Mohammed Haffz
18 ساعة ·
اللي نشر لنا زمان أيام الربيع الأسود.. مقال عبيط عن "رئيس أمريكا اللي الموظفة طلبت بطاقته فاضطر يروح البيت الأبيض يجيبها.. عشان القانون قانون".. دلوقتي عمل أعمى عن صورة وزير الداخلية المصري و هو بيتفتش عند بوابة إليكترونية.. لأول مرة من عقود...
.
اللي كان دايما بيتشدق لنا بحقوق الفقراء والغلابة و حقهم في حياة آدمية ، دلوقتي "متضايق" من مساكن تحيا مصر و الدويقة و الأسمرات و غيط العنب الجديدة.. دلوقتي بيحاول يطلع فيهم اي عيب..مرة يقول دي الجمعيات مولت.. ومرة تانية يقول أصل الملاعب قريبة أوي من البيوت .. أي حاجة وأي هري .. يعني مش بس عامل نفسه مش شايفهم.. دا "متضايق" إن الناس سكنت في بيوت نضيفة !!!
.
واللي قالك "مبارك قضى علي حلم مصر النووي.. و إسرائيل عندها نووي" ، قاعد دلوقتي ليل نهار بيسخر من مفاعل الضبعة النووي الجديد..
و اللي قال لنا "القناة بتتسرق وفلوسها بتروح للرئاسة " ، لما اتعمل لها توسعة و قناة جديدة ، القناة فجأة بقت مجرد ترعة إتعمل لها "تفريعة" و الاتنين بيخسروا"...
.
قالولنا العيش و أكل الغلابة.. فلما العيش إتحسن ونزل في التموين زيت نضيف و سمك و لحوم و دجاج.. عملوا نفسهم مش واخدين بالهم..
.
و اللا لما المحتاج لقى أنبوبة الغاز بسهولة و يسر....
لما المحتاج إتوفر له الوقود.. بقى جل حلمهم تحصل أزمة مصرية سعودية.. فيشح الوقود و ترجع الأزمة...
اللي ياما إتريق زمان وقالك السيسي بيشتغل عند الكفيل السعودي عشان الرز ، دلوقتي لما حصل إختلاف في وجهات النظر ومصر أخدت قرار باستقلالية تامة ، بيقولك السيسي ضيع أهم حليف عنده
.
اللي هتف لنا "سلمية" ، النهاردة بيقول لنا "لازم تموتوا عشان احنا نعيش" و بيدعم الإرهاب في كل مكان علي سطح الأرض بدعوى الثورة و المصالحة.. لو قامت ثورة في لبنان فهو أول داعم وأول مؤيد .. في ليبيا.. سوريا.. اليمن.. مع إنك لو جبتله خريطة صماء و قلتله شاورلي علي لبنان.. ممكن يشاورلك على السنبلاوين..
ومع إنه ثوري وكده ، بتلاقيه يزعل أوي لو قامت "ثورة الإسكان" في إسرائيل.. و يتحرق دمه لو حصلت احتجاجات في إثيوبيا.. و يعمل مش شايف احتجاجات أمريكا...
يسمي لك التفجيرات و الدروع البشرية و القتل و الحرق و قلة الأدب و الانحطاط "ثورة و مقاومة" و "معارضة معتدلة" في سوريا.. إنما لما تحصل في تركيا يسميها "إرهاب".
.
بتوع "ارتقوا فإن القاع قد ازدحم" ما بتسمعش منهم النهاردة إلا أقذر ألفاظ تتبرأ منها أوسخ بلاعة مجاري علي سطح الكوكب.. مع كذب متواصل و شائعات 24 ساعة..
الظاهر الكل ارتقى و القاع بقى رايق شوية.. فقرروا ينزلوا تاني لحضيض البكابورت.. سفالة و تفاهة و انحطاط.. من شخص المفروض بيقنعنا إننا نجربه كحاكم..
.
اللي قالوالنا "مبارك ضيع إفريقيا" دلوقت عاملين نفسهم مش شايفين العلاقات المصرية الإفريقية و العمق الإفريقي.. دول مش بس عاملين نفسهم مش شايفين ، دول اتريقوا لما زعماء الدول الأفريقية جم لمصر في مؤتمر شرم الشيخ ، وقالك دا جايب شوية فقرا شحاتين مالهومش لازمة ، و فرحوا جدا لما مسئولة إفريقية قالت "المصريين قالوا علينا كلاب عبيد" و زعلوا لما الكاميرات و أجهزة التسجيل كذبتها.
.
اللي سخروا من عفاف شعيب زمان.. لما قالت إن ابن اختها الصغير نفسه في بيتزا وريش و مش عارفين يجيبوها بسبب الثورة.. النهاردة بيعيطوا على المارشميللو و السويت كورن و اللوكر والكوتشي اللي بينور..
اللي قالولنا "مبارك ضيع الصناعة" ، هم نفسهم اللي اتحرق دمهم من مبادرة "شجع منتج بلدك/ صنع في مصر"..
.
اللي اتضايقوا من الحلف المصري الروسي..قاعدين بيطبلوا للحلف التركي الروسي....
اللي خايفين علي أمريكا تجرب رجل الأعمال المليونير الشهير "ترامب" ، بس معندهمش مانع إننا نجرب العاطل "صباحي" في مصر...
اللي بتبقى عنده سوريا بتحترق لما روسيا تضرب الإرهابيين فيها.. بس بتتطفي و تبقي حلوة و مابتحترقش لما اسرائيل تقصفها أو أمريكا تضربها بالطيران...
.
دول اللي قالولنا "الحل في العراق إن صدام يرحل و مش مهم مين ييجي" و "الحل في ليبيا إن القذافي يرحل و مش مهم مين ييجي".. و مصممين يجربوا نفس السيناريو في مصر و سوريا...
دول بتوع "و أعدوا" هم و مراكيبهم.. اللي بيقولولنا "هو الجيش بيتسلح ليه" و بعدين الجملة العسكرية الاستراتيجية العبقرية الحمورية "ما نجيب بدل السلاح سكر"..
إيه رأيكوا بالمرة روسيا تبيع مناجم اليورانيوم و تشتري جيلي كولا ؟؟
.
روح يا بني لدكتور نفسي أنت و هو.. قول له الكلام دا.. قول له "أنا بقول الجملة و عكسها في نفس اللحظة".. و "بدعم مباديء معينة ولما بتتحقق بازعل" و "شايف السكر أهم من حاملات الطائرات" والسويت كورن أهم من الرافال ، و "الإرهابي بطل و رجل الأمن عميل".. و "اللي بيساعد بلده لجنة و خاين.. و اللي بياخد تمويل أمريكي تركي ثائر شريف".. و "انا باعيط علي اللوكر و المارشميللو و حاعمل ثورة للغلابة يوم 11"...
قل له "لما بشوف ناس ساكنة في المقابر و العشوائيات بتتملك مساكن آدمية باكتب #وجع و #عبث و #قهر"...
صدقني ممكن تتعالج.. الوقت مفاتش..
#علف #تبن
.
----------------------------
By: Alaa Hammouda