مبروك عليكم أول صفعة ، قصدي صفقة من ترامب .

شخلل عشان تعدي ..

===========

مبروك عليكم أول صفعة ، قصدي صفقة من ترامب .

النهاردة السعودية عملت حاجة كانت مفاجاة للدنيا كلها.. عملت صفعة قصدي صفقة بـ 110 مليار دولار كاش ، وحط عليهم 360 مليار خلال عشر سنين .

طبعا هتيجي في دماغك انها اتعاقدت علي 100 مقاتلة إف 35 وفتحت مصنع للإف 15 عشان تصنعها عندها وعلى حاملتين طائرات وحاملتين مروحيات وانشاء سلاح غواصات وأشترت 12 غواصة علاوة علي المدمرات وتصنيع لدبابات ابرامز .. الخ

لكن للأسف الجنازة حارة والميت كلب

السعودية اتعاقدت علي مروحيات البلاك هوك بتاعة نقل الأفراد اللي بتستخدمها القوات الخاصة والصاعقة ..يعني ياريتها هجومية ، وياريت هتصنعها دي هتجمعها فقط .. واتعاقدت علي فرقاطات من شركة لوكهيد مارتن ، ودي قطع بحرية كل دول العالم رفضتها فبدل الخساير قالك المملكة تشيلها .. وشوية صواريخ باتريوت علي دبابات ابرامز ، والحاجة الوحيدة اللي عليها القيمة منظومة ثاد الصاروخية ، وبرضه منظومة الإس 400 أحسن منها .

الصفقة دي بقى بعد العمولات و المصالح وكل حاجة ما تجبش أكتر من 30 مليار دولار لما يضربها الدم .. والباقي عبارة عن أتاوات للادارة الامريكية الجديدة .

.

ما هو ترامب قالها .. ابو بلاش خلاص راح زمنه .. كله بالفلوس .. ومفيش حاجة من غير مقابل

عايزنا نحميك من ايران .. عنينا ادفع

عايزنا نخرجك من اليمن ونساعدك .. ادفع

عايزنا نكبرك في المنطقة ونخليك جيمس بوند المنطقة يا محمد يا ابن سلمان .. ادفع

عايزنا منفتحشي ملفاتك في دعم داعش في سوريا والعراق ونفرض العقوبات ... ادفع

عايزنا نمدك بقطع الغيار وانت جيشك كله أمريكي ... ادفع

عايزنا نقف معاك ضد الشيعة والتمدد الايراني في اليمن وسوريا والعراق ولبنان .. ادفع .

عايزنا نحط قانون جاستا في الدرج ونطرمخ على الموضوع بتاع أحداث سبتمبر... ادفع

.

وطبعا اصبح واضح وضوح الشمس للجميع ان المملكة خاضعة كل الخضوع لأمريكا ومتقدرشي تكسر لها كلمة ادفع يعني ادفع واصبح واضح ان آل سعود اصبحت المنفذ لجميع الخطط الصهيوأمريكية بالمنطقة ..

وطبعا المخطط بيهدف ان المملكة تسيطر على الدول العربية والاسلامية بالوعيد والتهديد أوبالفلوس وبصفقات السلاح حتي يصبح الجميع خاضع لها ، ومن الناحية التانية امريكا هتساعدها وهتخليها الكل في الكل وكل حاجة تخص العرب أو المسلمين هتكون من خلالها وهتكون شريك فيه لكن هذا الخضوع هيكون في الظاهر للمملكة أما في الباطن سيكون الكل بما فيهم المملكة تحت أمر امريكا وترامب والابنة الصغري اسرائيل التي تعيش أزهى عصورها على الاطلاق

هنقسم اليمن .. حاضر

هنقسم سوريا والعراق .. حاضر

نعمل مؤمرات عشان نخلص من مصر وجيشها .. حاضر

نشيل حفتر من ليبيا ونقسمها .. حاضر

حماس تكون خاضعة لأمريكا ومتجيش جنب اسرائيل وتعترف بيها .. حاضر

.

وعلي العموم :

مبروك على امريكا اموال الخليج ..

مبروك على اسرائيل إنهيار العرب وخضوعهم

مبروك على الصهاينة في كل مكان تقسيم وزعزعة الاستقرار في أركان وطننا العربي بمساعدة الخليج الوفي

مبروك عدم وجود قوة عربية مشتركة بمجهود رائع من المملكة السعودية على افشالها .

اللهم لا تؤاخذنا بما فعل السفهاء منا

.

----------------------------------

#المحارب_المصري_سامح_الجلاد

مبروك عليكم أول صفعة ، قصدي صفقة من ترامب . 18581487_1870700533177856_6354671289294328963_n

مبروك عليكم أول صفعة ، قصدي صفقة من ترامب . 18557102_1870700609844515_5461472192383579862_n

ﻫﻲ ﺯﻳﺎﺭﺓ ﺗﻄﻴﻴﺐ ﺧﻮﺍﻃﺮ ﻻ ﺃﻛﺜﺮ ، ﻭﻣﺎﻟﻬﺎﺵ ﻋﻼﻗﺔ ﺑﺎﻟﺴﻴﺎﺳﺔ ... ﻭﺗﺮﺍﻣﺐ ﺗﺎﺟﺮ ﺷﺎﻃﺮ ، ﻭﺑﻴﻌﺮﻑ ﺇﺯﺍﻱ ﻳﻀﺤﻚ ﻋﻠﻰ ﺍﻟﺰﺑﻮﻥ .

ﺇﻳﻪ ﺍﻟﻠﻲ ﻣﻤﻜﻦ ﺗﺪﻳﻪ ﺍﻟﺴﻌﻮﺩﻳﺔ ﻷﻣﺮﻳﻜﺎ ؟

ﺍﻟﻔﻠﻮﺱ ؟

ﺍﻟﻔﻠﻮﺱ ﻛﺪﻩ ﻛﺪﻩ ﻣﻮﺩﻋﺔ ﻓﻲ ﺑﻨﻮﻛﻬﺎ ، ﻭﺃﻣﺮﻳﻜﺎ ﻣﻤﻜﻦ ﺗﺠﻤﺪ ﺍﻟﻮﺩﺍﻳﻊ ﺩﻱ ﻓﻲ ﺃﻱ ﻭﻗﺖ ... ﺳﻮﺍﺀً ﺑﻘﺎﻧﻮﻥ " ﺟﺎﺳﺘﺎ " ﺃﻭ ﻣﻦ ﻏﻴﺮﻩ . ، ﻭﺗﺠﻤﻴﺪ ﺍﻟﻮﺩﺍﻳﻊ ﺩﻩ ﺣﺼﻞ ﻗﺒﻞ ﻛﺪﻩ ﻛﺬﺍ ﻣﺮﺓ .

ﺍﻟﺒﺘﺮﻭﻝ ؟

ﺍﻟﺒﺘﺮﻭﻝ ﻛﺪﻩ ﻛﺪﻩ ﺃﻣﺮﻳﻜﺎ ﺑﺘﺎﺧﺪ ﻛﻞ ﺇﺣﺘﻴﺎﺟﺎﺗﻬﺎ ﻣﻨﻪ ﺳﻮﺍﺀ ﻣﻦ ﺍﻟﺴﻌﻮﺩﻳﺔ ﺃﻭ ﻣﻦ ﻏﻴﺮﻫﺎ ، ﻭﺑﺎﻟﺬﻭﻕ ﺃﻭ ﺑﺎﻟﻌﺎﻓﻴﺔ ... ﻭﺍﻟﻠﻲ ﺭﺑﻨﺎ ﻣﺪﻳﻠﻪ ﺷﻮﻳﺔ ﺑﺘﺮﻭﻝ ﻻﺯﻡ ﻫﻴﺒﻴﻌﻬﻢ ... ﻣﺶ ﻫﻴﺸﺮﺑﻬﻢ ﻳﻌﻨﻲ ، ﺩﻩ ﻏﻴﺮ ﺇﻥ ﺃﻣﺮﻳﻜﺎ ﺑﺎﻟﺘﺪﺭﻳﺞ ﻫﺘﺴﺘﻐﻨﻰ ﻋﻦ ﺑﺘﺮﻭﻝ ﺍﻟﺨﻠﻴﺞ ﺑﺎﻛﺘﺸﺎﻓﺎﺕ ﺍﻟﺒﺘﺮﻭﻝ ﺍﻟﺼﺨﺮﻱ ﺍﻟﻠﻲ ﻋﻨﺪﻫﺎ ، ﻭﺑﻤﺼﺎﺩﺭ ﺗﺎﻧﻴﺔ ﻛﻤﺎﻥ .

ﺻﻔﻘﺎﺕ ﺍﻟﺴﻼﺡ ؟

ﺍﻟﺴﻌﻮﺩﻳﺔ ﺃﻛﺒﺮ ﻣﺸﺘﺮﻱ ﻟﻠﺴﻼﺡ ﻓﻲ ﺍﻟﻌﺎﻟﻢ ﻣﻦ ﺃﻣﺮﻳﻜﺎ ، ﺳﻮﺍﺀً ﻛﺎﻥ ﻓﻴﻪ ﺑﻌﺒﻊ ﺇﻳﺮﺍﻥ ، ﺃﻭ ﺃﻣﺮﻳﻜﺎ ﺧﻮﻓﺘﻬﻢ ﺑﺒﻌﺒﻊ ﺇﺳﺮﺍﺋﻞ ، ﻭﻻ ﺍﻟﻴﻤﻦ ، ﻭﻻ ﺍﻟﻌﺮﺍﻕ ... ﻭﻻ ﺣﺘﻰ ﺳﻮﺭﻳﺎ ﻟﻤﺎ ﺗﺸﺪ ﺣﻴﻠﻬﺎ .

ﻭﺗﺮﺍﻣﺐ ﻋﺎﺭﻑ ﺇﻧﻪ ﺑﻴﺘﻌﺎﻣﻞ ﻣﻊ ﺩﻭﻟﺔ ﺑﺘﺸﺘﺮﻱ ﻣﻨﻪ ﺃﻗﻮﻯ ﺗﺮﺳﺎﻧﺔ ﺳﻼﺡ ﻓﻲ ﺍﻟﻤﻨﻄﻘﺔ ، ﻟﻜﻦ ﻣﺶ ﻫﺘﻌﺮﻑ ﻭﻻ ﺗﻘﺪﺭ ﺗﺴﺘﺨﺪﻣﻬﺎ .

ﻟﻜﻦ ﺇﻧﺖ ﻋﻨﺪﻙ ﺃﻗﻮﻯ ﺟﻴﺶ ﻓﻲ ﺍﻟﻤﻨﻄﻘﺔ ، ﻭﻗﺎﺩﺭ ﺗﺤﻤﻲ ﺣﺪﻭﺩﻙ ﺍﻟﺼﻌﺒﺔ ... ﻭﻛﻤﺎﻥ ﺗﺤﻤﻲ ﻋﻤﻘﻚ ﺍﻹﺳﺘﺮﺍﺗﻴﭽﻲ ... ﻭﺗﺤﻤﻲ ﺩﻭﻝ ﺍﻟﺨﻠﻴﺞ ﻧﻔﺴﻬﺎ ﻣﻦ ﺃﻱ ﺗﻬﺪﻳﺪﺍﺕ ﺧﺎﺭﺟﻴﺔ .

ﻓﺎﺿﻞ ﺇﻳﻪ ﺗﺎﻧﻲ ؟

ﺍﻟﻌﺎﻟﻢ ﺍﻹﺳﻼﻣﻲ ؟

ﻣﻔﻴﺶ ﺣﺎﺟﺔ ﺇﺳﻤﻬﺎ ﺍﻟﻌﺎﻟﻢ ﺍﻹﺳﻼﻣﻲ ﺃﺻﻼً ... ﺍﻟﻌﺎﻟﻢ ﺍﻹﺳﻼﻣﻲ ﺩﻩ ﻣﺶ ﺑﺲ ﻫﻮ ﺍﻟﻌﺎﻟﻢ ﺍﻟﻌﺮﺑﻲ ، ﺩﻩ ﻓﻴﻪ ﺃﻧﺪﻭﻧﻴﺴﻴﺎ ﻭﻣﺎﻟﻴﺰﻳﺎ ﻭﺑﺎﻛﺴﺘﺎﻥ ﻭﺗﺮﻛﻴﺎ ﺍﻟﺪﻭﻝ ﺍﻟﺴﻨﻴﺔ ، ﻭﻓﻴﻪ ﺇﻳﺮﺍﻥ ﺍﻟﺪﻭﻟﺔ ﺍﻟﺸﻴﻌﻴﺔ !!! .

ﻭﻛﻞ ﺩﻭﻝ ﻋﻨﺪﻫﻢ ﻣﺼﺎﻟﺢ ﻣﺨﺘﻠﻔﺔ ، ﻭﻣﺘﻀﺎﺭﺑﺔ ﻓﻲ ﻣﻌﻈﻢ ﺍﻷﺣﻴﺎﻥ ... ﻭﻋﻤﺮﻫﻢ ﻣﺎ ﻫﻴﺴﻠﻤﻮﺍ ﻗﻴﺎﺩﺗﻬﻢ ﻟﻠﺴﻌﻮﺩﻳﺔ ﻋﻠﺸﺎﻥ ﺑﺎﻟﺼﺪﻓﺔ ﻋﻨﺪﻫﺎ ﺍﻟﺤﺮﻣﻴﻦ .

ﺍﻹﺳﺘﻘﺮﺍﺭ ؟

ﻛﻞ ﺃﺟﻬﺰﺓ ﺍﻹﺳﺘﺨﺒﺎﺭﺍﺕ ﻭﻣﺮﺍﻛﺰ ﺍﻟﺪﺭﺍﺳﺎﺕ ﺍﻷﻣﺮﻳﻜﻴﺔ ﻭﺍﻟﻐﺮﺑﻴﺔ ﻋﺎﺭﻓﺔ ﺇﻥ ﺍﻟﺴﻌﻮﺩﻳﺔ ﻓﻴﻬﺎ ﺻﺮﺍﻉ ﺩﺍﺧﻠﻲ ﻋﺎﺋﻠﻲ ﻋﻠﻰ ﺍﻟﺤﻜﻢ ، ﻭﺇﻥ ﻣﻌﻈﻢ ﺁﻝ ﺳﻌﻮﺩ ﻣﺶ ﻣﻮﺍﻓﻘﻴﻦ ﻋﻠﻰ ﻣﺤﻤﺪ ﺑﻦ ﺳﻠﻤﺎﻥ .

ﻳﺒﻘﻰ ﻓﻲ ﺍﻟﻨﻬﺎﻳﺔ ﺗﺮﺍﻣﺐ ﺩﻩ ﺭﺍﺟﻞ ﻣﻄﻴﺒﺎﺗﻲ ، ﻭﺭﺍﻳﺢ ﺑﺲ ﻋﻠﺸﺎﻥ ﻳﺤﻠﻞ ﺍﻟﻜﺎﻡ ﻣﻠﻴﺎﺭ ﺍﻟﻠﻲ ﻫﻴﺎﺧﺪﻫﻢ " ﻓﺮﺩﺓ " ﻣﻦ ﻋﻨﺪﻫﻢ ... ﻭﻳﻘﻮﻟﻬﻢ ﺃﻧﺎ ﺟﺎﻱ ﺃﺧﺪ ﻓﻠﻮﺳﻜﻢ ، ﺑﺲ ﺑﻤﺰﺍﺟﻜﻢ .

ﻭﻫُﻢ ﻣﺒﺴﻮﻃﻴﻦ