من قبل Mohammed Haffz.
...........................
الضربات الجوية المصرية على معسكرات الإرهابيين في ليبيا.. الأهداف والرسائل والتداعيات
===================================================
عقب الضربات الجوية المصرية في ليبيا ، فوجئنا أن تونس والجزائر أعترضوا علي الضربات دي وطلبوا أجتماع بمصر بشأن ليبيا لدراسة الوضع فيها ..
https://goo.gl/BqFcBb
طب هما ليه معترضين علي الضربات دي ؟ وليه طلبوا أجتماع بمصر ?!
هشرح ليكم ليه ..
أولا الضربات المصرية طالت شرق ليبيا ووسطها وجنوبها ..
وده معناه أن الأرهابين والجماعات دي هيتم إزاحتهم غربا نحو مناطق أكثر بعدا من ضربات سلاح الجو المصري ..
يبقي مفيش قدامهم غير مصراتة معقل الأخوان ، وأيضا معقل القوات الأجنبية وأجهزة المخابرات الغربية والعربية اللي في المدينة ، أو شمال غرب في العاصمة طرابلس وما حولها بالقرب من الحدود الليبية التونسية أو جنوب غربا بالقرب من الحدود الليبية الجزائرية ..
عقب الضربات المصرية الجيش الليبي أعلن أنه هيكون فيه تدخل بري منه بغطاء جوي من سلاح الجو المصري والليبي .. ده غير تشكيل غرفة عمليات مشتركة للتنسيق والتخطيط بين الجيش المصري والليبي ..
وده اللي مخوف تونس والجزائر ...ان الأرهابيين هيقربوا من حدودهم وهيأثروا عليهم بعد الضربات المصرية ..
*تونس تقريبا معندهاش جيش أو قوات جوية تقدر تضرب ضربات أستباقيه .
*الجزائر دستورها بيمنع الجيش من الخروج خارج الحدود .
الحرب في ليبيا حرب بالوكالة بدون تدخل مباشر من الدول الأجنبية بعد أسقاط نظام القذافي ومصر زي ما الرئيس قال كانت منتبهة للخطر ده وأعتمدت مصر على الجيش الوطني الليبي وتأسيسه كان مصري ، حتي مجلس النواب الليبي ودعمه مصريا ومكان انعقاده في مدينة طبرق الليبية بالقرب من الحدود المصرية .. مصر كانت بتأمن حدودها عن طريق أستراتيجية المنطقة العازلة الأمنة او الحزام الأمن Buffer zone
يعني إيه الكلام ده ؟
يعني كانت بتدعم الجيش الليبي معلوماتيا ولوجيستيا وتدريبيا و عسكريا بحيث يسيطر علي كل المناطق الليبية الموازية للحدود المصرية بحيث يتم خلق منطقة حدودية عازلة وآمنة بما يخفف العبء علي حرس الحدود المصري ..
الدول اللي بتحاربنا بالوكالة وليها مصالح في ليبيا هي قطر- تركيا - بريطانيا - ايطاليا ، ولكن ايطاليا ليها مصالح خاصة طمعا في الغاز والبترول الليبي وعودة الأستعمار مرة أخرى عشان كده مصالحها بقت مرتبطة بالدول الأخرى اللي تدخلها دعم الاخوان لتمكينهم بحيث يكونوا ذراعهم وديولهم في ليبيا .. وده يخلينا نروح لقضية مقتل ريجيني واللي مسئول عنها المخابرات البريطانية لتوتير العلاقة بين مصر وايطاليا خصوصا بعد أكتشاف شركة ايني الأيطالية لاكبر حقل غاز في البحر المتوسط .. الهدف مش حقل الغاز فقط ، لأن دي شركات راس مالها بميزانيات دول ، وهي اللي بتتحكم في سياسات دول مش العكس .. الهدف كان ليبيا والضغط علي مصر بسبب دعمها للجيش الليبي ورفضه ورفض مصر لأي وجود لعناصر اخوانية ليبية في الحكم والتسوية أو ابعاد قائد الجيش الليبي من المعادلة السياسية والمؤسسة العسكرية الوطنية ..
فيديو لريجيني مع ممثل الباعة الجائلين بيوضح انه جاسوس وبيقبض منين :- https://youtu.be/ewqrXwg1Iqk
كل اللي كان بيخدم علي قضية مقتل ريجيني وبيحاول يلبسها للأمن المصري بيبقض برضه ومرتبط بمنظمات التمويل الخارجي .
بعد سقوط حكم الاخوان في مصر وفشل الحراك الداخلي من مظاهرات وعمليات فوضي وتخريب .. وبعد انتهاء دول داعش في سوريا خصوصا بعد اتفاق الآستانة ، أتجه رعاة المؤامرة لنقل الارهابيين من سوريا والعراق إلي ليبيا عن طريق تركيا والسودان لمعسكرات التدريب ثم يتم الدفع بيهم لداخل مصر .. ودعم تنظيم ولاية سيناء بالسلاح والمتفجرات ، بعد تجفيف مخازن السلاح والأنفاق وتصفية معظم عناصره خصوصا بعد عملية رمضان 2015 اللي كلنا عارفنها وفاكرنها ..
أماكن قصف الطيران المصري من القمر الصناعي .
مصر ضربت في مدينة الجفرة في الجنوب الليبي .. بسبب ان المدينة دي فيها قاعدة جوية عسكرية بينزل فيها رحلات نقل العناصر الأرهابية وشحنات السلاح .
صور للمدينة و للقاعدة من القمر الصناعي :-
https://i.imgur.com/NbHi4le.jpg
https://i.imgur.com/nUQ0hPq.jpg
الضربة في منطقة الجفرة كانت في مدينة هون ...تحديدا بالقرب من القاعدة ..
صورة بتوضح مكان المدينة والقاعدة وبعدها من أقرب مطار عسكري مصري حوالي 1000 كيلو .
https://i.imgur.com/KuKVEq3.jpg
الضربات المصرية الأخيره خير رد لكل واحد كان بيقول بنجيب سلاح ليه بعد مشاركة الرافال في الضربة ودورها في السيادة الجوية وحماية طائرة القيادة والأنذار المبكر وتحليل البيانات الإواكس E2c عن طريق صواريخ الميكا الحرارية والرادارية .. بالأضافة لمن يقوم بالضربات وهي مقاتلات F 16 Block 52 ذات المدى 4200K بخزانات الوقود الكتفية CFT .
صور للرافال بصواريخ الميكا الحرارية والرادارية .
https://i.imgur.com/5iKOcHG.jpg
https://i.imgur.com/mLUUgMq.jpg
طب ليه الرافال تحديدا ?!
الرافال فيها أمكانيات تكنولوجية مش في أي مقاتلة تانية ، ده غير تنوع الذخائر الخاصة بيها .. ولكن هنتكلم عن نقطة مهمة تهمنا في مقالنا ده وانا أتكلمت عنها قبل كده بس هفكركم بيها وهي أمكانية تزويد المقاتلات ببعضها بالوقود وده يسمي
Buddy-to-Buddy Refueling
وده موجود فقط علي نسخة الرافال البحرية rafale m العاملة علي حاملة الطائرات شارل ديجول ولكن طلبت مصر تعديلا خاصا لها وده يعني زيادة المدي العملياتي للطائرة ..
مش بس الرافال ...التعديل ده كمان ضمن التعديلات المصرية للمقاتلة ميج 35 الروسية .
أحدث صورة للميج 35 الروسية النسخة المصرية بـ 4 خازنات وقود خارجي مخصصة لتزويد مقاتلة أخري بالوقود .
https://i.imgur.com/0Wic7aR.jpg
شرح أكتر لنقطة تزويد المقاتلات ببعضها بالوقود .
https://goo.gl/EyKQos
في ضربة القوات الجوية 2015 ثأرا للمواطنين المصريين اللي أستشهدوا في ليبيا علي يد تنظيم داعش الأرهابي المقاتلات اللي نفذت الضربة الإف 16 بلوك 40 وده معناه ان الضربات كانت في الشرق الليبي فقط .. لكن مع وجود الرافال مع الإف 16 بلوك 52 زاد المدى العملياتي لسلاح الجو المصري ووصل للجنوب الليبي والوسط والغرب كمان لو عاوزين
مش بس ليبيا .. أصحي يا أثيوبيا ليغفلوكي .
صورة للإف 16 بلوك 40 المستخدمة في الضربة 2015 :-
https://i.imgur.com/AkgEKzQ.jpg
الذراع الطولى لمصر مش جوا بس ولكن بريا كمان عن طريق قوات التدخل السريع وقوات المظلات المحمولين جوا عن طريق طائرات النقل الأستراتيجي ..
وبحريا عن طريق تشكيل أسطولين بحريين شمالا وجنوبا بقيادة حاملات المروحيات والإنزال البرمائي والقيادة والسيطرة ميسترال .
تحياتي
.
-----------------------------------
By: Mohamed Abd El-Rahman
موضوع: الضربات الجوية المصرية على معسكرات الإرهابيين في ليبيا.. الأهداف والرسائل والتداعيات 
الخميس يونيو 01, 2017 6:00 pm
