي مروحيات البلاك هوك بتاعة نقل الأفراد اللي بتستخدمها القوات الخاصة والصاعقة ..يعني ياريتها هجومية ، وياريت هتصنعها دي هتجمعها فقط .. واتعاقدت علي فرقاطات من شركة لوكهيد مارتن ، ودي قطع بحرية كل دول العالم رفضتها فبدل الخساير قالك المملكة تشيلها .. وشوية صواريخ باتريوت علي دبابات ابرامز ، والحاجة الوحيدة اللي عليها القيمة منظومة ثاد الصاروخية ، وبرضه منظومة الإس 400 أحسن منها .
الصفقة دي بقى بعد العمولات و المصالح وكل حاجة ما تجبش أكتر من 30 مليار دولار لما يضربها الدم .. والباقي عبارة عن أتاوات للادارة الامريكية الجديدة .
.
ما هو ترامب قالها .. ابو بلاش خلاص راح زمنه .. كله بالفلوس .. ومفيش حاجة من غير مقابل
عايزنا نحميك من ايران .. عنينا ادفع
عايزنا نخرجك من اليمن ونساعدك .. ادفع
عايزنا نكبرك في المنطقة ونخليك جيمس بوند المنطقة يا محمد يا ابن سلمان .. ادفع
عايزنا منفتحشي ملفاتك في دعم داعش في سوريا والعراق ونفرض العقوبات ... ادفع
عايزنا نمدك بقطع الغيار وانت جيشك كله أمريكي ... ادفع
عايزنا نقف معاك ضد الشيعة والتمدد الايراني في اليمن وسوريا والعراق ولبنان .. ادفع .
عايزنا نحط قانون جاستا في الدرج ونطرمخ على الموضوع بتاع أحداث سبتمبر... ادفع
.
وطبعا اصبح واضح وضوح الشمس للجميع ان المملكة خاضعة كل الخضوع لأمريكا ومتقدرشي تكسر لها كلمة ادفع يعني ادفع واصبح واضح ان آل سعود اصبحت المنفذ لجميع الخطط الصهيوأمريكية بالمنطقة ..
وطبعا المخطط بيهدف ان المملكة تسيطر على الدول العربية والاسلامية بالوعيد والتهديد أوبالفلوس وبصفقات السلاح حتي يصبح الجميع خاضع لها ، ومن الناحية التانية امريكا هتساعدها وهتخليها الكل في الكل وكل حاجة تخص العرب أو المسلمين هتكون من خلالها وهتكون شريك فيه لكن هذا الخضوع هيكون في الظاهر للمملكة أما في الباطن سيكون الكل بما فيهم المملكة تحت أمر امريكا وترامب والابنة الصغري اسرائيل التي تعيش أزهى عصورها على الاطلاق
هنقسم اليمن .. حاضر
هنقسم سوريا والعراق .. حاضر
نعمل مؤمرات عشان نخلص من مصر وجيشها .. حاضر
نشيل حفتر من ليبيا ونقسمها .. حاضر
حماس تكون خاضعة لأمريكا ومتجيش جنب اسرائيل وتعترف بيها .. حاضر
.
وعلي العموم :
مبروك على امريكا اموال الخليج ..
مبروك على اسرائيل إنهيار العرب وخضوعهم
مبروك على الصهاينة في كل مكان تقسيم وزعزعة الاستقرار في أركان وطننا العربي بمساعدة الخليج الوفي
مبروك عدم وجود قوة عربية مشتركة بمجهود رائع من المملكة السعودية على افشالها .
اللهم لا تؤاخذنا بما فعل السفهاء منا
.
----------------------------------
#المحارب_المصري_سامح_الجلاد