صورة التلميذة دي بتتشير بكثافة على بيدجات الاخوان و شمامين الكولة وهما بيتريقوا على مصر ووزير التربية و التعليم والسيسي

مع ‏‎Mohammed Haffz‎‏.

******************

* صورة التلميذة دي بتتشير بكثافة على بيدجات الاخوان و شمامين الكولة وهما بيتريقوا على مصر ووزير التربية و التعليم والسيسي ، وهاتك بقى يا افيهات رقيعة من عينة : مش مهم يا حبيبتي الفصل والديسك .. المهم انك تاخدي التابلت

* المفاجأة بقا انك لما تعمل سيرش سريع على جوجل هتكتشف ان الصورة من العراق ، وان مصدرها هو موقغ " المرصد " العراقي بعد سخرية العراقيين من قرار المسئولين العراقيين الشيعة تطوير المكان اللي توضأ فيه مرشد الايرانيين الخوميني و تحويله الي مزار مقدس و ازاي يصرفوا علي مكان زي ده و يهملوا تطوير المدارس العراقية الأولى بالتطوير و بيستشهدوا بصورة البنت دي ..

•• ومش فاهم بصراحة إيه حكاية يتامى الباندا مع العراق ... لأن دي تاني صورة مضروبة ينشروها وتطلع من العراق وتحديدا من الصفحات الشيعية

.

■ كل ده يخليني أفكرككم وأفكر نفسي معاكم بالقاعدة اللي اتفقنا عليها قبل كده ..القاعدة اللي بتقول : شوف أراذل البنا ومراكيبهم ماشيين في اتجاه ، وامشي عكس اتجاههم تماما

، وخلّي "الترمومتر" بتاعك هو قناة الجزيرة وصفحات يتامى الباندا ومراكيبهم ، الترمومتر ده استعمله دايما لما يكون فيه حاجة عايز تعرف هل هي صح واللا غلط بدون الدخول في تفاصيلها ، وهل فيها خير للبلد واللا لأ ..

● ويكفي بس انك تدخل تلقي نظرة بسيطة وتشوف .. لو لقيتهم بيهاجموا قرار أو اتفاقية أو مشروع معين بيتعمل في البلد ، اعرف على طول وبدون أدني شك ان القرار أو الأتفاقية أو المشروع ده فيهم خير كتير للبلد ولشعبها ..

● والأمثلة علي كده كتير؛ من أول الهجوم اللي كانت بتشنه الجزيرة وتوابعها على اتفاقيات ترسيم الحدود البحرية بين مصر وقبرص ، واتضح فيما بعد ان اتفاقيات ترسيم الحدود البحرية كان فيها خير كتير لمصر، فبالاضافة للاطاحة بحلم شخلول أسطنبول في السيطرة على غاز المتوسط ، فقد تمكنت مصر بفضل هذه الاتفاقية من التنقيب عن الغاز في مياهها الاقتصادية وحققت الأكتفاء الذاتي من الغاز وودعت الاستيراد اللي كان بيكلف الدولة مليارات الدولارات سنوياً ، وكل ده نتيجة اتفاقية ترسيم الحدود البحرية اللي كانت من 3 سنين بتتهاجم علي الجزيرة وتوابعها وبيتعملها كوميكات وبرامج شبه يومية .

● بالاضافة للهجوم علي مشروع علاج فيروس سي في بداية اطلاقه من نفس القناة ونفس الصفحات واللي اتضح فيما بعد انه كان فيه خير لملايين المصريين اللي تم علاجهم من المرض وتخفيف آلامهم ، وغيرها كده من الأمثلة .

.

■ #المهم ، وبالنظر للي فات ده كله هتقدر ببساطة تتأكد دلوقتي ان موضوع #تطوير_التعليم فيه خير كتير للمصريين ولولادهم ، وده يفسرهولك كم الهجوم اللي بتشوفه كل يوم من هذه المواقع والصفحات المعادية لمصر وشعبها على مشروع تطوير التعليم وعلى الوزير المحترم بأكاذيب وتحريض وفيديوهات بيتم فبركتها وتصديرها للعوام لإفشال خطة تطوير التعليم .

.

■ #الخلاصة : عمر عدوك ماهيشيد بحاجة فيها خير ليك أو لبلدك او لولادك ، ودايماً هتلاقيه بيهاجمك لو شافك ماشي في الطريق الصح وهيشيد بيك لو لقاك ماشي في الطريق الغلط ، وعشان كده ، خلّي بوصلتك دايما عكس أي تريند يخترعوه أو يركبوه ، وعكس أي موضوع يزيطوا بيه ويتبنوه ويسخنوا فيه ، وكن متأكد تماما ان ده هو الاتجاه الصحيح ، لأنهم مش عايزين للبلد دي غير الخراب

.

• لينك الخبر من الموقع العراقي أول كومنت لعشاق المصادر

.

#أدعم_طارق_شوقي

.

-------------------------------------------

Mohamed Ali & Mohamed Ibrahim