Mohammed Haffz
14 ساعة ·
أصله ما استلمهاش دبي ولا فيينا على فكرة !! دا مستلمها خربانه بالمعنى الحرفي للكلمة:
أزمة فى الغاز والبنزين وطوابير بالـ 3 كيلو على محطات الوقود و مستودعات الأنابيب ..
أزمة فى الكهرباء اللى كانت بتقطع فى اليوم فى بعض الأماكن بالـ 7 ساعات وأكثر ..
خبز وتموين بلا منظومة وناس بتموت بعضها على طوابير العيش !!!
جماعة مارقه ماسكة الحكم نجحت فى أخونة معظم أجهزة الدولة ...
إرهاب أسود وقنبلة لكل مواطن وتفجير فى كل مكان ..
سياحة تم تدميرها على مدار أربع سنين من 2011 الى 2014 وقطاع كامل قاعد فى البيت من غير شغل ...
إضرابات ووقفات إحتجاجية فى المصانع والشركات وكل مكان ، وشعب محدش عارف يكلمه ولا ياخد معاه حق ولا باطل ..
عيال شمامة عايشة فى دور الشرعية للميدان واللى تعوز تاخده إعمل له مليونية ووقّف حال الدولة ..
أراضى زراعية تم إغتصابها بمنتهى الوحشية وإتزرعت غابات أسمنت من ناس مجرمة إستغلت عدم وجود دولة فى بعض الفترات ..
شرطة لسه بتتعافى من صدمة مُدمرة ولسه مش قادرة تقف على حيلها ..
مسيحيين متبهدلين ونص كنائس البلد محروقة وحوادث فتنة طائفية فى كل مكان وخناقات عائلات فى الصعيد بيروح فيها العشرات ...
إقتصاد تم تدميره ومصانع قفلت وإستثمارات هربت ..
دول كتير مقاطعانا وعضوية متجمده فى أفريقيا ودور ريادي جريح وأيادي خبيثة مزروعة في قلب الوطن ..
جدران مصالح ومؤسسات البلد بتنشع فساد وسرقة ..
بلطجة و قلة أدب وإجرام حتى فى الرياضة والإستادات ..
ناس ليها تار عند ناس وواقفين على حيلهم فى وضع إستعداد للإنقضاض عليهم ..
جيش بيتحارب وبيتم التشكيك فيه فى كل مناسبه وموقف ..
إعلام عميل عويل مجرم ماسك معول ونازل هدم وتخريب ..
ومن بعد 30 يونية ، شوف مواردك وإيه اللي نقص منها (سياحة وانضربت - تحويلات مصريين في الخارج ونقصت جدا بعد رجوع المصريين في ليبيا ، وأدي السعودية شكلها هتحصلها .. صادراتك لبلد زي ليبيا وخلاص بقت بح لأن مفيش حد هناك بيشتري..صادراتك لأوروبا وأمريكا وبيضربوهالك بحرب الاشاعات.. جوه مفيش حد بيشتغل بما يرضي ربنا .. ومن ساعة يناير شوف كام مصنع اتقفل وكام مستثمر ساب البلد وخلع ..دا غير لوبي رجال أعمال مبارك اللي بيحاربوا الرئيس ..) ، ومن ناحية تانية ، شوف كمان مصاريفك وإزاي زادت ( بند المرتبات لوحده زاد في خمس سنين من 78 مليار جنيه لـ 218 مليار جنيه ، ومش هتكلم عن المشاريع العملاقة اللي إتعملت في خلال سنتين فقط ) .. كل ده غير الحرب السياسية والاقتصادية اللي معمولة عليك من الخارج ، وغير مصاريف الحرب اللي بنخوضها ضد ميليشيات الإرهاب في سيناء
.
هو احنا ليه بنعمي عنينا عن الحقيقة ؟! لولا فضل ربنا اللي رزقنا بجيش زى ده ورئيس زي ده .. كان زماننا بنقول كان فيه في الحته دي على الخريطة بلد إسمها مصر !!
بلاش بطر على نعمة وعطاء ربنا لتزول من وشنا بقى !!!
.
------------------------
By: Tamer Azab