Hesham Hossam Maaly
(مين يا مصر ...؟!!)
----------------------
(1)
مين يا مصر عايز يسرق ويقتل فرحتنا بده العيـد ؟
مين بـده دمنـا يفضل يسيل وكل يـوم فيضـه يزيد ؟
مين عايز جروحنـا مفتوحـة فى كل ذكـرى وعيـد ؟
مين بـده ينز تملى فى نفـوسنا ويقيَحـها بالصديد ؟
مين بـده نمـوت بعذاب فُـرقة ومُر مشاعر التحييد ؟
(2)
مين بينعَتنـا بعـار الخيـانة ويوصِمنا بمهانـة العبيد ؟
مين فاكـرنا مُجرد آفـات وقتلنـا هو علاجنـا الوحيد ؟
مين خلى الضـلال حـاكـم تَقِـى وولى طـاهر رشــيد ؟
مين رافـض يفهم وبـوبـاء الغبـاء مـريـض وعنـيـد ؟
مين عايز وطنـه يفضل تملى خـانـع واهـن وقعـيـد ؟
(3)
مين اللى بيتظاهر علشان هـم طـافح ووهـم بعـيد ؟
مين بيزرع لنا مُـر الشر ويسلم علينا بنفس الإيـد ؟
مين قـلد عـدونا فى تشويـه شـرف نصرنا المجيد ؟
مين بيحرَم وقوفنـا لتحيـة العـلم وترديـدنا للنشيد ؟
مين خسارة فيه كلمة مصــرى جدع إبن بـلد أكيد ؟
(4)
مين بده نـركـع ونحتـاج وتمـلى نِشـحَت بمـد الإيـد ؟
مين واقـع فى عِـب خيانة وفَحيـح سِمُه للخيـر يبيد ؟
مين بيلون فى حُكى نِفـاق وفى ظُلمه قـوى وشديد ؟
مين كل ما يهدى بُكـانا يطلب من صُراخنـا المـزيـد ؟
مين مش حاسس بآهـة وجع وحسـرة كل أم شهيد ؟
(5)
مين مِدارى وراء عَبـاية الديـن بفِسـق وقـح عِربيد ؟
مين كـب كل ألاعيبـه وما عـادش ليه عنـدنا رصيـد ؟
مين بيهتف بشرعية واطيـة بكـف ناقـص من الإيـد ؟
مين بينـادى بمُصالحـة وغُفـران ببـراءة طفـل وليـد ؟
مين بده مصر تبقى إمـارة فى وهـم أستـاذية السيـد ؟
(6)
مين حرق مصالح وبيـوت وتُراث وطن نادر وفـريد ؟
مين روع ناس ودمر كنائس ودنس مساجد التوحيد ؟
مين مـول إرهاب وهد سجون وخلى نار مصــر تقيد؟
مين نفسه كل مصـرى ضده يبقى تايه ذليـل وشريد ؟
مين عايز شر الفتنـة والكُره يكـونوا ملجأنا الوحيـد ؟
(7)
مين كاره تراب مصر وشامت فى طُهر دم الشهيد ؟
مين تفكيره ضايع ومُحتج فاشل ومُغيب بعقـل بليد ؟
مين غـاوى هَرتَلة زى البغبغان بيُرط ويعيد ويزيد ؟
مين بينشر عُهـر سب الوطن ويمنح الخائن التأييد ؟
مين اللى خان الثـورة وأجرم وتاجر بـدم كل شهيد ؟
( مهما كنت يا مين مصر باقية راسخة كالوتد العتيد ؟
لا يهزها جحود ولاد ضالة ولا صلف جُهال رعاديد ؟
مصر حافظها ربى ليوم الدين ضد أى شيطان مريد ؟
مصر رازقـها ربى بحُماة تُرابها جُنـد أبطال صَناديد ؟
مصر كنانته فى أرضه سبحانه ربى القـوى المجـيد ؟
- الكاتب .. هشام معالى
- نُشرت www.facebook.com/DqtQlbZaydt فى الأثنين 14 أكتوبر 2013