العدو يأتى من الجنوب
=============
سر السودان و مخطط الجنوب
=================
اللي بيحصل ده لا حد شرب البشير حاجه صفرا و لا هوا عبيط و لا الموضوع بسيط لدرجة أن المخطط مجرد نقل الدواعش ... الموضوع مستقبل مصر اللي هما شايفينه و بيسابقوا الزمن عشان يدمروه و القصة من اولها :
- العالم كله رايح لكساد أعظم حيكون مراحل أزمات اقتصادية حتؤدي في النهاية لانهيار سلة العملات بالكامل و حترجع الأنظمة الاقتصادية تاني لغطاء الدهب و حيكون الدهب هوا العملة الوحيدة اللي بيمتلكها يمتلك قراره و من لا يمتلكها حيواجه انهيار اقتصادي أمني حيصل لاقتتال داخلي و مجاعات.
- روسيا بتزود مخزونها من الدهب و الصين كذلك في الوقت اللي أوروبا بتسحب منه و عشان كده بريطانيا بتنسحب من الاتحاد الأوروبي و عشان كده بوتين مهتم بتركيا عشان تكون بوابته لاجتياح شرق أوروبا بعد سيناريو الانهيار ما يبدأ.
- يعني الدهب هو طوق النجاة القادم مش البترول و لا اى حاجه تانيه طيب مصر فين من الكلام ده
- مصر عارفه السيناريو ده من فترة و بتجهز له كويس اوى ... بتجهز ازاي من خلال مثلث الدهب اللي في الجنوب (شرق النيل) و منطقة حلايب و شلاتين و جبال علبة اللي كلها دهب لدرجة أن الجيش هناك كان بيقبض على شباب مصري دخل نكش شوية و مطلعين عروق دهب و كان وقتها بيتم تحريز اللي معاهم مش مصدق اسألوا أهل أسوان و مناطق نصر النوبة و غيرهم
- قوي الشر عارفه ان مصر تمتلك دهب في المثلث الجنوبي يخليها وقت الأزمة من أقطاب العالم لأن الدهب الموجود حيفوق احتياطيات قوى عظمى فكان المخطط في جنوب مصر.
- حاولوا يعملوا اقتتال داخلي بين الدولة المصرية و اهل الجنوب و يحولوها ساحات قتال و بدأوها بموضوع الهلايل و الدابودية و يومها الدابودية اللي عمرهم ما شالوا سلاح ظهر في أيديهم سلاح و كان داخل من (السودان) بعد زيارة بغل قطر بيومين ... و تاني محاولة لما سربوا إشاعة ان الدولة حتبيع اراضي النوبيين في غرب النيل للمستثمرين و حصلت اشتباكات يومها مع الأمن و كان المخطط ان المحتجين يعدوا الكمائن و كان السلاح حيدخلهم هناك و البهوات بتوع أمريكا كانوا جاهزين و أظن الحمد لله كشفنا الموضوع ده في يومها و لما فشل المخطط الداخلي نقلوا للخطة البديلة.
- نقل الدواعش للسودان و منها الهجوم على الحدود الجنوبية و محاولة خلق خلايا ليهم في صعيد مصر تمهيدا لتكرار سيناريو جنوب السودان و حسب مخططهم لما ينفصل الجنوب يبأي حطوا أيديهم على الدهب و مصر تصبح دولة بلا أي مخزون دهب و تدخل في سيناريو الانهيار
- عرفتوا ليه التسليح المتطور و ليه الأسطول الجنوبي
اوعوا تقولوا البشير عبيط أو تختزلوا المخطط في مجرد نقل الدواعش ...
المخطط مستقبل دولة بتمتلك مقومات الانطلاق و السيادة ..
و قوي الشر بتحاول تقضي على المستقبل ده .. منقول