حروب الوعى...يعنى أية اصلاح اقتصادى

احمد أحمد جنديه

*****

يعنى أية اصلاح اقتصادى

يعنى رب أسرة دخله 1000 جنيه ومصاريف أسرته والتزاماته 1200 جنيه كل شهر يستلف ال 200 جنيه بدون ما يفكر فى اصلاح حاله والعمل على زيادة دخله أو يعيش فى حدود دخله الى ان زادة ديونه .. وصاحب الديون رفع قضية بعد ما وجد صعوبه فى الحصول على حقة .. كل فترة يفكر فى بيع شىء ممن يملكة (الخصخصة) يسدد جزء من الدين ويدعم مصاريف الاسرة فترة ويرجع تانى لنقطة الصفر .. الاسرة عايشة ومش حاسه مما يحدث المهم عندها 1200 جنية مصاريف الاسرة كل شهر .. طيب رب الاسرة لو فضل على كدة هيتحبس نظير الدين اللى عليه وهنا هيتوقف دخل الاسرة ومش هتجد ال 1000 جنيه ولا ال 200 جنية وبل مطالبه بسدد الدين كمان (دة سقوط الدولة اقتصاديا كما حدث من سنوات باليونان ) فرب الاسرة قرر انه لا يصل لهذه المرحلة فجلس مع أسرته واعلن عليهم الوضع بكل شفافيه وعرض عليهم خطورة الموقف .. وطالب منهم المشاركة فى تحمل المسئولية .. بالعمل .. لزيادة دخل الاسرة والاقتصاد فى طريقة العيشة وتحمل الصعاب لانقاذ البيت من التشرط والانهيار لنصل لحياة كريمة ونحقق مستقبل أفضل للجميع .. وقرر عمل اصلاح اقتصادى من أجل مستقبل افضل لاسرتة .. اولا قرر انه يشتغل بجانب عمله فى الاجازة وبعد الانصراف من جهة عملة الاصلية كسائق وعمل جدولة لديونه وحدد لاسرته 800 جنيه لمصاريفهم و 200 جنيه لسداد الديون .. ودة ال 1000 جنيه بتاعة عمله الاصلى .. ومن شغلة كسائق دخل جمعية مع بيع جزء من مدخراته اشترك فى سيارة بالتقسيط .. وبدء يكون لية دخل اخر يعمل بيه مستقبل طيب لاسرتة ووضعهم فى وضع امن أقتصاديا وأهتم بتعليم اولادة ووصلهم لاعلى درجه بالتعليم مما اتاح لهم احسن فرص عمل كانت خير على الاسرة جميعا .. وكان صبرهم جميلا

» حروب الجيل السادس GW6 (حروب الجن)...بقلم/كامل عشرى.
» أنها معركة الوعى يا سادة
» يعنى ايه مؤشر البورصه ؟
» الحرب الإعلامية ودورها فى حروب العصر الحديث.
» حروب الردة..