الأخ زومة العاشق بيقدم لنا النهاردة مثال حي على الوضاعة والنفاق الاجتماعي والمتاجرة الرخيصة بآلام ناس هو ما يعرفش عنهم أي حاجة...

Mohammed Haffz

.....................

الأخ زومة العاشق بيقدم لنا النهاردة مثال حي على الوضاعة والنفاق الاجتماعي والمتاجرة الرخيصة بآلام ناس هو ما يعرفش عنهم أي حاجة... مش بس مثال حي على الوضاعة..دا بيقدم لنا مثال صارخ على ضيق الأفق والغباء السياسي

الأخ زومة بيتسائل في وساخة جرذ حقير.. يا ترى تمن طيارة واحدة رافال كان ممكن توصل مياه نظيفة لكام مليون مصري ؟ وكأنه مطلوب مننا نتنازل عن سيادتنا وأمننا عشان ناكل ونشرب .. وكأن كل دول العالم اللي بتسلح نفسها بتكون مغرقة شعوبها في أنهار اللبن والعسل في الأول ، وبعد ما الشعب يستكفى من كل حاجة بتبتدي الدولة تفكر في جيشها وتسليحه

الأخ زومة العاشق ما يعرفش مثلا ان الهند اشترت السنة اللي فاتت 120 طيارة رافال في الوقت اللي 30% من نساء الهند معندهومش مراحيض يقضوا فيها حاجتهم ، وانه وهو ماشي في شوارع نيودلهى العاصمة، هيشوف فى كافة الشوارع الفقيرة والغنية منها بوسط البلد وفى الأزقة والحارات آلاف الهنود النائمين على الأسفلت بلا مأوى

الأخ زومة العاشق ما يعرفش ان البرازيل قررت برضه تشتري نفس الطيارات الرافال في الوقت اللي فيه البرازيل بتعاني من تجارة الرقيق الأبيض وانتشار الدعارة ونص مواليد البرازيل هم أبناء سفاح بسبب الفقر

الأخ زومة العاشق ما يعرفش انه لو ساكن في بيت في وسط الصحراء هيكون مضطر يصرف نص دخله الشهري على وسائل تأمين نفسه وبيته من هجمات الديابة والتعابين والعقارب ، دا غير انه بيضطر يدفع للي يحميه من عصابات البدو وقطاع الطرق

الأخ زومة ما يعرفش انه لولا وجود القوة اللي بتحمينا كان زماننا عايشين لاجئين في المخيمات على الحدود بنأكل من الأكل اللي بترمهولنا طيارات منظمات الإغاثة ونشرب ميه معدنية من أيدي مندوبي الأونروا والأمم المتحدة

الأخ زومة العاشق مش معارض سياسي ولا مناضل ولا دياولو..دا مجرد نخاس وتاجر مشاعر رخيص ، زيه زي غيره من تجار الثورات وسماسرة الشعوب ومقاولي خراب الأوطان

الأخ زومة العاشق مجرد ضبع جبلي حقير.. ووضيع

Hany Saab

.....................

امبارح لما قرأت التويته بتاعت حازم عبد العظيم اللى بيقول فيها ليه نشترى طيارات رافال بدال ماندخل مايه وكهربا...حسيت بحزن شديد..واسترجعت ذكريات ثوره يناير اللى كنت فرحان بيها فى البدايه ولكن اكتشفت انها اسوأ شئ حدث لمصر فى قرن من الزمن على الاقل..واتت بشخصيات شاذه فكريا لو كان فى اسرائيل نصفها لانهارت...المشكله هى اللعب على العقول..انك تقول للناس كلام يبدو منطقى وجميل وتلعب على وتر الفقراء وانك حريص على الفقراء لكن فى باطن الكلام السم والفوضى واللامنطقيه

يعنى يا اخ حازم عبد العظيم انت واللى زيك من مخلفات يناير قرفتونا وانتو شويه حثاله فكريه وكلامكم ميستحقش غير صفيحه زباله..

المشكله انكم بتقولوا الشئ وعكسه

يعنى انا مثلا احترمك لما تكون صريح وتقول يا اخواننا احنا عايزين ناكل بس ونشوف اى دوله تحتلنا وتصرف علينا..ولا ندى لامريكا كام حته ارض تعمل فيها قواعد عسكريه وتحمينا ونوفر فلوس الجيش والطيارات وبنزين الطيارات وجراجات الطيارات والسايس بتاع الطيارات

لكن انت بتضاد نفسك..بتعاكس نفسك...منين مش عايز جيش ومنين مش عايز هيمنه امريكيه ولا هيمنه اسىرائيليه ومنين واقف مع الناصريين العروبيين اعداء اسرائيل..ولا انت هتحارب اسرائيل بالفكر؟؟ ولا انت خطتك اننا نستخدم الفلوس دى ونأكل الشعب كويس علشان تبقى صحته حلوه ويعرف يجرى وقت الحرب؟

هو امريكا عمرها حاربت روسيا؟؟؟ لأ..اومال روسيا بتتسلح ليه؟؟ بتتسلح علشان لو امريكا حست ان روسيا ضعفت وبطلت تنتج او تشترى سلاح وبقت تشترى ساندوتشات كبده امريكا هتطمع فيها وهتهاجم مصالحها بدون خوف

المشكله ان ثوره يناير جابت حثاله بيزايدوا على قيم جميله ومزايداتهم باطنها الخراب

يعنى عايزنا نوزع فلوس الجيش على الفقراء( قلبك حنين على الفقراء يا عينى) وفى نفس الوقت عايزنا نبقى ند لاسرائيل

عايز الناس تتظاهر ليل نهار وعايز مستثمر يجيلك علشان يشتغل فى الفوضى ومصنعه يتحرق بكام ملوتوف وعايز سايح يجيلك علشان يتحرشوا بيه او بزوجته فى التحرير

عايز وعايز وعايز وعايز وعمال تنتقد وتغازل الفقراء او تغازل اللى بيتكلموا عن الحريه وكل كلامك سم وغير منطقى وبيحرض الناس ضد جيشها وضد بلدها ويودى فى داهيه

» قاض جنايات الزقازيق المرتشي إبنه بيقدم إستقالته النهاردة من مجلس الدولة
» مجلس النواب النهاردة بيرفع مرتبات الوزراء.
» أزمة الصواريخ الكوبية ... مثال لما سيتم بين روسيا وتركيا
» بعد فشل قناة الجزيرة العميلة تتجه قطر نحو مواقع التواصل الاجتماعي !!!
» 7 أمور لايجب أن تشاركها علي مواقع التواصل الاجتماعي الفيس بوك وتويتر