اجتماع التحالف الرباعي العربي في المنامة...دول التحالف أصرت على المطالب الـ 13

Mohammed Haffz

........................

اجتماع التحالف الرباعي العربي في المنامة انتهى من شوية ، والبيان اللي طلع مالوش غير معنى واحد إن دول التحالف أصرت على المطالب الـ 13

، و كل شويه هتلاقي مسئول أو وزير في دولة من الدول الأربعة يطلع بخبر عن الشاذ تميم و دعمه للإرهاب و علاقاته المشبوهة بقوى الشر ، و ملياراته اللي بيصرفها في أوروبا و أمريكا لتلميع الوجه القبيح .

.

مش مهم حضرتك تثق في الدول الخليجية التلاتة اللي في التحالف .. بس انا شخصيا بثق تماما في القيادة المصرية ، و عارف إن مصر هي اللي بتدير الملف ده من الألف للياء ، اللي بيحصل هو تسوية الشاذ القطري على نار هادية ، و القرارات بتبقى تصاعدية ، من غير تصادم ، و التصادم هنا مش معناه صدام مع الكشك اللي عالخليج ( لأنه صفر عالشمال ) ، إنما الصدام هنا معناه الوقوع في الفخ .. الفخ اللي كاتبه نفس الشيطان كاتب السيناريو اللي شغال من 2010 ، و الصفحه الحالية من السيناريو بتتكلم عن صدام و حرب إقليمية تشارك فيها مصر و السعودية و الإمارات من جهة ، و تركيا و إيران من جهه تانية ... و الغرض منها هو تقسيم السعودية و في نفس الوقت معركة تكسير عظام بين الـ 3 جيوش القوية اللي في المنطقة ( مصر و تركيا و إيران ) و طبعا معروف مين المستفيد .. بس احنا مابنقعشي في الفخ .

.

كاتب السيناريو في يناير 2011 مكانشي بيتكلم عن ربيع عربي ولا حتى عن ربيع ياسين .. اللي حضرتك تم استدراجك فيه هو إزاحة مبارك عشان الجماعة الإرهابية تحكم مصر ، يعني إزاحة مبارك كانت مجرد الطعم اللي شكله حلو عشان السمكة تشبك في السنارة .. الرجاله بقى اللي مابيقعوش في الفخ سابوا الشعب يزيح مبارك فعلا عشان مكانشي ينفع مبارك و حاشيته يستمروا أكتر من كده ولا ينفع التوريث ولا الهبل ده ( خدنا الجزء الحلو في السيناريو .. بلعنا الطعم بمزاجنا ) و نفس الرجالة سمحوا لنفس الشعب مايقعشي في الفخ بتاع إن الجماعة الإرهابية تحكم مصر ( يعني تجنبنا الجزء الشيطاني ، ماشبكناش في السنارة ) .

.

ده بالظبط اللي بيحصل في الملف القطري ... كاتب السيناريو عارف ان قطر بقت كارت محروق فقام راميهالنا ( عشان تبقى الطعم ) بس عايز يجرك لحرب اقليمية ( السنارة ) .. انت من مصلحتك ان قطر تتحرق و شطارتك بقى انك تحرقها من غير ما تقع في الفخ ( يعني من غير ما تشبك في السناره )

.

و كل مرة كده .. تسيب الشيطان يقرقض ضوافره و يشد في شعره و يقطع الورق اللي بيكتب فيه من عشرة خمستاشر سنة بسبب طريقة تفكيرك ... يابني البلد دي فيها رجالة عارفين كويس أوي هما بيعملوا ايه .. مصر مابيحكمهاش خمس ست عيال صيع شعرهم منكوش قاعدين يحششوا على قهوة من قهاوي وسط البلد .

.

----------------------------

By: Mohamed Hussein

» أمريكا تدعم التحالف التركى الإيرانى فى المنطقة.
» التحالف القطرى الإيرانى ورسالته التحذيرية للسعودية
» البيان الرباعي للرباعية العربية ضد ‘رهاب قطر جاء مخيب الأمال وتحت سقف توقعاتنا بكتير..
» ☀ "الأمن الوطني" يكشف أسرار "اجتماع تركيا" لاغتيال النائب العام الراحل المستشار هشام بركات.
» من كواليس اجتماع فيينا الأخير: